دگنیا ءِ راجدپتر ءُُ آشوبانی وانگ ءَ چہ اے گپ ہمک وہد ءَ دگنیا ءَ نوک نوکیں تحریک انت ءُُ جنز دیم ءَ اتکگ وہدے بنی آدم ءِ کرا علم ءُُ زانت ءِ شعور گیش بوت آئی نں زہم ءِ جاہ ءَ گیش قلم ءَ را ارشت دات ءُُ وتی حقانی ھاترا لوز ءُُ قلم کارمرز کرتگ انت بلوچستان ءَ نوکیں سیاست ءِ بندات کساس ۱۹۲۰ ءِ دہ یک ءَ بوت کہ آھانی سروکانی تہا یوسف مگسی ،عبدالعزیز کرد ،محمد حسین عنقا ،گل خان نصیر ءُُ دگہ ہوار انت ۔
ادا ڈگارانی تہا سبزگ ءُُ گلزاریں ندارگ گندگ ءَ اھت بلئے زند گواستیں عہد ءِ رنگ ءَ ات ہما ہاک ءِ پرشتگیں ءُُ کسانیں گس ہرکسی لنٹ ہشک بزگ ءُُ ملورات ۔
اے فطرت ءِ کانود اِنت ہمک است ،نیست بیت ہمک چیز الم ءَ زوال ءُُ ھلاسی گنِدایت ،ہمے رنگ ءَ روچ ،ماہ ءُُ سال زند اوں کیت ءُُ ھلاس بیت ۔اے رہبند ہمے وڑا داں قیامت ءَ برجم اِنت ۔اے دنیا ءَ ہمک مردم ودی بیت آئی ءِ کرا لہتیں سال ءُُ وھد بیت اے بنی آدم ءِ وتی جند ءِ منشا اِنت کہ وتی وھد ءَ چون گوازینیت ( اے گپ وتی جاہ ءَ راست اِنت لہتیں جاھاں زوریں کانود ءُُ زوراکیں مردم لاچار کن اَنت تو ہمائی ءِ وڑا زند ءَ گوازینئے)
بلوچی بہرگ گوستگیں چار ءُُ پنچ سال اِنت کہ وتی ندکار ءُُ لبزانتاں عہد بستگی داد دیان ءُُ پیداک اِنت ۔اے عہد بستگی داد ءِ بنگیج کار واجہ عبدالصبور بلوچ ءِ کماشی ءَ اولی براں ۲۰۱۲ ءَ بندات بوتگ ءُُ مرچی ءَ داں پنچ ءُُ شش کواس ءُُ زانتکاراناں عہد بستگی داد دئیگ بوتگ ہمیشانی تہا واجہ منیر احمد بادینی ،عبداللہ جان جمالدینی ، ظفر علی ظفر،بیگ محمد بیگل ءُُ نوں بلوچی زبان ءِ لبزانک ءُُ کواس ،شرگدارءُُ گدار نویس ،شاعر ءُُ پولکار واجہ غنی پرواز ءَ دئیگ بوتگ۔ دیوان ءِ بنگیج گوں قرآنی آیات ءَ کنگ بوتگ اَت ءُُ دیوان ءِ جار چین واجہ زاہد دشتی ءِ کوپگاں دئیگ بوتگ ۔
مروچیگیں دور وانگ ءُُ زانگ ءِ دور اِنت ہرکس ءَ بچار ءَ کتاباں گوں سرءُُ لینڈ اِنت لہتیں جنزل نالج وانیت ،لہتیں وتی جند ءِ دربرجاھانی کورس بکاں وانیت ءُُ لہتیں مردمءَ ایوک ءَ زانگ ءِ ھب اِنت پمشکا آ ھمک پڑ ءَ وانیت آئی ءَ ہرچی دست ءَ بئیت آ وانیت،بلئے سد اپسو ز کہ ھمے ہرچی کہ آئی ءِ دست ءَ آ وانیت آ بلوچی بہہ نہ وانیت ،چشیں مردماں وھدے جست بیت کہ واجہ تو بلوچی پرچہ نہ وانئے گڈاں دائم آئی ءِ پسو ہمیش اِنت کہ بلوچی ءِ تہا انگت ہچی نبشتہ کنگ نہ بوتگ ما چے بواناں یکبرے اگاں مردم کمو بش بش وارت کہ بلوچی ءِ تہا اے درائیں کتاب کہ ھمک سال دوسد ءَ برز کتاب چاپ بیت ءُُ چشیں مردم گشیت کہ بلوچی ءَ انگت ءَ ھچی نبشتہ نہ بوتگ ،بلئے وھدے ما ھمائی ءِ پگری ھساب ءَ چاراں داں زانگ بیت کہ ھو! بلوچی زبان ءَ انگت ءَ ھچی نبشتہ کنگ نہ بوتگ۔
بنی آدم ءِ بنداتی زند گوں تہاری ءَ گوستگ،آ ھدا ءِ ھمک قدرتانی دیم ءَ بے وس ات۔برے چہ سرید ءَ ھذاب ات ءُُ برے چہ گرمی ءَ ھور ءُُ توپان ءِ کل آنی زند ءِ ھاتر ءَ جیڑہ ءُُ جنجال ات انت۔بلئے وھدے بنی آدم ءِ علم ءُُ زانت ءُُ شعور ءَ دیمروئی کرت گڑا بنی آدم ءَ ھمک چیز
۱۹ ءُُ ۲۰ مئی ءَ ڈسٹرکٹ کونسل ھال پنجگور ءَ دو روچی لبزانکی مراگش برجم دارگ بوتگ کہ ایشی ءِ تہا کوئٹہ کراچی ءُُ پنجگور ءِ جتائی ھند ءُُ دمگانی مردماں بھر زورت ۔اے مراگش ءِ دو بہر ءَ کنگ بوتگ ات۔ ۱۹ مئی ءِ بیگاہ ۵ بج ءَ سیمنار انت کہ آئیءِ بنگپ ’’ بلوچی لبزانک
ھدا کجا اِنت ءُُ ما ھدا ءَ کجاشوھاز بکنیں؟؟؟ پرچکہ بنی آدم ءَ ھدا گار کرتگ ءُُ آئی ءِ شوھاز ءَ سربتگ اِنت ۔بازیں مردماں ھدا چہ زمین ءَ دور ماں آزمان ءَ نادینتگ ءُُ مُلّا آں ایوک ءَ ھدا مسیت ،پاگ ءُُ ریش ءِ تہا بند کرتگ آھانی گشگ انِت کہ ھدا شوھاز کنگ لوٹیت بلئے ھدا شوھاز کنگی چیزے؟؟؟