کوئٹہ: متحدہ لوکل بس ایسوسی ایشن نے کو ئٹہ میں گرین بس منصوبے اور لو کل بسوں کے لئے ٹرمینل کی جگہ نہ دینے کے سلسلے میں 25نومبر کو غیر معینہ مدت کے لئے ہڑتال کا اعلان کرتے ہو ئے کہا ہے کہ گرین بس منصوبہ لو کل بس ما لکان اور ڈرا ئیورز کو بے روزگا ر کر نے کے سوا کچھ نہیں۔ گزشتہ روز ایسوسی ایشن کا اجلاس چیئرمین محمد حنیف کے زیر صدارت منعقد ہوا جس میں یونین کے عہدیدارں نے شرکت کی۔
کوئٹہ: گورنر بلوچستان امان اللہ خان یاسین زئی نے کہا ہے کہ موجود حکومت صوبے کے تمام اضلاع میں یکساں اور متوازن ترقی پر یقین رکھتی ہے اس ضمن میں صوبے کے تمام اضلاع بالخصوص دورافتادہ علاقوں کے عوام کو تمام بنیادی سہولیات ان کی دہلیز پر پہنچانا ہماری ترجیحات میں شامل ہیں۔
کوئٹہ: چیف سیکرٹری بلوچستان کیپٹن (ر) فضیل اصغرکی زیر صدارت پی ایس ڈی پی 2020-2021ء کے ترقیاتی منصوبوں پر پیش رفت کے حوالے سے جائزہ اجلاس منعقد ہوا۔ اجلاس میں پی ایس ڈی پی 2020-2021ء کے نئے اور جاری ترقیاتی منصوبوں کی پی سی۔1 اور ٹینڈرنگ پروسیس میں پیش رفت کا جائزہ لیا گیا اجلاس میں ایڈ یشنل چیف سیکرٹری عبدالرحمن بزدار، ایس ایم بی آر قمر مسعود سمیت متعلقہ محکموں کے سیکرٹریز موجودتھے۔
کوئٹہ: بولان میڈیکل کالج بحالی تحریک کے رہنماؤں نے اپنے جاری کردہ بیان میں کہا ہے کہ نااہل میڈیکل یونیورسٹی انتظامیہ کسی قانون کو خاطر میں نہیں لارہی ہٹ دھرمی انتہاہ کو پہنچ چکی ہے اس طرح کے متنازعہ انتظامیہ کے ہوتے ہوئے ادروں کا استحکام خام خیالی ہے طلباء کے سکالرشپ اور ملازمین کی تنخواہوں کی عدم ادائیگی احتجاج پر مجبور کررہی ہے۔
ڈیرہ اللہ یار: رکن بلوچستان اسمبلی اور بی این پی خواتین رہنماء شکیلہ نوید دہوار نے کہا ہے کہ جمہوری سیاسی جدوجہد میں خواتین کا کردار اہمیت کا حامل ہوتا ہے صوبے کی خواتین کو سیاسی طور پر باشعور بنانے کے لیے بی این پی خواتین ونگ کو منظم کیا جارہا ہے جعفرآباد سمیت نصیرآباد ڈویڑن میں خواتین کی ممبر سازی اور یونٹس کے قیام عمل میں لائے جارہے ہیں۔
کوئٹہ: پشتونخوا ملی عوامی پارٹی کے مرکزی رہنماء و سابق صوبائی وزیر عبدالرحیم زیارتوال نے کہا ہے کہ پشتونخوا ملی عوامی پارٹی ایسے کسی بھی حکومت کا حصہ نہیں بنے گی جس میں راتوں رات بننے والی ایک پارٹی کو غیر آئینی و غیر جمہوری طورپر حکومت حوالے کیا گیا ہو، پی ڈی ایم کے کسی بھی پلیٹ فارم پر اے این پی کو حکومت سے الگ ہونے کا کوئی مشورہ نہیں دیا گیا۔
پاکستان پیپلز پارٹی کے رہنما اور رکن سندھ اسمبلی شرجیل انعام میمن کا کورونا ٹیسٹ بھی مثبت آ گیا۔
کوئٹہ: بلوچستان ہائی کورٹ کے چیف جسٹس جمال خان مندوخیل نے سپورٹس فنڈز کی من پسند افراد میں تقسیم کے حوالے ڈی جی سپورٹس بلوچستان اور اینٹی کرپشن کو ہدایت کی ہے کہ وہ اس امر کی انکوائری کو قانون کے تحت مقررہ مدت میں پائیہ تکمیل تک پہنچائیں بلکہ سیکرٹری سپورٹس اور کلچر اور ڈی جی سپورٹس بلوچستان اس امر کو یقینی بنانا چاہیے کہ سرکاری رقوم سختی سے قانون اور قواعد کے مطابق استعمال کی جائیں۔
کوئٹہ: بلوچستان میں کورونا ٹیسٹ کی کٹس کی کمی کا مسلہ حل ہوگیا،صوبائی حکومت کی جانب سے فنڈز کی ادائیگی کے بعد کورونا کٹس کی فراہمی شروع کردی گئی کورونا ٹیسٹ کرنے کی شرح میں اضافہ ہوگیا۔محکمہ صحت کے مطابق این ڈی ایم اے کی جانب سے کورونا کٹس کی فراہمی بند ہونے اور صوبائی حکومت کی جانب سے کورونا کٹس خریدے نہ جانے کی وجہ سے کورونا ٹیسٹ کی شرح کم ہوگئی تھی۔
کوئٹہ: بلوچ سٹوڈنٹس ایکشن کمیٹی کے مرکزی ترجمان نے اپنے جاری کردہ بیان میں بلوچستان کے میڈیکل کالجز میں داخلہ کے لئے نئی پالیسیوں کو مسترد کرتے ہوئے کہا کہ میڈیکل کالجز کیلئے نئی پالیسیوں کا اجراء تعلیم دشمن پالیسیوں کے زمرے میں آتا ہے جو کہ نہایت ہی تشویشناک ہے۔ بولان میڈیکل کالج سمیت صوبہ کے دیگر میڈیکل کالجز میں پروفیشنل نشستیں نہایت ہی کم ہیں۔