Posts By: نامہ نگار

ڈیرہ اللہ یار: ڈیرہ اللہ یار چھالیہ کا گڑھ بن گیا کراچی اور اندرون سندھ اسمگلنگ جاری پولیس ایکسائز کی چشم پوشی بڑے بڑے نام ایرانی تیل کے بعد چھالیہ اسمگلنگ کے کاروبار میں ملوث ہیں رپورٹ کے مطابق ڈیرہ اللہ یار میں رائس ملز اور لائن کے ہوٹلوں کی دکانیں چھالیہ کے گوداموں میں تبدیل ہوگئے افغان سرحدی شہروں سے روزانہ کروڑوں روپے کا چھالیہ مسافر کوچز ودیگر ٹرانسپورٹ کے ذریعے ڈیرہ اللہ یار پہنچا کر گوداموں میں ذخیرہ کیا جاتا ہے۔

اندرون بلوچستان: مولانا عادل کے قتل کیخلاف بلوچستان کے مختلف شہروں میں شٹر ڈاؤن ہڑتال رہی، خضدار میں چاغی بھاگ اور حب میں دکانیں بند اور ٹریفک معمول سے کم رہا،تفصیلات کے مطابق ممتاز عالم دین مولانا ڈاکٹر عادل خان کی شہادت کے خلاف علما ء کمیٹی کی مرکزی کال پر خضدار میں بھی مکمل شٹرڈاون رہا،شٹرڈاون کے باعث شہر کے تمام چھوٹے بڑے کاروباری مراکز بند رہے۔

چاغی :کراچی میں حضرت مولانا عادل خان کی قتل کے خلاف علما کمیٹی کے کال پر چاغی میں بھی شٹرڈاؤن ہڑتال کی گئی جس کے دوران دکانیں اور کاروباری مراکز بند رہے جبکہ اس دوران بازار میں ٹریفک کی روانی بھی معمول سے کم رہی. ہڑتال کے باعث مسافروں اور عام لوگوں کو مشکلات کا سامنا رہا تاہم اس دوران کوئی ناخوشگوار واقعہ پیش نہیں آیا جبکہ امن و امان برقرار رکھنے کے لیے لیویز فورس کی جانب سے گشت کی گئی.

کوہلو: بلوچستان کے علاقے کوہلو میں لیویز فورس نے دہشگردی کا منصوبہ ناکام بناتے ہوئے بھاری مقدار میں اسلحہ اور گولہ بارود برآمد کیا۔

چمن: عوامی نیشنل پارٹی کے صوبائی صدر وپارلیمانی لیڈر ایم پی اے اصغر خان اچکزئی نے کہا ہے کہ اسد خان کو اغواء کرکے انتشار پھیلانا ایک سازش ہے اگر ریاستی اداروں کے پاس اسد خان نہیں توغیر ریاستی اداروں سے بازیاب کرانا بھی ریاستی اداروں کی ذمہ داری ہے،آل پارٹیزدھرنا سے خطاب عوامی نیشنل پارٹی کے صوبائی پریس سیکرٹری اسد خان اچکزئی کے اغواء کے حوالے سے قائم احتجاجی دھرنے سے عوامی نیشنل پارٹی کے صوبائی صدر وپارلیمانی لیڈر ایم پی اے اصغر خان اچکزئی نے خطاب کرتے ہوئے۔

دالبندین: بلوچستان نیشنل پارٹی کے سینٹرل کمیٹی کے ممبر و رکن قومی اسمبلی حاجی میر محمد ہاشم نوتیزئی نے اپنے جاری کردہ بیان میں کہا کہ بلوچ طلباء پر تعلیم کے دروازے بند کرنے کی ناکام کوشش کیا جارہا ہے جس کی جتنی بھی مذمت کی جائے کم ہے انہوں نے کہا کہ حکومت ہوش کے ناخن لے بلوچ اسٹوڈنٹس کے جائز مطالبات کو تسلیم کرکے ان کو باقی صوبوں کے برابر اسکالرشپ و دیگر سہولیات فراہم کرے۔

کوہلو: نیشنل پارٹی کوہلو کے زیر اہتمام سنیٹر میرحاصل خان بزنجو(مرحوم) کی یاد میں تعزیتی ریفرنس پارٹی کے ضلعی سیکرٹریٹ میں منعقد کیا گیا ریفرنس میں نیشنل پارٹی کے مرکزی وصوبائی رہنماؤں سمیت ضلعی عہدیداروں اور کارکنوں نے بڑی تعداد میں شرکت کی اس موقع پر نیشنل پارٹی کے مرکزی رہنماء محراب بلوچ،صوبائی آرگنائزنگ کمیٹی کے ممبر عرض بلوچ،ضلعی صدر محمد دین مری،ضلعی جنرل سیکرٹری وڈیرہ علی نوازمری۔

چمن: چمن عوامی نیشنل پارٹی کے صوبائی پریس سیکرٹری اسد خان اچکزئی کی عدم بازیابی کے خلاف آل پارٹیز تاجراتحاد کی جانب سے ڈپٹی کمشنر آفس کے سامنے کوئٹہ چمن بین الاقوامی شاہراہ بلاک کر کے دھرنا جاری دھرنے میں عوامی نیشنل پارٹی کے مرکزی ڈپٹی سیکرٹری ر برگیڈیئر سلیم خان اے این پی اے خان محمد کاکڑ،عبدالعلیم پشتونخواہ ملی عوامی پارٹی, قبائلی رہنما حاجی مازل آقا،انجمن تاجران قاسم شہزاد احمد خان۔

سوراب: پاکستان تحریک انصاف سوراب کے زیراہتمام ممبر بلوچستان اسمبلی نوابزادہ میر نعمت اللہ خان زہری کی جانب سے حکومت اور پاک فو ج کے حق میں ایک تاریخی ریلی نکالی گئی اور جلسے کا اہتمام کیاگیاریلی میں ہزاروں کی تعداد میں موٹر سائیکل اور گاڑیاں شامل تھیں ریلی سوراب کرکٹ گراونڈ سے شروع ہوانغاڑ روڈ، قومی شاہراہ،لنک روڈ اورسوراب بازار سے ہوتا ہواسوراب فٹبال گراونڈ میں منعقدہ جلسہ گاہ پہنچ گیا۔