کوئٹہ: وزیراعلیٰ بلوچستان جام کمال خان نے کہا ہے کہ ثناء بلوچ کے بجٹ کا انتظار ہے، دونوں بجٹ موازنے کیلئے عوام کے سامنے رکھوں گا۔ اختر مینگل، محمود خان اچکزئی اور مولانا فضل الرحمن سے اپنی پارٹی اراکان کے رویے پر مجھ سے نہیں پارلیمان سے معافی مانگیں۔
کوئٹہ: وزیراعلیٰ بلوچستان جام کمال خان نے کہا کہ ہے بلوچستان اسمبلی کے تقدس کو پامال کرنے پر جمعیت علماء اسلام، پشتونخواء ملی عوامی پارٹی، بلوچستان نیشنل پارٹی کے قائدین معافی مانگنے کی بجائے غزوہ کرنے کی بات کر رہے ہیں اب بھی وقت ہے اپوزیشن جماعتوں کے قائدین یہ تسلیم کریں کہ انکے کارکنوں کی جانب سے غلطی ہوئی اور معذرت کریں، 18جون کو جو روایت ڈالی گئی اس پر ہمارے لوگ اشتعال میں ہیں مگر ہم نے انہیں کسی بھی غیر جمہوری اور غیر پارلیمانی عمل کرنے سے روکے رکھا ہے۔
کوئٹہ: بلوچستان اسمبلی حکومتی ارکان نے کہا ہے کہ اٹھارہ جون کو اپوزیشن کی جانب سے وزیراعلیٰ اور وزراء پر گملے او رپانی کی بوتلیں پھینکی گئیں وہ انتہائی افسوسناک ہے واقعے کی فوری تحقیقات کرائی اور آئندہ اس طرح کے افسوسناک واقعات کی روک تھام کو یقینی بنانے کے لئے اقدامات کئے جائیں ۔
کوئٹہ: وزیراعلیٰ بلوچستان جام کمال خان کی بلوچستان اسمبلی کے سبزہ زار پر احتجاج کرنے والے اپوزیشن ارکان سے ملاقات ارکان اسمبلی کو اجلاس میں شرکت کی پیش کش ارکان کا شرکت سے انکار ،تفصیلات کے مطابق وزیراعلیٰ جام کمال خان پیر کو بلوچستان اسمبلی پہنچے اور اسمبلی کے سبزہ زار پر احتجاج کرنے والے اپوزیشن ارکان میر یونس عزیز زہری، ٹائٹس جانسن و دیگر سے ملاقات کی اور انہیں اسمبلی اجلاس میں شرکت کر کے مسائل ایوان میں رکھنے کی پیش کی تاہم اپوزیشن ارکان نے اسمبلی اجلاس میںشرکت سے انکار کردیا جس پر وزیراعلیٰ ایوان میں چلے گئے
کوئٹہ: اسپیکر بلوچستان اسمبلی میر عبدالقدوس بزنجو نے کہا ہے کہ حکومت اور اپوزیشن کی جانب سے رابطہ نہ کرنے پر مناسب نہیں سمجھا کہ انکے درمیان مداخلت کروں اپوزیشن کے دوستوں سے گزارش کرتا ہوں کہ وہ روڈوں کی بجائے اسمبلی کے فلو رپر اپنے تحفظات بیان کریں اسمبلی ہی آپ کے حقوق کے بارے میں آواز بلند کرنے کا بہترین فورم ہے۔
کوئٹہ: اپوزیشن لیڈر ملک سکندر ایڈوکیٹ سمیت متحدہ اپوزیشن کے ارکان اسمبلی نے مشترکہ پریس کانفرنس کرتے ہوئے کہنا تھا کہ آج اسپیکر بلوچستان اسمبلی عبدالقدوس بزنجونے پارلیمانی لیڈرز کا مشاورتی اجلاس طلب کیا تھا، بجٹ سے قبل اسپیکر بلوچستان اسمبلی سے پری بجٹ کے حوالے بحث رکھی جائے لیکن پری بجٹ پر بحث کے حوالے سے ہماری کوئی شنوائی نہیں ہوئی،اسمبلی قواعد کا احترام نہیں کیا گیا
کوئٹہ: بلوچستان اسمبلی میں اپوزیشن ارکان کیخلاف 17مختلف دفعات کے تحت مقدمہ درج کرلیا گیا ۔
کوئٹہ: پاکستان پیپلزپارٹی کے صوبائی صدر میر چنگیز خان جمالی نے کہاہے کہ بلوچستان کی صحافت ہمیشہ سے جمہوریت کے فروغ ،آئین کی بالادستی میں معاون ومدد گار رہی ہے ،بلوچستان کے مسائل اجاگر کرنے میں یہاں کے صحافیوں کا کردار ناقابل فراموش ہے ،پاکستان پیپلزپارٹی آزادی صحافت کی علمبردار ہے ،بلوچستان کو ترقی کی راہ پرگامزن کرنے کیلئے عوام اور صحافی برادری کا تعاون درکار ہے ،پشتونخوامیپ کے صوبائی صدر عثمان خان کاکڑ کی ناساز طبیعت پر دلی افسوس ہے اللہ پاک انہیں جلد صحت یاب کرے ۔ان خیالات کااظہار انہوں نے کوئٹہ پریس کلب کی نومنتخب کابینہ کو مبارکباد پیش کرنے کے موقع پر گفتگو کرتے ہوئے کیا۔
کوئٹہ: صوبائی وزیر خزانہ میرظہوراحمد بلیدی نے کہا ہے کہ مالی سال 2021-22 میںماہی گیری و ساحلی ترقی کے شعبے کے لئے ترقیاتی مد میں 4.302بلین روپے اور غیر ترقیاتی مد میں 1.168بلین روپے مختص کئے ہیں۔یہ بات انہوں نے جمعہ کو آئندہ مالی سال کا بجٹ ایوان میں پیش کرتے ہوئے کہی۔
کوئٹہ: صوبائی وزیر خزانہ میر ظہوراحمد بلیدی نے کہا کہ آئندہ مالی سالی 2021-22کے بجٹ میں کوئٹہ میں میڈیا ٹائون کی تعمیر کے لئے 300ملین روپے رکھے گئے ہیں۔یہ بات انہوں نے جمعہ کو آئندہ مالی سال کا بجٹ ایوان میں پیش کرتے ہوئے کہی۔ انہوں نے کہا کہ محکمہ اطلاعات کا حکومت اور پریس کے مابین خوشگوار تعلقات کو فروغ دینے میں ہمیشہ سے کلیدی کردار رہا ہے۔