اسلام آباد: نیشنل پارٹی کے مرکزی رہنما سینیٹر حاصل بزنجو نے کہا ہے کہ بلوچستان سے بزرگ خواتین کو دہشتگردی کے الزام میں اٹھایا گیا ہے اس عمل سے حکومت اور فوج کی بدنامی ہو گی اور دہشتگردوں کو سپورٹ ملے گی، ہماری درخواست ہے کہ ان ان پڑھ خواتین کو فوری طور پر رہا کیا جائے اور جو دہشتگرد ہیں ان کے خلاف کارروائی کی جائے۔
کوئٹہ: نوابزادہ گزین مری نے کہا ہے کہ عام انتخابات میں دھاندلی ہوئی ہے کوہلو سے منتخب ہونے والے رکن اسمبلی نصیب مری کو اب تک سمجھ نہیں آیا کہ وہ الیکشن کیسا جیتا دھاندلی کیلئے کمیٹی بنائی جائے تاکہ حقائق سامنے آسکیں لا پتہ افراد کی بازیابی کیلئے جدوجہد کی ہے اور اب بھی کرینگے سی پیک میں سب سے پہلے گوادر کو ترقی ہونی چاہیے۔
کوئٹہ: صوبائی وزیر داخلہ میرضیاء اللہ لانگو نے کہا ہے کہ آواران سے گرفتار ہونے والے چار خواتین دہشتگردوں کیلئے سہولت کاری کا کام کرتے تھے گرفتار خواتین سے اسلحہ بھی برآمدکیاگیا موجودہ حکومت نے ناراض بلوچوں کے ساتھ باقاعدہ طور پر مذاکرات کیلئے کوئی رابطہ نہیں کیا تاہم جو لوگ قومی دھارے میں شامل ہونا چاہتے ہیں وہ عدالتوں میں کیسز کا بھی سامنا کرینگے۔
خضدار: بلوچستان نیشنل پارٹی کے مرکزی رہنما ایم پی اے میر محمد اکبر مینگل نے گورنمٹ بوائز انٹر کالج وڈھ کا دورہ کیا۔کالج انتظامیہ سے ملاقات کالج کے تعمیری کام کا تفصیلی جائزہ لیا تعمیری کام کے سست روی ٹھیکیدر اراور انجینئرکے لاپروائی قرار دیتے ہوئے کہاکہ کالج کے تعمیراتی کام بلکل غیر تسلی بخش ہے انہوں نے کہا کہ ٹھکیدار تعمیراتی کام معیار کے مطابق کام نہیں کرپارہے یہ ہمیں ہر گز برداشت نہیں اب ہمیں ٹھکیدار کے خلاف کاروائی کرنا پڑیگا۔
کوئٹہ: کوئٹہ کے علاقے نواں کلی سے اغواء ہونے والے نوجوان غوث اللہ کے ہلاکت کے بعد ڈپٹی اسپیکر سردار بابر خان موسیٰ خیل کی صدارت میں اپوزیشن جماعتوں اور قانون نافذ کرنے والے اداروں کا اجلاس ہوا اجلاس میں مختلف امور پر بحث کی گئی اور اغواء کاروں کے خلاف سخت کارروائی کیلئے کوئٹہ پولیس اور لیویز کو ٹاسک دے دیا۔
کوئٹہ : محکمہ تعلیم بلوچستان میں کیرئیر ٹیسٹنگ سروس کے زیر نگرانی 7ہزارسے زائد خالی پوسٹوں کے لئے 70ہزار مردخواتین امیدوارو اپنی قسمت آزمانے کئے میدان میں ہیں بلوچستان یونیورسٹی کے کیمپس میں کوئٹہ کے مرد خواتین امیدواروں سے امتحانات جاری ہے کوئٹہ کے 898آسامیوں کے لئے 12ہزار سے مرد خواتین امیدواروں نے حصہ لیا ہے آج بھی بلوچستان یونیورسٹی میں ٹیسٹ کا آخری مرحلہ کے تحت امتحان لیا جائے گا۔
کوئٹہ: بلوچستان ہائیکورٹ کے چیف جسٹس جسٹس جمال مندوخیل نے کہا ہے کہ عدالتی احکامات پر عمل درآمد حکومت کی ذمہ داری ہے اگر شکایت اس طرح ہو کہ جانور اور انسان ایک جگہ سے پانی پی رہے ہیں تو اس بات کا احساس کرنا چاہئے کہ یہ ذمہ داریوں سے غفلت کے ساتھ ساتھ انسانیت کی توہین ہے۔
نوکنڈی: سیندک پروجیکٹ سے برطرف ملازمین نے اٹھارہ روزاحتجاج کے بعد اپنادھرناختم کردیا متاثرہ ملازمین کے رہنمامحمدیوسف محمد حسنی نے نوکنڈی کے صحافیوں کوتفصیلات بتاتے ہوئے کہاکہ ہم نے اپنے ملازمین کے جائز حقوق کے لئے کمپنی مینجمنٹ کے غلط پالیسیوں کے خلاف آوازبلندکی جس کی پاداش میں ہمیں ایک سازش کے تحت ملازمتوں سے ہاتھ دھوناپڑا پھرہم نے پرامن اور جمہوری طریقوں سے اپنے حقوق کے لئے شدید سردی اور سخت موسم میں اٹھارہ دن تک احتجاج کیا تاکہ ہمیں واپس بحال کیاجاسکیں۔
اسلام آباد: پشتونخوا ملی عوامی پارٹی کے سربراہ محمود خان اچکزئی نے کہا ہے کہ چیف جسٹس آف پاکستان تمام اسٹیک ہولڈرز کی کانفرنس بلائیں آئین وقانون کی حکمرانی کو تسلیم کی جائے تو جمہوری راستہ نکل سکتا ہے اگر حکمرانوں نے لاکھوں افراد کی مجموعہ کی بات تسلیم نہیں کی تو ملک بھر کو جلسہ گاہ میں تبدیل کرینگے اور تمام شاہراہیں بندکریں گے۔
نصیرآباد: نصیرآبادڈویژن میں ہیپاٹائیٹس بی اور سی میں اضافہ یونیسیف کے تعاون سے محکمہ صحت کی جانب سے کرائی گئی 10روزہ تشخیصی مہم کے دوران ڈویژن نصیرآباد میں 2789ہیپاٹائیٹس بی اور سی کے نئے کیسز سامنے آگئے نصیرآباد ڈویژن میں ہیپاٹائیٹس سی کی ادویات ناپید ہوگئیں۔