Posts By: اسٹاف رپورٹر

کوئٹہ: بلوچستان اسمبلی کے اجلاس میں حکومتی سازی کے دوران فارم ہائوس معاہدے کا تذکرہ ، بی اے پی کے سینئر اراکین کا کسی بھی معاہدے سے لاتعلقی کا اظہار اور سامنے لانے کا مطالبہ، جمعرات کو بلوچستان اسمبلی کے اجلاس میں وقفہ سوالات کے دوران سینئر صوبائی وزیر میر ظہور بلیدی نے بی این پی کے رکن ثناء بلوچ پر طنز کرتے ہوئے کہا کہ ہم ایک ہی ہیں اور حکومت میں ہیں جس پر جے یوآئی کے عبدالواحد صدیقی نے کہا کہ ہم حکومت کے ساتھ مثبت تعاون کررہے ہیں جس پر ہمیں طعنے دیئے جارہے ہیں ہم نے صوبے کی بہتری کے لئے حکومت کی تبدیلی میں کردار ادا کیا تھا ۔اجلاس کے دوران پوائنٹ آف آرڈر پر جمعیت علماء اسلام کے رکن زابد علی ریکی نے حکومتی رویے پر احتجاج کرتے ہوئے کہا کہ موجودہ حکومت بنانے میں اپوزیشن نے اہم کردار ادا کیا جام کمال خان نے میرے والد کو قتل نہیں کیا بلکہ ان کے رویے کی وجہ سے ہم نے جام حکومت کو ہٹایا اگر موجودہ حکومت نے اپنا رویہ تبدیل نہیں کیا تو جام کمال خان کا والا عمل ان کے خلاف بھی دہرائیں گے۔

پنجگور کے علاقے شاپاتاں میں نامعلوم مسلح گاڑی سواروں کی فائرنگ سے ایک شخص جاں بحق دو سگے بھائیوں کو اغواء کر کے اپنے ساتھ لے گئے

سلام آباد:  سینیٹ میں اپوزیشن نے قومی سلامتی پالیسی کو پارلیمنٹ میں پیش کرنے اور زیر بحث لانے کا مطالبہ کیا جبکہ دہشت گردی کے حالیہ واقعات کی مذمت کرتے ہوئے ـحکومت کو شدید تنقید کا نشانہ بنایا ہے، اپوزیشن ارکان نے کہا کہ حالیہ واقعات سے پتہ چلتا ہے کہ پاکستان میں حکومتی رٹ نہیں ہے،ایک قاتل راج ہے،دہشتگردوں کا راج ہے، آج تک ان سے پیٹرول اور چینی کی قیمتیں کنٹرول نہیں ہورہیں تو دہشت گردی کو کیا کنٹرول کریں گے ، دہشت گردی ملک میں ناسور بن چکی ہے۔

کوئٹہ: بلوچستان کے 15اضلاع میں پانچ روزہ پولیو مہم آ ج بروز پیر سے شروع ہوگی،ایمر جنسی آپریشن سینٹر کے کو آرڈینیٹرحمیداللہ ناصر نے کہا ہے کہ بلوچستان میں پولیو مہم صوبے کے15اضلاع کی415یونین کونسلز میں آج سے شروع ہو رہی ہے۔

کو ئٹہ : بلوچستان کے 15اضلاع میں انسداد پولیو مہم 24جنوری سے شروع ہوگی 5روزہ مہم کے دوران 15لاکھ بچوں کو قطرے پلائے جائیں گے،بلوچستان میں گزشتہ سال جنوری سے اب تک کوئی کیس رپورٹ نہیں ہوا ہے جو کہ بڑی پیشرفت ہے۔

کوئٹہ:  پاک افغان سرحد چمن پر پیدل آمد و رفت کا کنٹرول ایف آئی اے کے حوالے کردیا گیا، آمد و رفت تفصیلات کے مطابق جمعہ کو چمن میں پاک فوج اور ایف سی حکام کی جانب سے پاک افغان سرحد پر پیدل آمد و رفت کا نظام باقاعدہ طور پرایف آئی اے کے حوالے کردیا گیا۔

کوئٹہ: طلباء تنظیموں کے زیر اہتمام جامعہ بلوچستان سے مبینہ طور پر لاپتہ ہونے والے طلبا فصیح بلوچ اور سہیل بلوچ کی عدم بازیابی کے خلاف بدھ کو احتجاجی ریلی نکالی گئی ،ریلی میں بلوچ اسٹوڈنٹس آرگنائزیشن (پجار) ، بلوچ طلباء ایکشن کمیٹی ، پشتون ایس ایف ، پیپلز اسٹوڈنٹس فیڈریشن کے رہنما?ں و کارکنوں نے شرکت کی ، اس موقع پر ریلی کے شرکاء نے پلے کارڈ اور بینر اٹھا رکھے تھے۔

کوئٹہ: بلو چستان سوشل فورم کے چیئر مین عبد الغفار بلو چ نے کہا ہے کہ غیر انسانی ڈاکٹروں کی ہڑ تالی ختم کرا وکے اس مضموم عزائم کے پیچھے مرکزی کر دار کو بے نقاب کیا جائے ،وائے ڈی اے کی جانب سے سرکاری ہسپتالوں کو بند رکھنا اور پرائیویٹ ہسپتالوں کا کھلا رہنا وائے ڈی اے اورپرائیویٹ ہسپتال ما فیا کے گٹھ جوڑ کا منہ بولتا ثوبت ہے ۔

کوئٹہ: چیف آف سراوان سابق وزیر اعلیٰ بلو چستان نواب محمد اسلم رئیسانی نے کہا ہے کہ موجودہ حکومت تکون پہیہ پر چل رہی ہے جسکا چلنا مشکل ہے ان کیمرہ سیشن بریفنگ میں شرکت نہیں کرسکا اگر موجود ہوتا تو اجلاس سے واک آؤٹ کر جاتا ریکوڈک منصوبے کو بلوچستان خود چلا سکتا ہے صوبائی حکومت نے ڈاکٹرز پر اپنی کوتاہیوں اور خامیوں کا غصہ اْترا ہے ڈاکٹرز سے گزارش کی ہے کہ وہ ایمرجنسی سروسز کا بائیکاٹ نہ کریں ۔

کوئٹہ: بلوچستان بیروزگار زرعی گریجویٹس ایسوسی ایشن کے زیر اہتمام اسامیاں مشتہر نہ کرنے کے خلاف کوئٹہ پریس کلب کے سامنے احتجاجی مظاہرہ کیا گیا، مظاہرین نے مطالبات کے حق میں پلے کارڈ اور بینرز اٹھا رکھے تھے۔