جعفرآباد : ڈپٹی چیئرمین سینیٹ وجمعیت علماء اسلام (ف) کے مرکزی سیکرٹری جنرل مولانا عبدالغفور حیدری نے کہاکہ چین اقتصادی راہداری معاہدہ پاکستان اور چین کے درمیان ہونے والے معاہدات کی روشنی میں ہوا ہے جس کے تحت 45ارب ڈالرکی سرمایہ کاری کی جائے گی وزیراعظم میاں محمد نواز شریف نے بلوچستان کے علاقے ژوب میں چین اقتصادی راہداری منصوبے کا افتتاح کرکے بلوچستان میں تجارت کی نئی رائیں کھول دی گئیں ہیں نیک نیتی ایمانداری سے چین اقتصادی راہداری منصوبے پر کام اور بلوچستان میں صعنتیں قائم کی جائیں تو بلوچستان میں خوشحالی کا انقلاب برپا ہو گا بیروزگاری کا بھی خاتمہ ممکن ہو گا اور بلوچستان تجارت کا گیٹ وے کی اہمیت اختیار کر جائے گا
کوئٹہ : بلوچستان نیشنل پارٹی کے رہنماؤں نے کہا کہ بی این پی شہداء کی سیاسی قوت ہے بلوچستان کے وقت و حالات کا تقاضا ہے کہ ہم بلوچ قومی مفادات کو اولیت دے اقتصادی روٹ ہمارے سامنے ثانوی حیثیت رکھتا ہے اصل مسئلہ بلوچوں حق ملکیت کو تسلیم کرنا ہے 2016ء میں لاکھوں کی تعداد میں افغان مہاجرین کی موجودگی میں کوئی مردم شماری قبول نہیں اور نہی صاف شفاف اسے قرار دے سکتے ہیں ان خیالات کا اظہار بلوچستان نیشنل پارٹی کے رہنماء کامریڈ عنایت بلوچ کی برسی کے موقع پر کلی شاہ نواز میں ایک بڑے تعزیتی جلسہ عام سے خطاب کیا گیا جبکہ مہمان خاص بی این پی کے مرکزی سیکرٹری اطلاعات آغا حسن بلوچ ایڈووکیٹ تھے اعزازی مہمان مرکزی لیبر سیکرٹری منظور بلوچ تھے،مرکزی یومن سیکرٹری موسیٰ بلوچ، مرکزی رہنماء و ضلعی جنرل سیکرٹری غلام نبی مری ، یونس بلوچ، میر غلام رسول مینگل ملک محمد ابراہیم شاہوانی ، نورویز بلوچ، عاطف بلوچ ، کامریڈ رحمت اللہ پرکانی ، جاوید جھالاوان بلوچ، جاوید عنایت بلوچ نے خطاب کیا اسٹیج کے سیکرٹری کے فرائض اسد سفیر شاہوانی نے سرانجام دیئے اس موقع پر تلاوت کلام پاک کی سعادت کامریڈ منان بلوچ نے حاصل کئے اس موقع پر لقمان کاکڑ،سعید کرد،ڈاکٹر زین الدین ،ثناء مسرور بلوچ، ستار شکاری ، مصطفیٰ اور دیگر کارکنان بڑی تعداد میں موجود تھے
کوئٹہ: بلوچستان نیشنل پارٹی کے مرکزی سیکرٹری اطلاعات آغا حسن بلوچ ایڈووکیٹ نے اپنے جاری کردہ بیان میں کہا ہے کہ بلوچستان میں پاک چائنا اقتصادی روٹ بننے سے بلوچ عوام کے تحفظات و خدشات اور بلوچوں کو گوادر سے متعلق جو مسائل و مشکلات ہیں ان کا ختم ہونا ممکن نہیں ہے اور مغربی اقتصادی روٹ ہمارے لئے ثانوی حیثیت رکھتا ہے جبکہ بلوچستان جعلی حکمرانوں اور دیگر جماعتوں نے گوادر کے بلوچوں اور بلوچستان کی عوام کے تمام مسائل مغربی روٹ تک محدود رکھیں اور بلوچوں کے مسائل کو اجاگر کرنے کے بجائے انہیں مکمل طورپر نظرانداز کر دیا گیا ہونا تو یہ چاہئے تھا
کوئٹہ: انسپکٹرجنرل فرنٹیئرکور بلوچستان میجرجنرل شیر افگن نے کہاہے کہ صوبے میں امن کے قیام کیلئے عوام بلاخوف وخطر سیکورٹی فورسز کے ساتھ ہرممکن تعاون کرے حلقہ پی بی 50میں ضمنی انتخابات کے موقع پرتمام پولنگ اسٹیشنوں پرفرنٹیئرکوراورلیویزاہلکارتعینات کئے گئے ہیں عوام بلاخوف وخطر اپناحق رائے دہی استعمال کرے ان خیالات کااظہارانہوں نے بدھ کوتربت کے دورہ کے موقع پرجمعرات کوحلقہ پی بی 50میں ہونے والے ضمنی انتخابات کے موقع پرحلقے میں سیکورٹی انتظامات کے جائزہ لینے کے موقع پر بات چیت کرتے ہوئے کیاانہوں نے گزشتہ روزتربت کادورہ کیاجہاں پرصوبائی اسمبلی کے حلقہ پی بی 50کیچ میں آج ہونے والے ضمنی انتخابات کے موقع پر سیکورٹی انتظامات کاجائزہ لیا اورانتخابات پرامن بنانے کیلئے تمام پولنگ اسٹیشنز پرفرنٹیئرکور ،لیویز اہلکار تعینات کئے جائیں گے
کوئٹہ: نیشنل پارٹی کے سربراہ میر حاصل خان بزنجو نے کہا ہے کہ سڑکیں صرف علاقے کی نہیں بلکہ عوام کے مزاج بدل دیتی ہیں اقتصاری راہداری منصوبہ پاکستان اور بلوچستان کی ترقی کا ضامن ہے ان خیالات کا اظہار انہوں نے ژوب میں پاک چین اقتصادی راہداری کے مغربی روٹ کی ژوب تا مغل کوٹ اورقلعہ سیف اللہ کا ویگم رود سیکشن کے سنیگ بنیاد کی تقریب سے خطاب کر تے ہوئے کیا انہوں نے کہاکہ شاہراؤں کی تعمیر معیشت میں بہتری پیدا کرتی ہے پاک چین اقتصادی راہداری سے بلوچستان میں ترقی کا آغاز ہوگا کیونکہ ہم سمجھتے ہیں کہ سڑکیں معاشرے بدل دیتی ہیں بلوچستان کی عوام وزیراعظم پاکستان میاں محمدنوازشریف کے مشکور ہیں
کوئٹہ: پشتونخواملی عوامی پارٹی کے سربراہ رکن قومی اسمبلی محمود خان اچکزئی نے کہا ہے کہ دنیا کی تمام دہشت گردی اور نفرتیں ناانصافی سے جنم لیتی ہیں انصاف کے تقاضے پورے کئے بغیر امن کا قیام ممکن نہیں اقتصاری راہداری منصوبہ سے ملک میں ترقی کی راہیں کھلیں گی ان خیالات کا اظہار انہوں نے ژوب میں پاک چین اقتصادی راہداری کے مغربی روٹ کی ژوب تا مغل کوٹ اورقلعہ سیف اللہ کا ویگم رود سیکشن کے سنیگ بنیاد کی تقریب سے خطاب کر تے ہوئے کیا انہوں نے کہاکہ شاہراؤں کی اہمیت سے ہر انسان واقف ہے وزیراعظم پاکستان میاں محمد نوازشریف کے ارادے نیک ہیں پاکستان انتہائی خوبصورت ملک بن سکتا ہے جہاں دنیا کی تمام سہولیات موجود ہیں مگر آج بھی ہم کسمپرسی کی زندگی گزاررہے ہیں دراصل دہشت گردی اور نفرتیں ناانصافیوں سے جنم لیتی ہیں
کوئٹہ: جمعیت علماء اسلام بلوچستان اسمبلی میں پارلیمانی واپوزیشن لیڈر مولانا عبدالواسع نے کہا ہے کہ وزیراعظم کو بلوچستان آمد پر خوش آمدید کہتے ہیں بلوچستانی عوام ان امید رکھتے ہیں کہ اقتصادی راہداری کے افتتاح کے ساتھ اکنامک زونوں کی تعمیر اور گوادر سے ژوب تک ریلوے لائن بچھانے کی فوری طور پر عملدرآمد کے احکامات دینگے کچھ قوتیں نہیں چاہتے کہ اسلام آباد اور پنجاب کے بارے میں عوام کے ذہینوں میں اچھی رائے کو پروان چڑھایا جائے جبکہ بعض دوست انجانے میں ان کے سوچ کی تکمیل میں مدد دے رہے ہیں ۔یہ بات نے وزیراعظم پاکستان میاں محمد نو از شریف کا دورہ ژوب خیرمقدمی بیان میں کہی‘ انہوں نے کہاکہ بلوچستان کے کچھ قوتیں نہیں چاہتے کہ بلوچستان جو پاکستان کا معاشی مستقبل ہے میں امن وامان قائم ہو اور یہاں کے عوام کی ذہینوں سے وفاق مخالف سوچ کو پروان چڑھا جائے جس کا مقصد بلوچستان میں اس نفرت کی بنیاد پر ووٹ بینک کو وسعت دینا ہے جس کیلئے بلوچستان کی پسماندگی اور محرومیوں کو ہمیشہ ہمیشہ ختم کرنے کیلئے اور محب وطن بنانے کیلئے گوادر کاشغر شاہراہ جوکہ بلوچستان سے گزرنا تھا اپنے مفادات کیلئے ازحد زیادہ کوشش کی کہ وفاق روٹ کو تبدیل کرکے اس منصوبے کو متنازعہ بنایاجائے
اسلام آباد: ڈپٹی چیئرمین سینیٹ مولانا عبد الغفور حیدری نے کہا ہے کہ جمہوریت سے ہی کسی بھی ریاست کا استحکام لاز م ہے اور ریاست کی مضبوطی اور استحکام کیلئے صاف شفاف آذادانہ انتخابات ضروری ہیں اس سے نظام مضبوط ہوتا ہے ۔پارلیمنٹ اور جمہوریت پر اعتماد برھتا ہے جہاں انتخابات پر ادارے ،شخصیات اور پارٹیاں اثر انداز ہوں تو نظام پرسے اعتماد اٹھ جاتا ہے ۔ ان خیالات کا اظہار انہوں نے چیف الیکشن کمیشن نیپال ایودی پراساد کی قیادت میں ملاقات کرنے والے والے وفد سے گفتگو کرتے ہوئے کہی ،وفد نے پارلیمنٹ ہاؤس اسلام آباد میں ان سے ملاقات کی ۔مولانا عبد الغفور حیدری نے نیپال میں آذادانہ،شفاف انتخابات کرانے پر الیکش کمیشن نیپال کو مبارکبارد دی اور کہ ا کہ طویل جدوجہد کے بعد قائم ہونے والا جمہوری نطام چلے اورنیپالی قوم کی کامیابی کیلئے بھی دعا کی۔نیپالی الیکشن کمیشن کے وفد میں الیکش کمیشن نیپال کے ممبر لکشو شرما انڈر سیکرٹری الیکشن کمیشن دیش بندو ھدیقن شامل تھے ۔
کوئٹہ: بلوچستان میں رواں سال کے دوران ٹارگٹ کلنگ،بم دھماکوں اوردیگر مختلف واقعات میں 90افراد جاں بحق سینکڑوں زخمی ہوگئے رپورٹ کے مطابق 4مارچ کولورالائی میں ضلعی پولیس آفیسر کے قافلے پرحملے میں دوپولیس اہلکارجاں بحق20مارچ کوخاران میں ڈپٹی کمشنر کے قافلے پرحملے میں 2اہلکار جاں بحق 27اپریل کوکوئٹہ کے علاقے اسپینی روڈ پرفائرنگ کے نتیجے میں بھی دو افراد ٹارگٹ کلنگ کانشانہ بنے25مئی کوبلوچستان کے علاقے حب میں صدر پاکستان ممنون حسین کے بیٹے کے قافلے کے قریب بم دھماکے کے نتیجے میں 3افراد ہلاک جبکہ11افراد زخمی ہوگئے 26مئی کوکوئٹہ میں پرتشدد واقعات میں 4افراد ہلاک ہوگئے 30مئی میں کوپشین سے کراچی جانیوالی مسافر کوچ کومستونگ کے علاقے کھڈ کوچہ کے مقام پر22مسافروں کواتار کرٹارگٹ کلنگ کانشانہ بنایاجن میں سے زیادہ ترکاتعلق پشین اورقلعہ عبداللہ سے تھا6جون کوکوئٹہ کے علاقے پشتون آباد میں 4پولیس اہلکاروں کوٹارگٹ کلنگ کانشانہ بنایاگیا7
اسلام آباد: پانی کی شدید قلت دور کرنے کیلئے حکومت گوادر اور اس کے گردونواح کے علاقوں کو سملی ڈیم سے پانی فراہم کرنے کا منصوبہ بنا رہی ہے ۔ منصوبے کے تحت گوادر کو 6.5 ایم ڈی جی پانی فراہم کیاجائے گا ۔ میڈیا رپورٹس کے مطابق گوادر ڈویلپمنٹ اتھارٹی کے ایک عہدیدار نے بتایا ہے کہ یہ ڈیم انقرہ ڈیم سے تین گنا زیادہ بڑا ہے جو کہ سردست شہر کو پانی کی فراہمی کے لئے استعمال کیا جارہا ہے انہوں نے کہا کہ سواد ڈیم گوادر سے 57 کلو میٹر دور ہے اور اس کی تکمیل قریب ہے ہم پائپ لائن اور پمپ کے لئے ٹینڈر جاری کرینگے اور امید ہے کہ اگلے دو سال میں یہ آپریشنل ہوجائے گا
