کوئٹہ: پاکستان مسلم لیگ ق کے مرکزی رہنما عبدالشکور مری نے اپنے بیان میں گزشتہ روز اسلام آباد میں مسلم لیگ ن کے رہنمائوں پرپی ٹی آئی کے ورکروں کی جانب سے حملے کی شدید الفاظ میں مذمت کرتے ہوئے کہا ہے کہ ملکی سیاست سے شائستگی ختم کر دی گئی ہے قومی روایات کو بھی پامال کیاجارہا ہے انہوں نے سیاسی خواتین اور سابق وزیر اعظم پر اس طرح حملے اور بدتمیزی کی جتنی مذمت کی جائے کم ہے۔
کوئٹہ: جمعیت علما اسلام کے صوبائی امیر و رکن قومی اسمبلی مولانا عبدالواسع نے کہا ہے کہ اب حکومت مزید قائم نہیں رہ سکتی،اپنے ہی اراکین اسمبلی نے وزیراعظم پر پر عدم اعتماد کا اظہار کردیا ہے سینیٹ انتخابات میں پی ٹی آئی کے اراکین اسمبلی پر کرپشن کے الزامات لگانے کے بعد ان کے معافی کا اعلان کرنا سب سے بڑا یوٹرن ہے ،یہ نالائق اور نااہل حکمران صرف کرپشن کا نعرہ لگا کر اپنے مقاصد حاصل کرنا چاہتے ہیں۔
لورالائی: پی ڈی ایم کے رہنما و مسلم لیگ (ن )کے مرکزی سینئر نا ئب صدر سینٹ کے سیٹنڈنگ کمیٹی برائے بین الصوبائی رابطہ کے چیئرمین سینیٹر سردار محمد یعقوب خان ناصر نے میڈیا سے بات چیت کرتے ہوئے کہا کہ پارلیمنٹ کے سامنے پی ٹی ائی کے مشتعل کارکنوں نے پی ایم ایل ن کے مرکزی جنرل سیکرٹری احسن اقبال سابق وزیر اعظم مرکزی نائب صدر شاہد خاقان عباسی سینیٹر مصدق ملک اور مریم اورنگ زیب کے ساتھ پیش آنے والے واقعہ کی شدید مذمت کرتا ہوں۔
کوئٹہ: پاکستان تحریک انصاف نے صدر پاکستان ،چانسلر/گورنربلوچستان ،چیئرمین ہائیرایجوکیشن کمیشن اور وائس چانسلر جامعہ بلوچستان سے مطالبہ کیاگیاہے کہ یونیورسٹی آف بلوچستان کے ایم فل داخلوں میں بے ضا بطگیوں وبے قاعدگیوں کا فوری طورپر نوٹس لیاجائے بصورت دیگر ہم عوامی احتجاج سے لیکر عدالت کا بھی دروازہ کھٹکھٹائیں گے ۔
خیبر پختونخوا (کے پی) کے قبائلی ضلعے جنوبی وزیرستان میں امن و امان کی بگڑتی ہوئی صورت حال کے پیش نظر انتظامیہ نے ضلع بھر میں ایک ماہ کے لیے دفعہ 144 نافذ کردی۔ ڈپٹی کمشنر جنوبی وزیرستان خالد اقبال خٹک کی جانب سے جاری نوٹی فکیشن میں کہا گیا کہ ضلع میں ایک ماہ کے لیے ہر قسم کے اسلحہ کی نمائش ہر پابندی ہوگی۔ انہوں نے کہا کہ جنوبی وزیرستان میں کالے شیشے والی گاڑیوں پر بھی پابندی عائد کردی گئی ہے۔
گرمی بڑھنے سے پہلے کراچی میں لوڈشیڈنگ بڑھ گئی، چھٹی کے روز بھی کئی علاقوں میں بجلی غائب ہوگئی۔ لیاقت آباد سی ون ایریا، نارتھ ناظم آباد بلاک ایس اور گلستان جوہر بلاک 13 میں صبح صبح بجلی جانےسےشہریوں کی نیندیں خراب ہوگئیں۔
اسلام آباد: مسلم لیگ ن کی نائب صدر مریم نواز نے ڈی چوک پر ہونے والی بدتمیزی کا بدلہ لینے کا اعلان کردیا۔ مسلم لیگ ن کے اجلاس کے بعد میڈیا سے گفتگو کرتے ہوئے کا کہنا تھا کہ ’کل ڈی چوک پر لیگی رہنماؤں کے ساتھ طوفانِ بدتمیزی مچایا گیا، مریم اورنگزیب، شاہد خاقان عباسی، احسن اقبال اور مصدق ملک پر ہونے والے حملے کی بڑی قیمت چکانا پڑے گی‘۔
کچلاک: چیف جسٹس بلوچستان ہائی کورٹ جسٹس جمال خان مندوخیل نے کہا ہے کہ کوئٹہ شہر کی بڑھتی ہوئی آبادی اور یہاں کے کورٹس میں لوگوں کے رش زیادہ ہونے کی وجہ سے ججز کمیٹی کے تحت یہ اصولی فیصلہ کیا گیا ہے کہ دو کورٹس کوئٹہ سے علیحدہ کیے جائیں لہذا پہلے مر حلے میں سریاب جوڈیشل کمپلیکس اور اب کچلاک جوڈیشل کمپلیکس کے قیام سے ان علاقوں کے عوام کو ان کی دہلیز پر انصاف فراہم کیا جائے گا۔
اسلام آباد/کوئٹہ: چیئرمین سینیٹ محمد صادق سنجرانی نے کہاہے کہ بی اے پی کے نومنتخب سینیٹرز ایوان بالا میں بلوچستان کی بھرپور نمائندگی اورصوبے کی ترقی وخوشحالی کیلئے مل کر کام کرینگے ۔ان خیالات کااظہار انہوں نے بلوچستان عوامی پارٹی کے سینیٹر پرنس آغا عمر احمد زئی کی ہفتے کے روز ملاقات کے موقع پرگفتگو کرتے ہوئے کیا۔
کوئٹہ: بلوچستان نیشنل پارٹی کے سربراہ سردار اخترجان مینگل نے اسلام آباد میں پاکستان تحریک انصاف کے کارکنوں کی جانب سے مسلم لیگ(ن) کے قائدین کے ساتھ روا رکھے گئے رویہ کی مذمت کرتے ہوئے کہاہے کہ خواتین یاپارلیمنٹرینز کوئی عزت نہیں کی جارہی۔