گوادر: سیشن جج گوادر کی عدالت نے پاکستان کوسٹ گارڈ کے تین اہلکاروں کو 14سال قید کی سزا سنادی ،کوسٹ کے اہلکاروں نے گوادر گول چوک نزد الائیڈ بینک کے قریب گوادر کے دو رہائشیوں کو فائرنگ کرکے قتل کردیاتھا ۔
کوئٹہ: بلوچستان پرائیویٹ اسکولز ایکشن کمیٹی کے رہنماوںجمیل احمد مشوانی ، محمد نواز پندرانی ، میر بہادر خان لانگو ، داود شاہ کاکڑ اور جلال خان اچکزئی نے کہا ہے کہ تعلیمی اداروں کی تالہ بندی کو کسی بھی صورت قبول نہیں کریں گے اگرحکومت نے کوروناکی آڑ میں پرائیویٹ اسکولز بند کرنے کی کوشش کی تو پرامن احتجاج کاحق محفوظ رکھتے ہیں۔یہ بات انہوں نے منگل کو کوئٹہ پریس کلب میں مشترکہ پریس کانفرنس کرتے ہوئے کہی۔
کوئٹہ: بلوچ اسٹوڈنٹس آرگنائزیشن پجار کے عہدیداروں نے اپیل کی ہے کہ پاک ایران بارڈر فوری طور پر کھول کر چھوٹی گاڑیوں کو بھی سامان لانے اور لے جانے کی اجازت دے کر سرحدی علاقوں کے عوام کو روزگار کے مواقع فراہم کئے جائیں ۔ یہ بات بلوچ اسٹوڈنٹس آرگنائزیشن پجار کے چیئرمین زبیر بلوچ نے شکیل بلوچ ،ڈاکٹر عمیر ، میر علی ودیگر نے پاک ایران بارڈر کی بندش کے خلاف کوئٹہ پریس کلب کے باہر احتجاجی مظاہرے سے خطاب کرتے ہوئے کہی ۔
کوئٹہ: جمعیت علما اسلام کے صوبائی امیر مولانا عبدالواسع نے کہا ہے کہ سلیکٹیڈ حکومت نے مذہبی جماعت کے ساتھ تحریری معاہدہ کیا تھا کہ فرانسیسی سفیر کو ملک بدر کیا جائے گا اس معاہدے پر وفاقی وزراء کے دستخط بھی موجود ہیں اس کے باوجود بھی معاہدے سے انحراف قابل مذمت عمل ہے ، لاہور کے واقعہ کے ذمہ دار پنجاب حکومت ہے بزدار کے پاس کوئی اختیار نہیں ہے۔
خضدار: بلوچستان نیشنل پارٹی کے مرکزی رہنما سابق رکن قومی اسمبلی میرعبدالرئوف مینگل نے اپنے جاری کردہ ایک بیان میں کہاہے کہ بلوچستان کے غریب عوام پہلے ہی سے غربت کے آخری لکیرپرزندگی گزار رہی ہے موجودہ حکومت جوکہ بڑے بڑے دعوے کرتے ہوئے کہاتھا کہ نوجوانوں کوایک کروڑ نوکریاں اورزاتی مکان فراہم کرینگے وہ دعوے آج لوگوں کوبجائے خوشحالی کے نان شبینہ کامحتاج بنادیا گیا ہے ۔
خضدار: بلوچستان نیشنل پارٹی ضلع خضدار کے صدر شفیق الرحمن ساسولی نے بی این پی یورپ کے نومنتخب آرگنائزنگ باڈی کو مبارکباد پیش کرتے ہوئے کہاکہ بلوچستان نیشنل پارٹی کے فیصلے کے مطابق مرکزی صدر اخترجان مینگل کی جانب سے یورپ میں پارٹی کے آرگنائزنگ باڈی کی تشکیل خوش آئند ہے۔ آرگنائزر میرنورالدین مینگل، ڈپٹی آرگنائزر اصغرشاھوانی و دیگر ممبران پر مشتمل آرگنائزنگ باڈی تشکیل دینے کے پارٹی فیصلے کا خیر مقدم کرتے ہیں۔
کوئٹہ: جوائنٹ ایکشن کمیٹی جامعہ بلوچستان کا مشترکہ اجلاس زیر صدارت شاہ علی بگٹی منعقد ہوا، جس میں ڈاکٹر کلیم اللہ بڑیچ، نذیر احمد لھڑی، فرید خان اچکزئی، عبدالباقی جتک، نجیب اللہ ٹرین، عنایت اللہ بڑیچ، عبداللہ مینگل، ظاہر مینگل، سید شاہ بابر اور دیگر نے شرکت کی۔
مستونگ: بلوچستان نیشنل پارٹی کے مرکزی رہنماء ممبر سنٹرل کمیٹی چیئرمین جاوید بلوچ نے صوبائی حکومت کی نااہلی عوام مسائل سے لاتعلقی اورقومی موقف سے بے خبری پرشدید نکتہ چینی کرتے ہوئے کہاہے کہ علم وسائنس ترقی وخوشحالی کی صدی میں بلوچستان پسماندگی بدحالی کاشکارہے اکیسویں صدی جنہیں قوموں کی ترقی کاصدی کہا جاتا ہے بلوچستان میں کروناکو لیکرجام سرکار ممی ڈیڈی کلچر کے اسیرترجمان کی بنیاد پر بلوچستان کو تاراج کررہاہے۔
کوئٹہ: پاکستان پیپلز پارٹی کے صوبائی صدر حاجی علی مدد جتک ، جنرل سیکرٹری سید اقبال شاہ، سیکرٹری اطلاعات سردار سربلند جوگیزئی نے کہا ہے کہ حکومت کی نااہلی اور سیاسی نا پختگی کی وجہ سے ملک میں انتشار پھیل رہا ہے ریاست کا کام تمام فریقین کو سننا اور مسائل حل کرنا ہوتا ہے طاقت کے استعمال سے حالات مزیدخراب ہونے کے علاوہ کچھ بھی حاصل نہیں ہوتا۔
کوئٹہ: صوبائی وزیر خوراک سردارعبدالرحمن کھیتران نے کہا ہے کہ محکمہ خوراک طرف سے زمینداروں کو 10لاکھ بوریاں فراہم کی جارہی ہیں جس کے بدلے زمینداروںسے 3سو روپے فی بوری سیکورٹی لی جاتی ہے جو بعد ازاں واپس کردی جاتی ہے۔