کوئٹہ: جمعیت علمااسلام کے مرکزی رہنما و معاون ترجمان پاکستان ڈیموکریٹک موومنٹ سابق سنیٹر حافظ حمداللہ نے کہا ہے کہ ملک کی زور آور قوتیں جمہوری نظام کے استحکام کی راہ میں رکاوٹ ہے لوٹے لٹیروں کے جمگھٹے کو کھبی ایک کھبی دوسرے جماعت میں دھکیل کر حکومت تشکیل دی جانے والی روایات جمہوری نظام کیلئے زہر قاتل ہیں ایسی حکومت عوامی نہیں بلکہ غاصب اور قابض حکومت سمجھی جاتی ہے۔
کوئٹہ: صوبائی امیر مولانا عبدالواسع نے کہا ہے کہ پارلیمنٹ اور اپوزیشن کے ووٹ چوروں کو این آر او دینے سے انکار کے بعد ای سی پی اور سپریم کورٹ کے کندھے پر بندوق چلانے کے بعد خفیہ کیمروں کے ذریعے آئین کی توہین ایک سنگین جرم ہے اور اس کو ہم کسی صورت برداشت نہیں کرینگے 26مارچ سے قبل سلیکٹیڈحکمران مستعفی ہو جائے ورنہ حالات کے تمام تر ذمہ دار یہی نالا ئق حکمران ہوں گے ۔
کوئٹہ: بلوچستان ہائی کورٹ کے چیف جسٹس جناب جسٹس جمال خان مندوخیل اور جسٹس جناب جسٹس عبدالحمید بلوچ پر مشتمل ڈویژنل بینچ نے تحصیلدار صدر کوئٹہ کو متعلقہ محکمہ کو رپورٹ کرنے کا حکم دیدیا ہے۔
کوئٹہ: وزیراعلی بلوچستان جام کمال خان نے وفاقی حکومت کے اس فیصلے کا خیرمقدم کیا ہے کہ تمام وفاقی وزارتوں کے سیکرٹریز ہرماہ بلوچستان کا دورہ کریں گے اور اپنے محکمے سے متعلق امور کو حل کرنے کی کوشش کریں گے۔
اسلام آباد: وفاقی وزیر پورٹ اینڈ شپنگ علی زیدی نے انکشاف کیا کہ سوئنزلینڈ کا سفیر سرمایہ کاری کے لئے پورٹ قاسم آنا چاہتا تھا ایک ماہ کراچی گزارنے کے بعد وہ واپس آگیا مگر پورٹ قاسم حکام نے سوئس سفیر کو پورٹ پر جانے کی اجازت نہیں دی کمیٹی نے پورٹ قاسم اور گوادر ترامیمی بل 2019بھاری اکثریت سے پاس کرلیا۔
کوئٹہ: پاکستان پیپلز پارٹی اقلیتی ونگ کے صدرو سابق صوبائی وزیر جعفرجارج اور پیپلز لیبربیورو کے رابطہ سیکرٹری اکرم گل نے حکومت سے مطالبہ کیا ہے کہ بے نظیر ہاوسنگ اسکیم کلی کوتوال کی زمین پرلینڈ مافیا کے قبضے کا فوری نوٹس لیتے ہوئے قبضہ مافیا کے خلاف کارروائی عمل میں لائی جائے ۔
اسلام آباد: سینیٹ اجلاس پریذائیڈنگآفیسر جاوید عباسی کی زیر صدارت تلاوت قران پاک سے ٹھیک ساڑھے دس بجے شروع ہوا،متعدد کمیٹیوں کی رپورٹس ایوان میں پیش کی گئیں،سینٹر جاوید عباسی نے کہا کہ اجلاس تھوڑی دیر کے لیے ہو گا،اور ریٹائرڈ ہونے والے ارکان سے اپیل ہے کہ مختصر بات کریں تاکہ سب کو موقع مل سکے ۔ایوان بالا میں سینٹر عتیق شیخ نے کہا کہ میرا تعلق کسی بھی سیاسی جماعت سے نہیں اور مزدور باب کا مزدور بیٹا ہوں۔
اسلام آباد: بلو چستان عوامی پارٹی کے صدر ووزیر اعلیٰ بلو چستان جام کمال خان نے چیئرمین سینٹ کیلئے صادق سنجرانی اور ڈپٹی چیئرمین کیلئے مرزا محمد آفریدی کی نامزدگی خوش آئند قرار دیتے ہوئے کہا ہے کہ آج جمعہ کا دن ایک نئی نوید لائیگا، ہم پر امید ہیں،آنے والے وقتوں میں چیزیں مزید بہتر ہو گی، ملک کے لئے سب کو ایک ہونا ہوگا، ہم صوبوں کے درمیان ہم آہنگی کا کردار ادا کرتے رہیں گے۔
کراچی: آل پاکستان نیوز پیپرز سوسائٹی نے وفاقی وصوبائی حکومتوں کی میڈیا پالیسی کے تباہ کن اثرات پر شدید تحفظات کا اظہار کیا ہے اور ان حکومتوں سے مطالبہ کیا ہے کہ وہ ان پالیسیوں پر نظر ثانی کیلئے متعلقہ فریقوں سے مشاورت کریں ۔ اے پی این ایس کی ایگزیکٹو کمیٹی کا اجلاس حمید ہارون کی زیرِ صدارت میں گذشتہ روز منعقد ہوا جس میں ملک میں اخبارات کے ابتر حالات پر تفصیلی غور کیا گیا۔
اسلام آباد: پی اے ایف اسپتال کے زیر اہتمام آج ورلڈ کڈنی ڈے کی مناسبت سے سیمینار کا انعقاد کیا گیا۔ سیمینار کا مقصد گردوں کی مختلف بیماریوں سے متعلق آگہی دیناتھا۔ میجر جنرل صفدر عباس (ریٹائرڈ)، چیف ایگزیٹوپی اے ایف اسپتال اس تقریب کے مہمانِ خصوصی تھے۔سیمینار کے دوران اپنے خیالات کا اظہار کر تے ہوئے پروفیسر سید اختر نے کہا کہ گردے کی بیماریاں ملک کے لئے ایک بڑا چیلنج ہیں۔