کوئٹہ : سیکرٹری تعلیم عبدالفتح بھنگر نے کہا کہ تعلیم کے فروغ کے وژن سے ہی ہم دور رس نتائج حاصل کرسکتے ہیں۔ کیونکہ یہ ہمارے دینی فریضے کی بنیادی اساس رکھتی ہے۔ دینی تعلیم کے فروغ میں مدارس کا مثبت کردار ہے جبکہ اس میں عصر حاضر سے ہم آہنگ تعلیمی نصاب پڑھانا بھی انتہائی ضروری ہے ۔
کوئٹہ : چیف سیکرٹری بلوچستان اورنگ زیب حق کی زیر صدارت سیکرٹریز کمیٹی کا اجلاس منعقد ہوا۔ جس میں پی ایس ڈی پی سے متعلق امور کا جائزہ لیا گیا ۔اجلاس میں اکاؤنٹنٹ جنرل بلوچستان نصر اللہ جان ، ایڈیشنل چیف سیکرٹری ڈاکٹر عمر بابر سمیت تمام انتظامی سیکرٹریز نے شرکت کی۔
کوئٹہ: ہزارہ ڈیموکریٹک پارٹی کے مرکزی بیان میں زائرین کے سکیورٹی کے نام پر سڑکوں کی بندش دوکانوں اور کاروبار کو بند کرنے کے اقدام کو ناقابل قبول اور اس طرح کے اقدامات کو منظم سازش کے ذریعے کوئٹہ اور صوبے کے عوام کے درمیان نفرتیں و تعصبات پھیلانے کے عمل کے مترادف قرار دیتے ہوئے دوسرئے صوبوں کے زائرین کیلئے کوئٹہ اور صوبے کے عوام کو تکلیف میں مبتلا کئے بغیر سفر اور زیارات مقدسہ میں جانے کیلئے پلاننگ کرنے کا مطالبہ کیا۔
کوئٹہ : عوامی نیشنل پارٹی کے صوبائی صدر اصغر خان اچکزئی نے کہاہے کہ وطن سے نفرتوں کے خاتمے ،امن وامان وبھائی چارگی کے قیام کیلئے نکلے ہیں جن قوتوں نے برادر قبیلوں کے درمیان زئی وخیلی کی بنیاد پر نفرتوں کے دیواروں کھڑی کی ہیں ۔عوامی نیشنل پارٹی ان قوتوں کے خلاف میدان عمل میں رہ کر برداشت ،رواداری ،تحمل کی سیاست کو فروغ دیتی رہیگی ۔
اسلام آباد: وزیراعلیٰ بلوچستان نواب ثناء اللہ خان زہری نے جمعرات کے روز یہاں وزیراعظم شاہد خاقان عباسی سے ملاقات کی ۔ ملاقات کے دوران وزیراعظم نے بات چیت کرتے ہوئے کہا کہ بلوچستان کو رقبے کے لحاظ سے پاکستان کے سب سے بڑے صوبے ہونے کی بناء پر سی پیک میں شامل منصوبوں کے حوالے سے ترجیحی اہمیت حاصل ہے جن میں روڈ، نیٹ ورک اور صوبے میں سماجی و اقتصادی ترقی کے شعبوں میں بہتری لانے سے متعلق سکیمیں شامل ہیں۔
اسلام آباد : وفاقی وزیر برائے خارجہ امور خواجہ محمد آصف جلد امریکہ کا سرکاری دورہ کرینگے اس سلسلے میں جلد تاریخ کا اعلان کیا جائے گا۔ دفتر خارجہ میں ہفتہ وار پریس بریفنگ کے د وران ترجمان نفیس زکریا نے کہاکہ امریکہ کی طرف سے حزب المجاہدین کو دہشتگرد تنظیم قرار دیئے جانے پر افسوس ہے۔
راولپنڈی: آرمی چیف جنرل قمر جاوید باجوہ کا کہنا ہے کہ نوجوان داعش سے منسلک تنظیموں سے بھی بہت زیادہ محتاط رہیں کیوں کہ پڑھےلکھے نوجوان داعش کا بڑا ہدف ہیں۔
لاہور: پاکستان پیپلز پارٹی کے شریک چیرمین آصف علی زرداری کا کہنا ہے کہ نوازشریف اور ان کے خاندان کو آئندہ سیاست میں نہیں دیکھ رہا۔
کراچی: ایم کیوایم پاکستان کے سربراہ فاروق ستار کا کہنا ہے کہ پاکستان کے یوم آزادی کے خلاف لندن سے کھلااعلان جنگ کیا گیا اور پرچم جلائے گئے جو انتہائی قابل مذمت ہے۔
اسلام آباد: پاناما کیس میں نیب نے نوازشریف اور ان کے بچوں کے خلاف ریفرنس دائر کرنے کے لئے مشترکہ تحقیقاتی ٹیم کی رپورٹ کا والیم 10 حاصل کرلیا ہے۔