کوئٹہ : صوبائی وزیر صحت میر رحمت صالح بلوچ نے کہا ہے کہ بلوچستان کے تمام اضلاع میں عوام کو ایڈز کی تشخیص کی سہولت فراہم کی گئی ہے بلوچستان میں ایڈز کے مریضوں کی تعداد747ہے جن میں سے 494 کو مفت علاج معالجے کی سہولیات فراہم کی جارہی ہیں علماء کرام کو چاہئے کہ وہ ایڈز اوردیگر مہلک بیماریوں سے بچاو کے حوالے سے عوام کو آگاہ کریں۔
اسلام آباد: سینیٹ کی قائمہ کمیٹی برائے خزانہ نے متنازعہ ٹیکس آرڈر کی توثیق کرنے سے انکار کرتے ہوئے وزیر خزانہ کو پارلیمنٹ اور وفاقی کابینہ کی منظوری کے بغیر ٹیکس چھوٹ ،ٹیکسوں کی شرح میں کمی یا اضافے کے اختیارات دینے کی تجویز مسترد کردی۔
لندن : لندن میں دہشت گردی کے واقعات کی تحقیقات کرنے والی برطانوی پولیس کا کہنا ہے کہ حملہ آوروں میں سے ایک پاکستانی نژاد برطانوی شہری خرم بٹ تھے۔حکام کا کہنا ہے کہ 27 سالہ خرم بٹ شادی شدہ تھے اور ایک بچے کے والد تھے۔
کوئٹہ: وزیراعلیٰ بلوچستان نواب ثناء اللہ خان زہری نے کہا ہے کہ بلوچستان میں دہشتگردوں کو محفوظ ٹھکانے نہیں بنانے دیں گے جہاں بھی دہشتگردوں نے محفوظ ٹھکانے بنارکھے ہیں سیکورٹی فورسز کے ساتھ مل کر انہیں تباہ کردیں گے اور کسی کو حکومت کی رٹ چیلنج نہیں کرنے دیں گے۔
حیدرآباد: حیدرآباد میں منافع خوروں کے خلاف پھلوں کے بائیکاٹ کی3 روزہ مہم کے آخری روز بھی قیمتوں میں کوئی کمی نہیں آسکی۔
اسلام آباد: پیپلز پارٹی کے رہنما اعتزاز احسن نے کہا ہے کہ جے آئی ٹی کے دوران حسین نواز کی تصویر خود حکومت نے لیک کرائی۔
اسلام آباد: پاناما معاملے کی تحقیقات کرنے والی جے آئی ٹی کو قطری شہزادے شیخ حماد بن جاسم کا جوابی خط موصول ہوا ہے جس میں انہوں نے عدالت میں پیش کئے گئے خط اوران پراپنے دستخط کی تصدیق کرتے ہوئے کہا ہے کہ وہ مشترکہ تحقیقاتی ٹیم کے سامنے پیشی کو ضروری نہیں سمجھتے۔
دوحہ: سعودی عرب سمیت 5 عرب ممالک نے قطر پر دہشت گردی کی حمایت کا الزام لگاتے ہوئے باہمی تعلقات ختم کرنے کا اعلان کردیا۔
کوئٹہ : وزیراعلیٰ بلوچستان نواب ثناء اللہ خان زہری نے سپنی روڈ پر ٹارگٹ کلنگ کے واقعہ میں ایک خاتون اور ایک مرد کے جاں بحق ہونے پر دلی رنج وغم کا اظہار کرتے ہوئے دہشت گری کی اس بزدلانہ کاروائی کی شدید مذمت کی ہے۔
حب: شاہ نورانی کے مزار اور زائرین کی سیکیو رٹی کے لئے ایف سی کی دو بٹالین تعینات کی گئی ہیں ،لیویز فورس اور خواتین رضا کاروں کو بھی زائرین کی حفاظت کے لئے مزار پر تعینات کیا گیا ہے۔