کوئٹہ: صوبائی وزیر خوراک سردار عبدلرحمن کھیتران نے کہا ہے کہ انسانیت کی خدمت عظیم عبادت ہے خوش نصیب ہیں وہ لوگ جنہیں اب کائنات کیلئے مقصد کر رکھا ہے نعمت اللہ ظہیر قومی اثاثہ ہے بلوچستان کو ان پر فخر ہیان خیالات کا اظہار انہوں نے اپنی جانب سے خدمت خلق فانڈیشن کے چیئرمین نعمت اللہ ظہیر کے تین سالہ بعد وطن واپسی کے موقع پر ان کے اعزاز میں عصرانہ کے موقع پر بات چیت کرتے ہوئے کیاسردار عبدالرحمن کھیتران نے کہا کہ بلوچستان کے عوام کو ان کی ضرورت ہے بلوچستان میں غربت کی حد ہے۔
کوئٹہ: بلوچ سٹوڈنٹس ایکشن کمیٹی ( بساک ) کی نو منتخب چیئرپرسن ڈاکٹر صبیحہ بلوچ نے تنظیم کے کامیاب کونسل سیشن پر کارکنان ، تنظیم کے سابقہ لیڈر شپ ، بلوچ طلباء اورا ساتذہ کو مبارکباد پیش کرتے ہوئے کہا ہے کہ کونسل سیشن تنظیم کے نظریاتی اور مخلص کارکنان کی جدوجہد کا ثمر ہے اور انہی نظریاتی کارکنان کی جدوجہد کے بدولت تنظیم کی بنیادیں مضبوط ہوئی ہیں۔
کوئٹہ: جمعیت علما ء اسلام کے صوبائی امیر مولانا عبدالواسع نے کہا ہے کہ نئے پاکستان میں کرپشن کرنے والے بالآخر منظر عام پر آگئے اب احتساب کے ادارے جہانگیر ترین سمیت ان تمام کرپٹ عناصر کا احتساب کریں جنہوں نے ملکی خزانوں کو بے دردی سے لوٹا ہے ، تین ارب روپے کا حساب اب دینا ہوگا ، شوگراور آٹا مافیا کے خلاف بھرپور کارروائی کی جائے جمعیت علما اسلام زمیندار ایکشن کمیٹی کے آج ہونیوالے احتجاج کی مکمل حمایت کا اعلان کرتی ہے۔
کوئٹہ: جوائنٹ ایکشن کمیٹی جامعہ بلوچستان کے صدر پروفیسر ڈاکٹر کلیم اللہ بڑیچ نے کہا ہے کہ جامعہ بلوچستان پرمسلط وائس چانسلراور پرووائس چانسلر ،خزانہ آفیسر کی عدم دلچسپی کے باعث جامعہ بلوچستان عرصہ دراز سے سخت مالی ،انتظامی بحران کا شکار ہے ،جامعہ کے ملازمین کو ہاوس ریکوزیشن اوردیگرالاونسزکے بغیر نامکمل تنخواہ بروقت ادا نہیں کی جاتی وفاقی حکومت کی جانب سے تین مارچ کو جاری شدہ نوٹیفکیشن پر ابتک کوئی قدم نہیں اٹھایا گیا ۔
کوئٹہ: نوابزادہ میر جمال خان رئیسانی نے کہا ہے کہ حکومت فوری طور پر سرکاری ملازمین کے جائز مطالبات کی منظوری کے احکامات دیں ۔ اپنے ایک بیان میں انہوں نے کہاہے کہ مہنگائی میں بے تہاشا ضافہ کو مدنظر رکھتے ہوئے صوبائی حکومت ملازمین کی تنخواہوں اضافہ کا اعلان کریں۔
کوئٹہ: چیف سیکرٹری بلوچستان مطہر نیاز رانا نے کہا ہے کہ پولیو ایک خطرناک بیماری ہے جو پانچ سال سے کم عمر کے بچوں پر حملہ آور ہو کر انہیں عمر بھر کیلئے معذور بناتی ہے بچے اس قوم کا مستقبل ہیں۔
اسلام آباد: وزیر اعلیٰ سندھ سید مراد علی شاہ نے وفاقی حکومت کو دو ہفتوں کیلئے بین الصوبائی ٹرانسپورٹ پر پابندی عائد کرنے کا مشورہ دیتے ہوئے کہا ہے کہ وفاق کی مخالفت کے باوجود ہم نے سندھ میں لاک ڈاون کیا۔
کوئٹہ: قبائلی رہنماء احمد خان غیبزئی نے کہا کہ محمود خان اچکزئی کو غیر مشروط طور پر صلح اور امن کی دعوت دی ہے تاہم انہوں نے جواب دینے کی بجائے لوگوں سے کہنا شروع کردیا ہے کہ میں دشمنی دوبارہ زندہ کرنے آیا ہوں، گورنر بننے کے لئے واپس نہیں آیا نہ ہی کسی نے مجھ سے اس حوالے سے رابطہ کیا البتہ اگر قومی اور ملکی خدمت کے لئے کوئی ذمہ داری دی گئی تو قبول کرونگا۔
اسلام آباد/کوئٹہ: جمعیت علماء اسلام پاکستان کے سینئر رہنما اور ممتاز پارلیمنٹرین حافظ حسین احمد نے کہا ہے کہ امپورٹڈ کابینہ نے ملک کے معاشی کھیت کو اجاڑ دیا ہے، حفیظ شیخ اور دیگر مارشلائی موسمی پرندوں کی تبدیلی سے مثبت معاشی تبدیلی ممکن نہیں، پی ڈی ایم کی دیگرپارٹیاں پیپلز پارٹی کے خلاف ہی ’’پارٹی‘‘ بن گئی ہیں، اپوزیشن کی موجودہ صورتحال کی وجہ سے عمران نیازی بڑی ’’بے نیازی‘‘ سے چین کی نیند سورہے ہیں۔
کوئٹہ: بلوچ اسٹوڈنٹس آرگنائزیشن کے مرکزی ترجمان نے ایک بیان میں جوائنٹ ایکشن کمیٹی جامعہ بلوچستان کے مطالبات کی حمایت کرتے ہوئے کہا ہیکہ جامعہ بلوچستان کو مالی دیوالیہ پن کا شکار بنادیا گیا ہے۔