Posts By: رمضان بلوچ

صدیق بلوچ اب اس دنیا میں نہیں رہے لیکن جب تک رہے ایک مثالی اور اچھے انسان کی حیثیت سے زندگی گزاری۔

نوشکی سے واپسی میں تقریباً ڈیڑھ دو گھنٹے کی ڈرائیو کر کے یارجان بادینی نے ہمیں کوئٹہ کے مصروف جناح روڈ کی حدود تک پہنچایا تو خواہش ہماری یہی تھی کہ ہمیں وہ الوداع کہیں اور اپنے گھر جائیں لیکن جناب! وہ اپنے گھر ضرور گئے مگر ہمیں ساتھ لے گئے اور “شارٹ نوٹس” پر پرتکلف ڈنر سے ہماری تواضع کرکے ہی چھوڑا۔ ہم تو دور دور تک شمار میں نہیں آتے لیکن بہت کم ان جیسے لوگ باقی رہ گئے ہیں جن کی مہمان نوازی کی استقامت (stamina) پر ہمیں رشک آتا ہے۔

ہمارے پیارے شہر کراچی میں موسم کا مسئلہ ایسا ہے کہ جب تک کوئٹہ سے سائبیریائی ٹھنڈی ہوائیں نہیں پہنچتی ہیں یہاں کا موسم اور ہمارا مزاج “گرم” ہی رہتا ہے۔ اس مرتبہ جب ہمارے ہاں کے سرد مزاج دانشور اور اردو زبان کے بااسلوب شاعر عیسیٰ بلوچ نے ماہ نومبر میں کوئٹہ کی “سرد شاموں ” کو آزمانا چاہا تو “گرماگرمی” میں ہم بھی ان کے پیچھے چل پڑے۔ پلٹ کر دیکھا تو بلوچی زبان کے نوجوان شاعر و ادیب اصغر لعل کو بھی کمر باندھے تیار پایا۔