بلوچستان کے رواں مالی سال کے بجٹ میں شامل جاری اور نئے ترقیاتی منصوبوں پر عملدرآمد اور اس سلسلے میں نئے ترقیاتی منصوبوں کے پی سی ون کو 31 جولائی تک حتمی شکل دینے کے لیے ایک اجلاس منعقدہوا۔ اجلاس میں ترقیاتی منصوبوں پر پیشرفت کا جائزہ لیا گیا۔ اجلاس میں وزیراعلیٰ بلوچستان جام کمال خان کی ہدایات کی روشنی میں روشن بلوچستان، گرین ٹریکٹر اسکیم، گرین بس جیسے اہم منصوبوں کی جلد تکمیل کو یقینی بنانے کا فیصلہ کیا گیا۔
ملک میں اس وقت سیاسی جماعتوں سے تعلق رکھنے والے اہم رہنماؤں کی گرفتاریاں ہورہی ہیں خاص کر مسلم لیگ ن سے تعلق رکھنے والے رہنماؤں راناثناء اللہ اور شاہد خاقان عباسی کی حالیہ گرفتاری کے بعد سیاسی ماحول زیادہ گرم ہوگیا ہے، اس سے قبل میاں محمد نواز شریف، حمزہ شہبازشریف کی گرفتاری اور سزاعمل میں آئی ہے۔
خوش فہمی اور حقائق کے درمیان تمیز رکھنا انتہائی ضروری ہے، ملک کی ستر سالہ تاریخ میں شاید ہی کوئی ایک حکمران ایسا گزرا ہو جس نے اپنے دور میں ہونے والی غلطیوں اور ناانصافیوں کا اعتراف کیا ہو بلکہ ان کی زبان سے ہمیشہ اپنے دور کی خوشحالی کی مثالیں ہی دی جاتی رہی ہیں یہ بات الگ ہے کہ آج ملک کا دیوالیہ ہوکر رہ گیا ہے اور یہ ایک دن میں نہیں ہوا۔
بلوچستان کے گرین بیلٹ نصیرآباد ڈویژن میں زرعی اور پینے کے پانی کا بحران شدیدترہوگیا ہے۔ پٹ فیڈر کینال اور اس کی ذیلی نہروں کے ٹیل تک پانی کی شدید قلت برقرار ہے۔
کوئٹہ کے علاقے ڈیگاری میں کوئلے کی کان میں پھنس جانے والے دس کان کنوں میں سے صرف ایک بچ سکا۔مزدور تنظیموں کے رہنماؤں کا کہنا تھا کہ اگر بروقت موثرکارروائی کی جاتی تو شاید زیادہ کان کن بچ سکتے تھے۔یہ کان کن اس علاقے میں پاکستان منرل ڈویلپمنٹ کارپوریشن (پی ایم ڈی سی) کی کوئلہ کان میں گزشتہ اتوار کو 11بجے پھنس گئے تھے۔ کان کن چار ہزار فٹ گہرائی میں کام کررہے تھے۔
حکومت بلوچستان نے صوبہ میں محکمہ تعلیم میں اصلاحات اور بہتری کیلئے تعلیمی ایکٹ 2018 متعارف کرانے کافیصلہ کیا تھا جس میں سرکاری اسکولوں میں اساتذہ کے ہڑتال، احتجاج، بائیکاٹ کرنے والوں کو ایک سال قید اور پانچ لاکھ روپے جرمانہ جبکہ اساتذہ کو اکسانے اور مالی معاونت فراہم کرنے والوں کو 6ماہ قید 3لاکھ روپے جرمانہ ہوگا یا دونوں سزائیں بیک وقت بھی لاگو ہوسکتی ہیں۔
ریکوڈک کیس میں پاکستان کو جرمانے کے معاملے پر وزیراعظم عمران خان نے کمیشن بنانے کی ہدایت کردی۔ کمیشن تحقیقات کرے گا یہ صورتحال کیسے پیدا ہوئی اور پاکستان کو جرمانہ کیوں ہوا، کمیشن ملک کو نقصان پہنچانے والوں کا تعین بھی کرے گا۔
جج ارشد ملک کے بیان حلفی اور ان کو ہٹانے کے بعد نواز شریف کو ہونے والی سزا کا معاملہ نیا رخ اختیار کرتا جارہا ہے جہاں اس پر مسلم لیگ ن سیاست کررہی ہے وہیں ارشد ملک کے سنائے گئے فیصلے اور مبینہ ویڈیو پر بھی بحث جاری ہے۔ مگر یہ معاملہ سیاست سے آگے قانونی تقاضوں کاہے جسے انتہائی باریک بینی سے دیکھاجاناچائیے کیونکہ کسی بھی معاشرے میں عدلیہ کا کردار انتہائی اہم ہے جسے سیاست سے بالائے طاق رکھ کر دیکھا جاتا ہے۔
لاہور سے کوئٹہ جانے والی اکبر ایکسپریس رحیم یار خان کے قریب ولہار اسٹیشن کی حدود میں کھڑی مال گاڑی سے ٹکرا گئی جس کے نتیجے میں موقع پر گیارہ افراد جاں بحق اور 80سے زائد زخمی ہوگئے، حادثے میں مسافر ٹرین کا انجن مکمل طور پر تباہ ہوگیا اور 3 سے 4 بوگیاں پٹڑی سے اتر گئیں،6 سے 7 بوگیاں شدید متاثر ہوئیں۔ حادثہ صبح 4 بجے کے قریب پیش آیا، ٹرین میں سوار بیشتر مسافر سو رہے تھے۔
گزشتہ چند دنوں کے دوران بڑی خبریں سامنے آنے کے بعد ملکی سیاسی صورتحال میں گرماگرمی پیدا ہوگئی ہے، اپوزیشن جماعتوں کی جانب سے پہلے چیئرمین سینیٹ کے خلاف عدم اعتماد کی تحریک لانے کافیصلہ مشترکہ طور پر کیا گیااور اس پر عملدرآمد کرتے ہوئے گزشتہ روز سینیٹ میں عدم اعتماد کی تحریک جمع کرادی گئی۔