ڈیرہ مراد جمالی: آل ملازمین اتحاد نصیرآباد کی کال پر ڈیرہ مرادجمالی میں اسلام آباد میں ملازمین کے دھرنے پر آنسو گیس کی بد ترین شیلنگ تشدد کے خلاف احتجاجی ریلی نکالی گئی پریس کلب کے سامنے دھرنا دیا گیا حکومتی ریاستی گردی کے خلاف سخت نعرے بازی کی گئی ۔
کوئٹہ: وزیراعلیٰ بلوچستان جام کمال خان نے کہاہے کہ گورننس کا مسئلہ صرف بلوچستان میں نہیں بلکہ پاکستان کی سطح پر ہے ،ناتجربہ کار وبہترکارکردگی نہ دکھانے والے پالیسی ساز بن جائیں تو زیادہ نقصان اٹھانا پڑتاہے ، بلوچستان سمیت دیگر صوبوں میں کچھ کر دکھانے کیلئے حکمرانی کے طریقہ کار کو تبدیل کرنے کی ضرورت ہے ۔
کوئٹہ: بلوچستان نیشنل پارٹی کے مرکزی بیان میں اسلام آباد میں حکومت کی جانب سے ملازمین پر تشدد ‘ آنسو گیس کی شیلنگ ‘ گرفتاریوں کی شدید الفاظ میں مذمت کرتے ہوئے کہا گیا ہے کہ جمہوریت میں پر امن طریقے سے فرد ‘ تنظیم ‘ پارٹی اپنے حقوق کیلئے آواز بلند کر ے‘ احتجاج کا حق اس سے چین لیا جائے تو یقینا جمہوریت نام نہاد تصور کی جائے گی۔
اسلام آباد: سینیٹ کی فنکشنل کمیٹی برائے کم ترقی یافتہ علاقہ جات نے فاٹا و پاٹا اور بلوچستان میں تمام ٹیکسز سے استثنیٰ کی سفارش کرتے ہوئے کہا ہے کہ بلوچستان ملک کا آدھا حصہ ہے پانی نہ ہونے کی وجہ سے 80فیصد زراعت ختم ہو چکی ہے،63سال سے کان کنی کی بہتری کیلئے کوئی اقدامات نہیں اٹھائے گئے ،کسانوں ، زمینداروں کا کوئی پرسان حال نہیں رہا۔
کوئٹہ: نوابزادہ لشکری رئیسانی نے ایرانی قونصل جنرل حسن درویش وند کے اعزاز میں عشائیہ دیا،عشائیے میں ایرانی قونصلیٹ کا عملہ بھی شریک ہوا،ترجمان سراوان ہاؤس کوئٹہ کے مطابق بلوچستان نیشنل پارٹی کے مرکزی رہنماء نوابزادہ حاجی میر لشکری خان رئیسانی نے کوئٹہ میں متعین ایران کے قونصل جنرل حسن درویش وند کے اعزاز میں منگل کے روز سراوان ہاؤس کوئٹہ میں پرتکلف عشائیہ دیا۔
اسلام آباد: چیئرمین نیب نے متعدد ریفرنس اورانکوائریز کی منظوری دیدی ہے بدھ کے روز قومی احتساب بیورو کے ایگزیکٹو بورڈ کا اجلاس چیئرمین جسٹس (ر)جاوید اقبال کی زیرصدارت نیب ہیڈکوارٹر ز اسلام آبادمیں ہوا۔اجلاس میں ڈپٹی چیئرمین نیب، ایڈوائزر لیگل ٹو چئیرمین،ڈی جی آپریشنز نیب اور دیگر سینئر افسران نے اجلاس میں شرکت کی۔
کوئٹہ: سابق چیف سیکرٹری بلوچستان کیپٹن( ر) فضیل اصغر کے اعزاز میں بدھ کے روز سول سیکرٹریٹ کی جانب سے مقامی ہوٹل میں الوداعی تقریب کا اہتمام کیا گیا تھا جس میں ایڈیشنل چیف سیکرٹری ترقیات عبدالصبور کاکڑ، پرنسپل سیکرٹری ٹو سی ایم زاہد سلیم، آئی جی پولیس رائے طاہر، سیکرٹری ایمپلیمینٹیشن عبداللہ خان، سیکرٹری بلڈنگ غلام علی بلوچ و دیگر سیکرٹریز موجود تھے۔
کوئٹہ: گورنر بلوچستان امان اللہ یاسین زئی نے کہا ہے کہ چائنا پاکستان اقتصادی راہداری پاکستان سمیت پورے خطے کیلئے گیم چینجر کی حیثیت رکھتا ہے۔ گورنر یاسین زئی نے کہا کہ ہمیں اپنے قومی اداروں پر فخر ہے اور یہ بات ہم سب کیلئے باعثِ فخر ومسرت ہے کہ آج ہمارے اداروں میں دیگر ممالک سے آفسران تربیت حاصل کرنے کیلئے آتے ہیں۔
خضدار: خضدار کے عوام لینڈ مافیا کے خلاف بر سر پیکار خضدار سٹی فیروز آباد اور گردنواح کے علاقوں میں لوگوں کی زمینوں پر لینڈ مافیا دیدہ دلیری سے قابض ہو رہی ہے،انتظامیہ اور عوامی نمائندے خاموش تماشائی بنے بیٹھے ہیں،پٹواری اور قانون گو بھی لینڈ مافیا کے ہاتھ میں ہاتھ ملا چکے ہیں، خضدار شہر کو ایک بار پھر خانہ جنگی کی جانب دھکیلا جا رہا ہے ،لینڈ مافیا کے خلاف کاروائی کی جائے ۔
کوئٹہ: کوئٹہ چیف آف ساراوان سابق وزیر اعلی بلوچستان نواب اسلم رئیسانی نے سماجی رابطے ویب سائٹ ٹیوٹر پیغام میں کہا ہے کہ اسلام آباد شاہراہ آئین میں سرکاری ملازمین پہ طاقت کی استعمال کا غیر آئینی اور غیر اخلاقی حرکت کی مزمت کرتے ہیں‘ مطالبات تسلیم کر کہ ان غریبوں کا حق دیا جاے،تحریک انصاف کی اقتدار تک رسائی جان و مال کی تباہی پیداوار کا نقصان کمپنی اینڈ عمران تباہی و بحران کا نشان ہے۔