کوئٹہ: بلوچستان کے ضلع واشک کے علاقہ بسیمہ میں دستی بم پھٹنے سے تین بچے جاں بحق ایک بچی زخمی ہوگی سیکورٹی فورسز کی قلعہ سیف اللہ اور کوہلو میں کارروائیاں بھاری مقدار میں اسلحہ وگولہ بارود برآمد۔
کوئٹہ: بین الصوبائی بارکونسل کے رہنماؤں نے کہا ہے کہ چیف جسٹس آف پاکستان سوموٹوکیسزمیں وقت ضائع کرنے کی بجائے ماتحت عدالتوں پر توجہ دیں ۔ ملک میں 18ویں ترمیم کو رول بیک ،جمہوری اداروں کو تباہ کرنے کی کوششیں کی جارہی ہیں۔ سی پیک منصوبے میں عوام کے حقوق کا تحفظ کیا جائے ۔آئین انسانی حقوق کوتحفظ فراہم کرتی ہے لاپتہ افراد کوبازیاب کرکے عدالتوں میں پیش کیا جائے ۔
کوئٹہ: بلوچستان عوامی پارٹی کے مرکزی رہنماء اوروزیراعلیٰ میڈیا سیل کے سربراہ محمد عظیم کاکڑ نے کہا ہے کہ بلوچستا ن حکومت صوبے کے عوام کی فلاح وبہبود کیلئے تمام ممکنہ وسائل بروئے کار لارہی ہے ۔ حکومت نے گزشتہ سو دنوں میں عوام کے مفاد میں 40 سے زائد ہم فیصلہ کئے ہیں ۔
کوئٹہ: سول اسپتال کوئٹہ کے مزید 21ملازمین کو غیر حاضری پر ملازمتوں سے برطرف کر دیا گیا۔اسپتال انتظامیہ کا کہنا ہے کہ غیر حاضر ملازمین کو گھر بیٹھے تنخواہیں نہیں دے سکتے۔
کوئٹہ: بلوچستان کے ضلع کوہلو میں نمونیا پھیلنے سے تین بچوں سمیت چار افراد جاں بحق جبکہ تیس سے زائد افراد بیمار ہوئے ہیں۔
کوئٹہ: کوئٹہ کے مصروف علاقے ڈبل روڈ پر ٹریفک کی روانی میں خلل کا سبب بننے والی 180 دکانوں کو ضلعی انتظامیہ نے سیل کردیا۔اسسٹنٹ کمشنر سٹی ثانیہ ثافی کی سربراہی میں ضلعی انتظامیہ، پولیس اور لیویز اہلکاروں نے اسپیشل مجسٹریٹ کے ہمراہ ڈبل روڈ پر موٹر شورومز، موٹر گیراج ، اسپیئر پارٹس اور موٹر ڈیکوریشن کی دکانوں کے خلاف کارروائی کی۔
کوئٹہ : بلوچستان کے ضلع دکی کے قریب چمالانگ میں کوئلہ کان میں حادثے سے دو بھائیوں سمیت چار کانکن جاں بحق اور زخمی ہوگئے۔
کوئٹہ : اٹارنی جنرل فار پاکستان کے دفتر اور بلوچستان میں محکمہ معدنیات کے حکام نے عالمی عدالت کی جانب سے ریکوڈک کیس میں پاکستان حکومت پر چار ارب ڈالر جرمانہ عائد کئے جانے کی خبروں کی تردید کی ہے۔
کوئٹہ: ڈاکٹرزایکشن کمیٹی کے رہنماؤں کاکہناہے کہ ڈاکٹرابراہیم خلیل کے اغواء سے پوری کمیونٹی ذہنی کوفت سے دوچارہے،یہاں جنگل کاقانون ہے،اغواء برائے تاوان یاکوئی کاروباری معاملہ یہ حکومت کی ناکامی کاثبوت ہے ہمیں مل کر ایسے واقعات کیخلاف آوازبلندکرناہوگا تاکہ اپنی آئندہ آنیوالی نسلوں کوتحفظ فراہم کرسکیں۔
کوئٹہ : بلوچستان اسمبلی کے اجلاس میں گیس اور بجلی کے میٹروں کی جانچ پڑتال کیلئے صوبائی محکمہ توانائی کے زیر اثر مستند لیبارٹری کے قیام تیز رفتار میٹرز کی تنصیب کیخلاف ،مکران ڈویژن کے لوگوں کے ذمے بجلی کے بقایاجات کو معاف تین سو میگاواٹ کے پاور پلانٹ کو نیشنل گرڈ سے منسلک کرنے،کوئٹہ کے علاقہ اغبرگ کو گیس کی فراہمی سے متعلق قراردادیں حکومت اور اپوزیشن نے اتفاق رائے سے منظور کرلیں۔