کوئٹہ+ ژوب + اندرون بلوچستان: گورنمنٹ ٹیچرز ایسوسی ایشن بلوچستان کی جانب سے کیچ کے 114 مرد و خواتین اساتذہ کی جبری برطرفی کے خلاف جاری احتجاجی شیڈول کے سلسلہ میں گزشتہ روز ژوب ڈویژن میں شامل تمام اضلاع کی، لورالائی،شیرانی،موسیٰ خیل،بارکھان،ژوب اور قلعہ سیف اللہ میں احتجاجی مظاہرے ہوئے اور ریلیاں نکالی گئیں اس موقع پر ہزاروں کی تعداد میں اساتذہ نے احتجاج میں بھر پور حصہ لیا۔
کوئٹہ: صوبائی وزیر خزانہ میر ظہوراحمد بلیدی نے کہاہے کہ وزیراعظم کی جانب سے جنوبی بلوچستان کیلئے پیکج سے مذکورہ علاقوں کی بنیادی ڈھانچے میں بہتری اور لوگ معاشی طور پر خوشحال ہوں گے بلکہ ان کی زندگیوں میں آسانیاں پیدا ہوں گی،منصوبے کے تحت ہوشاب تا آواران،تربت وپنجگور تک سڑک، تربت یونیورسٹی توسیع،گیشکور ڈیم،مکران میڈیکل کالج میں 350بیڈز کا جدید ہسپتال سمیت دیگر شامل ہیں۔
اسلام آباد /کوئٹہ: جمعیت علما اسلام کے مرکزی سیکرٹری جنرل سینیٹر مولانا عبدالغفورحیدری نے کہا ہے کہ 25 جولائی کو دھاندلی کے ذمہ داروں کے حوالے سے سب جماعتیں یکساں سوچ رکھتی ہے،گلگت بلتستان میں اگر یہی تاریخ دہرائی گئی تو ملک مزید بحرانوں کا شکار ہوجائیگا،مہنگائی بیروزگاری کی وجہ سے پوری قوم کرب میں مبتلا ہے،کشمور واقعہ اسلامی تعلیمات سے دوری کا نتیجہ ہے۔
خضدار: ممتاز قانون دان و قبائلی شخصیت قاضی حسن علی ساسولی نے بی این پی (عوامی) کے قائد میر اسرار اللہ خان زہری کی موجودگی میں بی این پی (عوامی) میں شمولیت کا اعلان کر دیا،میر اسرار اللہ خان زہری اور بی این پی (عوامی) کی سیاست بلوچستان کی معروضی حالات کے عین مطابق اور حقائق پر مبنی ہے،اسلام آباد کی آسائشیں اور بلوچستان کی اقدار نے بھی بی این پی (عوامی) کو نظریہ سے غیر متذلذل نہیں کیا۔
تربت: نیشنل پارٹی کے مرکزی رہنما سینیٹر میر محمد اکرم دشتی نے دشتی کھڈان میں نیشنل پارٹی کے کارکنوں اور عمائدین سے خطاب کرتے ہوئے کہا کہ دشت سے دو ایم پی اے ایک مشیر اور ایک ایم این اے ہیں لیکن اس کے باوجود علاقہ بدحال اور عوام مشکلات میں پھنسے ہوئے ہیں اسکول، ہسپتال اور رویوں کی حالت خراب ہے سارا پیسہ کرپشن اور اقربا پروری کی نظر ہورہے ہیں۔
کوئٹہ: جمعیت علمائے اسلام کے صوبائی امیر و رکن قومی اسمبلی مولانا عبدالواسع اور جنرل سیکرٹری آغا محمود شاہ نے کہا ہے کہ جمعیت علماء اسلام نے کبھی ڈسپلن پر کسی قسم کا سمجھوتہ کیا ہے اور نہ ہی آئندہ کرے گی، جے یو آئی کا ہر کارکن مرکزی امیر مولانا فضل الرحمن کے حکم کا پابند ہے اور ان کے حکم پر ہر قربانی دینے کے لئے تیار ہے، ملک میں مہنگائی کے ذریعے حکمران کرپشن اور لوٹ مار چھپانے کی کوششوں میں مصروف ہیں۔
کوئٹہ: پاکستان پیپلزپارٹی کے صوبائی صدر میر علی مدد جتک نے کہا ہے کہ گلگت بلتستان کی عوام آج پیپلزپارٹی کے امیدواروں کو کامیابی سے ہمکنارکرے اور گلگت بلتستان میں حکومت پیپلزپارٹی بنائے گی، حکمران جماعت کی جانب سے انتخابات میں دھاندلی کی کوشش کی گئی تو پی پی الیکشن کمیشن کے سامنے دھرنا دے گی۔
کوئٹہ: پاکستان مسلم لیگ(ن) کے صوبائی جنرل سیکرٹری و سابق اسپیکر جمال شاہ کاکڑ نے کہا ہے کہ بلوچستان اجتماعی طور پر پسماندگی کا شکار ہے صوبے کی پسماندگی کو دور کرنے کے لئے یہاں یکساں ترقیاتی پیکج کی ضرورت ہے، بلوچستان کے شمالی علاقے مسائل کا شکار ہیں بجلی و گیس کی عدم دستیابی، ڈیموں کی کمی اورژوب ڈیرہ اسماعیل اور ژوب کوئٹہ شاہراہوں پر کام نہ ہونے کی وجہ سے عوام کو مشکلات کا سامنا ہے۔
کوئٹہ: نیشنل پارٹی کے مرکزی کمیٹی کے ممبر و ضلع صدر کوئٹہ حاجی عطا محمد بنگلزئی ممبر مرکزی کمیٹی نیاز بلوچ جنرل سیکرٹری ریاض زہری نے کہا ہے کہ بلوچستان میں گروہ کو سیاسی جماعت کا نام دیتے ہوئے انتخابات میں دھاندلی کے زریعے عوام پر حکمرانی کرنے کیلئے مسلط کیا گیا۔عوام کی رائے پر قدغن لگا نے والے نااہل و غیر سیاسی حکمرانوں نے عوام کو مہنگائی بیروزگاری کے دلدل میں ڈال دیا۔
کوئٹہ: امیرجماعت اسلامی بلوچستان مولانا عبدالحق ہاشمی نے کہا کہ اسلام کی حکمرانی،اسلامی نظام ہی ہمارے مسائل کا علاج اورحل ہے۔ قرار داد مقاصد،آئین پاکستان کی رہنمائی کو اس کی روح کے مطابق نافذ کیا جائے۔ قرآن و سنت کی روشنی میں پاکستان کو اسلامی پاکستان بنانا جماعت اسلامی کا منزل ہے۔ بدعنوانی کا خاتمہ اوربلوچستان کو آئینی معاشی حقوق د ینے سے صوبے کے مسائل حل ہوسکتے ہے۔