نوشکی: آل پارٹیز اور زمیندار ایکشن کمیٹی نوشکی کا مشترکہ اجلاس پریس کلب نوشکی میں زیرصدارت صدر زمیندار ایکشن کمیٹی نوشکی میر محمد اعظم ماندائی منعقد ہوا اجلاس میں آل پارٹیز کے نمائندے میر خورشید احمد جمالدینی، حاجی منظور مینگل، مفتی فدا الرحمن ریکی، عبیداللہ، حافظ عبداللہ گورگیج اور جبکہ ممتاز زمیندار ملک حاجی محمد عثمان جمالدینی، سردار زداہ حاجی منظور مینگل، حاجی عبدالسلام ماندائی، میر عبدالواحد بادینی، ندیم بڑیچ، میر قائم خان جمالدینی، عنایت اللہ بڑیچ، ہدایت اللہ بادینی، محمد ایوب بادینی، حاجی میر علی دوست بادینی، حاجی محمد بخش ماککی،حاجی عبدالمجید، صالح محمد ماندائی، محمد عارف بادینی، سوشل ورکر کامریڈ جمیل بلوچ، ودیگر درجنوں زمینداروں نے شرکت کی۔ اجلاس میں دیہی فیڈرز میں بجلی کی طویل لوڈشیڈنگ سے پیدا ہونے والی صورتحال کا جائزہ لیاگیا۔
چمن: عوامی نیشنل پارٹی کے صوبائی پریس سیکرٹری اسد خان کی اغواء کے خلاف آل پارٹیز تاجراتحاد کا احتجاجی مظاہرہ مظاہرہ شہر کے مختلف شاہراہ سے ہوتے ہوئے ڈی سی کمپلیکس کے سامنے دھرنے میں تبدیل ہوگیا تفصیلات کے مطابق اے این پی کے صوبائی پریس سیکرٹری اسد خان کو 12 دن پہلے کوئٹہ ائیرپورٹ روڈ سے نامعلوم افراد نے اغوا کیا تھا جس کے خلاف آل پارٹیز نے پہلے چمن کوئٹہ بین الاقوامی شاہراہ کو بند کر دیا تھا۔
نوشکی: بلوچستان نیشنل پارٹی کے مرکزی ہیومن رائٹس سیکرٹری موسیٰ بلوچ، پارٹی کے ضلعی صدر میر عطاء اللہ مینگل، مرکزی کمیٹی کے اراکین غلام نبی مری، میر خورشید احمد جمالدینی، ایم این اے رخشان ڈویژن حاجی محمد ہاشم نوتیزئی، ایم پی اے بابو رحیم مینگل، حاجی بہادر خان مینگل اور ضلعی جنرل سیکرٹری حمید بلوچ نے کہا ہے کہ بلوچ قوم اورصوبے کے اجتماعی قومی مفادات ہمیں تمام تر چیزوں سے عزیز ہے۔
پنجگور: نیشنل پارٹی کے صوبائی نائب صدر اور سابق صوبائی وزیر صحت رحمت صالح بلوچ نے کہاکہ بلوچستان کی جغرافیائی حیثیت کی ممکنہ تبدیلی کسی صورت قبول نہیں کرینگے بلوچستان کو تقسیم کرنے اور وسائل کی لوٹ مار اب بند ہونا چائے نیشنل پارٹی بلوچستان کے وسائل کے محافظ اور سرزمین کی وارث ہے بلوچستان کو تقسیم کرنے کی ہرسطع پر مزاحمت کرینگے۔
مستونگ: بی ایس او مستونگ کے زیراہتمام مستونگ میں منشیات کے خلاف احتجاجی ریلی نکالی گئی اور پریس کلب کے سامنے اہتجاجی مظاہرہ کیاگیا۔ریلی کے شرکاہ سے بلوچ اسٹوڈنٹس آرگنائزیشن کے مرکزی چیئرمین نزیر بلوچ نے خطاب کرتے ہوئے کہا کہ مستونگ سمیت بلوچستان بھر میں منشیات سمیت دیگر سماج دشمن و منفی سرگرمیوں کو کھلی چھوٹ دی گئی یے جسکا مقصد بلوچ نوجوانوں کو ایسے منفی ہتھکنڈوں کا شکار بنا کرذہنی و جسمانی طور پر مفلوج کرنا یے۔
دالبندین: دالبندین میں 2مختلف حادثات میں 6افراد زخمی ہوگئے ہیں۔ تفصیلات کے مطابق آر سی ڈی شاہراہ پر واقع تالو لانڈھی کے قریب 2تیز رفتار زمباد پک اپ گاڑیاں آپس میں ٹکرانے سے 4 افراد ثنا اللہ سکنہ دالبندین، رحمت اللہ سکنہ دالبندین نواز سکنہ ماشکیل اورمنظور ساکن ماشکیل شدید زخمی ہوگئے جنہیں فوری طو رپر ڈسٹرکٹ ہیڈ کوارٹر ہسپتال دالبندین منتقل کردیا گیا۔
چمن: اے این پی کے صوبائی پریس سیکرٹری اسد خان اچکزئی کو گزشتہ جمعہ کو کوئٹہ چمن شاہراہ سے لاپتہ ہوگئے تھے اسد خان کے لاپتہ ہونے کے خلاف اے این پی اور آل پارٹیز تاجر اتحاد کی جانب سے چمن کوئٹہ بین الاقوامی شاہراہ کو احتجاجاً بلاک کیے ہوئے چار روز گزر گئے اے این پی کے صوبائی صدر و ایم پی اے اصغر خان اچکزئی کا کہنا ہے کہ اسد خان اچکزئی کو آج 8 روز ہوچکے ہے کہ تاحال بازیاب نہ ہوسکے۔
اوستہ محمد: بلوچستان عوامی پارٹی کے مرکزی چیف آرگنائزر سابق وزیراعلی بلوچستان و ایم پی اے میر جان محمد خان جمالی نے کہا ہے کہ بی اے پی کی حکومت صوبے میں ترقی و خوشخالی کے لئے کوشاں موصلاتی نظام کو بہتر بنانے کے لئے حلقہ انتخاب میں روڈوں کا جال بچھانے کے اوستا محمد اور گنداخہ میں موصلاتی نظام کو بہتر بنانے کے ترقیاتی اسکمات تیزی سے جاری ہیں کیرتھرکینال کے مختلف کینالوں کی بھل صفائی کے لئے بھی فنڈ تجویز کئے گئے۔
چمن: جمعیت علما اسلام کے زیر اہتمام عظیم الشان فقید المثال تاریخ ساز شہید اسلام مولانا محمد حنیف کانفرنس چمن بازار میں منعقد ہوا کانفرنس میں ہزاروں افرد اور کارکنان جمعیت نے شرکت کی،شہید اسلام مولانا محمد حنیف کانفرنس سے خطاب کرتے ہوئے جمعیت علما اسلام کے مرکزی جنرل سیکرٹری سابق ڈپٹی چیئرمین سینٹ سنیٹر مولانا عبدالغفور حیدر ی۔
