اوتھل: صدر آزاد کشمیر سردار محمد مسعود خان نے بلوچستان کو پاکستان کے ماتھے کا جھومر قرار دیتے ہوئے کہا ہے کہ جب بلوچستان خوشحال ہو گا تو پورا پاکستان خوشحال ہو گا۔پا ک چائنا راہداری کے تحت ترقیاتی منصوبوں کی تکمیل سے بلوچستان میں تعمیر و ترقی اور بلوچ عوام کی خوشحالی کا ایک نیا دور شروع ہوگا۔ بلوچ عوام اس بات پر یقین اور اعتماد رکھیں کہ آزاد کشمیر سمیت پورا پاکستان انہیں خوشحال اور ترقی یافتہ دیکھنا چاہتا ہے۔
کو ئٹہ: بلوچستان نیشنل پارٹی کے پارلیمانی لیڈر ملک نصیر شاہوانی نے کہا ہے کہ جمعیت علما اسلام اور بی این پی کے درمیان سینیٹ انتخابات پر فارمولہ طے پاگیا ہے اپوزیشن جماعتیں بلوچستان کی حقوق کیلئے بھی مشترکہ لائحہ عمل طے کرینگے ،سینیٹ انتخابات میں اپوزیشن کی جیت یقینی ہے ۔
نصیرآباد: کچھی کینال کی بحالی نصیرآباد کی خوشحالی احتجاجی کیمپ تیسری روز میں داخل،بلوچستان کے میگا منصوبے کچھی کینال کی گزشتہ 20 سال سے عدم تکمیل، ڈیرہ مراد جمالی کے شہریوں کو مالکانہ حقوق الاٹمنٹ کی عدم فراہمی اور تباہ حال سیوریج سسٹم کی ابتر صورتحال پر عدم توجہی، شہر میں قبرستان کے لئے اراضی سمیت دیگر بنیادی حقوق نہ دینے پر علامہ عبدالحکیم انقلابی کی قیادت میں شہید بے نظیر بھٹو پریس کلب ڈیرہ مراد جمالی کے سامنے احتجاجی کیمپ تیرے روز میں داخل۔
کوئٹہ: ڈیلی نیوز پیپرزایڈیٹرکونسل بلوچستان کا اجلاس زیرصدارت صدرانورساجدی دوسرے روز بھی منعقد ہوا اجلاس میںاس امر پر سخت تشویش کااظہار کیا گیا کہ بلوچستان میں صوبائی حکومت نے بوجہ محکمہ اطلاعات اوراس سے متعلق معاملات کو طویل عرصے سے نظرانداز کر رکھا ہے خاص طورپرپرنٹ میڈیا سے انتہائی بے اعتنا ی اختیار کررکھی ہے جس کی وجہ سے مسائل سے دوچارپرنٹ میڈیا نہ صرف شدید بے زبوں حالی کا شکارہے۔
کوئٹہ: پاکستان تحریک انصاف بلوچستان نے سینٹ کے انتخابات میں پارٹی کے امیدوار سید ظہور آغا کو بلوچستان عوامی پارٹی کے حق میں دستبردار کرنے کا اعلان کرتے ہوئے کہا ہے کہ پی ٹی آئی اور بی اے پی ملکر سینٹ انتخابات میں حصہ لیں گے اور بھر پور کامیابی حاصل کریں گے۔
پنجگور: پنجگور کے معروف کاروباری شخصیات سعیداللہ ،اعجازاحمد بلوچ ،وسیم احمد امان جان نذیراحمد ساسولی طیب بلوچ. خالد اور دیگر نے پریس کانفرنس سے خطاب کرتے ہوئے کہا کہ ہم حکام بالا سے التجا کرتے ہیں کہ ہمارے علاقے پسماندہ ہیں اور یہاں روزگار کے زرایعے ناپید ہیں اورہمارا روزگارایران بادڈر سے جڑا ہوا ہے اور روزگار کا زریعہ بھی ہے۔
تربت: صوبائی وزیر خزانہ میر ظہور احمد بلیدی نے کہا ہے کہ بلوچستان کے طلباء اور طالبات ہمارے صوبے کا اصل سرمایہ ہیں۔انہوں نے کہا کہ بلوچستان کے طالب علموں میں صلاحیت کی کوئی کمی نہیں مگر ضرورت اس امر کی ہے کہ ہم ان کو تعلیم کے شعبے میں موقع دیں اور انکی مدد کریں تاکہ ان میں حوصلہ اور خود اعتمادی پیدا ہو۔ ان خیالات کا اظہار انہوں نے عطاء شاد ڈگری کالج تربت میں ایک پروقار تقریب میں ہاسٹل کا افتتاح کرنے کے بعد خطاب کرتے ہوئے کیا۔
گوادر: بلوچ قوم تعلیم اور کاروبار میں اپنی شمولیت ممکن بنائے ملٹی نیشنل کمپنیاں مقامی لوگوں کو ترجیح دیں۔ ان خیالات کا اظہار سابقہ وزیر اعلٰی بلوچستان ڈاکٹر عبدالمالک بلوچ نے یہاں گوادر میں ٹویٹا موٹر آئل برانچ کے افتتاحی تقریب سے بحیثیت مہمان خصوصی خطاب کرتے ہوئے کیا۔ سابقہ وزیر اعلیٰ بلوچستان کا کہنا تھا بلوچ قوم اس وقت تعلیم اور کاروبار میں بہت پیچھے ہے۔
سکھر: جمعیت علماء اسلام کے مرکزی رہنما مولانا عبدالغفور حیدری نے کہا ہے کہ نااہل حکمران دینی مدارس کے خلاف مغربی آقاؤں کو خوش کرنے کیلئے سازش کر ر ہے ہیں ،دینی مدارس دہشتگردوں کے مراکز نہیں بلکہ دین اسلام کے مراکز ہیں دھشت گردوں کے نہیں ہم اپنے دینی مدارس کا تحفظ کرنا بخوبی جانتے ہیں۔
فیصل آباد: وفاقی وزیر پورٹ اینڈ شپنگ علی زیدی نے کہا ہے کہ 25 مارچ تک گوادر سے متعلق اچھی خبر ملے گی۔چیمبر آف کامرس میں صنعتکاروں سے ملاقات کے بعد علی زیدی نے میڈیا سے گفتگو کرتے ہوئے کہا کہ پورٹ آپ کا ہے ۔