کوئٹہ: کوئٹہ کے علاقے جان محمد روڈ اور پٹیل روڈ پر فائرنگ کے واقعات میں دو افراد جاں بحق اور پانچ زخمی ہوگئے۔ پولیس کے مطابق چلڈرن اسپتال کے قریب جان محمد روڈ کارنر پر واقع معاویہ اسٹور پر نامعلوم موٹر سائیکل سوار مسلح افراد فائرنگ کی جس کے نتیجے میں دو افراد جاں بحق اور چار زخمی ہوگئے۔ اسی اثناء میں جان محمد روڈ سے ملحقہ پٹیل روڈ پر فائرنگ ایک شخص زخمی ہوگیا۔ جاں بحق افراد کی لاشیں اور زخمیوں کو سول اسپتال پہنچایا گیا۔
کوئٹہ(اسٹاف رپورٹر) کوئٹہ میں ٹارگٹ کلنگ کا سلسلہ دوبارہ شروع ہو گیا۔ ارباب کرم خان روڈ پر گاڑی پر فائرنگ سے ایک بھائی جاں بحق اور دوسرا زخمی ہو گیا۔ پولیس کے مطابق کوئٹہ کے علاقے کرانی روڈ گلشن اقبال کے رہائشی دوسگے بھائی جعفر عباس ولد سید اصغر شاہ اور تنویر عباس اپنی کار نمبرAAW512میں ارباب کرم خان وڈ سے گزر رہے تھے نامعلوم افراد نے انہیں گولیوں کا نشانہ بنایا۔
کوئٹہ: کوئٹہ کے علاقے ڈبل روڈ پر معروف فزیشن ڈاکٹر سید خالد شاہ کے اغواء کی کوشش ناکام بنادی گئی۔ مزاحمت پر اغواء کاروں کی فائرنگ سے ڈاکٹر کا محافظ اور پرسنل سیکریٹری زخمی ہوگئے۔ پولیس کے مطابق ڈاکٹر سید خالد شاہ ڈبل روڈ پر واقع اکرم اسپتال میں کلینک پر مریضوں کا معائنہ کرنے کے بعد معمول کے مطابق واپس گاڑی میں گھر جارہے تھے کہ اسپتال کے قریب نامعلوم مسلح افرادنے ان کی گاڑی نمبرAKV050کو اسلحہ کے زور پر روک لیا ۔
کوئٹہ: قومی احتساب بیورو(نیب) بلوچستان نے بد عنوانی کے الزام میں تین سرکاری ملازمین کو گرفتار کرلیا۔ نیب بلوچستان کے ترجمان کے مطابق محکمہ آبپاشی بلوچستان کے ایس ڈی او محمد سالار کو سیلاب سے متاثرہ علاقے نصیرآباد میں نکاسی آب کے منصوبے میں بد عنوانی کے الزام میں گرفتار کیا گیا۔ ایک روز قبل محکمہ آبپاشی حکومت بلوچستان کے ایکسئین ارشاد علی جمالی کو بھی اسی کیس میں گرفتار کیا گیا تھا۔
کوئٹہ: کمانڈر سدرن کمانڈ لیفٹیننٹ جنرل عامر ریاض نے کہا ہے کہ باہر سے پیسہ لیکر بلوچستان کے حالات خراب کرنے والوں کو نہیں بخشا جائے گا۔ پاک چین اقتصادی راہداری منصوبے کے بعد پیدا ہونے والے نئے چیلنجز سے نمٹنے کیلئے تیار ہیں۔کوئٹہ میں کمانڈر سدرن کمانڈ کا عہدہ سنبھالنے کے بعد ذرائع ابلاغ کے نمائندوں کے ساتھ غیر رسمی نشست میں گفتگو کرتے ہوئے لیفٹیننٹ جنرل عامر ریاض کا کہنا تھا کہ پاک چین اقتصادی راہدری سے نہ صرف بلوچستان بلکہ پورے ملک کی تقدیر بدل جائے گی۔
کوئٹہ: کوئٹہ میں سینیٹر حافظ حمداللہ کے رشتہ دار کی فائرنگ سے پولیس افسر زخمی ہوگیا۔ جوابی کارروائی میں ملزم مارا گیا۔ پولیس کا کہنا ہے کہ ملزم کا دماغی توازن درست نہیں تھا۔واقعہ جے یو آئی کے سینیٹر حافظ حمداللہ کے زرغون روڈ پر واقع گھر میں پیش آیا۔ جہاں چمن سے آئے خالہ زاد بھائی اور ذہنی طور پر بیمار بخت محمد نے اس وقت فائرنگ شروع کردی جب اس کے ہاتھ سیکورٹی گارڈ کی کلاشنکوف لگی۔
کوئٹہ: بلوچستان کے ضلع کچھی سے کالعدم تنظیم کے رکن کو گرفتار کرکے اسلحہ برآمد کر لیا گیا۔ ایف سی ترجمان کے مطابق کارروائی ضلع سبی کے قریب کچھی کے علاقے ڈھاڈر میں کی گئی جہاں ایف سی اور حساس ادارے کے اہلکاروں نے خفیہ اطلاع پر چھاپہ مارا اور کالعدم تنظیم کے ایک ملزم کو گرفتار کرکے اسلحہ برآمد کرلیا۔ برآمد کئے گئے اسلحہ میں چار راکٹ گولے بمعہ چار فیوز، ایک عدد تیس بور پستول، بمعہ دو میگزین اور دس گولیاں، کلاشنکوف کے تین میگزین اور تین سو گولیاں،چوبیس عدد گولیاں بارہ
کوئٹہ: مسلم لیگ ق بلوچستان کے جنرل سیکریٹری اوررکن صوبائی اسمبلی عبدالکریم نوشیروانی نے مسلم لیگ ق چھوڑنے کا اعلان کردیا۔ عبدالکریم نوشیروانی نے پارٹی سے مستعفی ہونے کی تصدیق کرتے ہوئے بتایا کہ استعفیٰ پارٹی کی مرکزی قیادت سے اختلافات کے باعث دیا ۔ پارٹی قیادت نے ق لیگ کو ڈرائنگ روم اور گجرات تک محدود کردیا ہے
کوئٹہ: جمعیت علمائے اسلام(ف ) نے نظم و ضبط کی خلاف ورزی پر بلوچستان اسمبلی میں قائد حزب اختلاف اور جمعیت کے پارلیمانی لیڈر مولانا عبدالواسع کی پارٹی رکنیت معطل کردی۔جے یو آئی ذرائع کے مطابق یہ فیصلہ جمعیت کے تین روز قبل ہونے والے صوبائی مجلس عاملہ کے اجلاس میں کیا گیا۔ مولانا عبدالواسع کو جمعیت علمائے اسلام کی صوبائی کابینہ کو جوابدہ نہ ہونے اور پارٹی اجلاسوں میں شرکت نہ کرنے پر دو بار اظہار وجوہ کے نوٹسز جاری کئے گئے تھے لیکن ان کی جانب سے کوئی جواب نہیں دیا گیا جس پر مولانا عبدالواسع کی پارٹی کی بنیادی رکنیت پندرہ دنوں کیلئے معطل کی گئی ہے۔
کوئٹہ: بلوچستان کے ضلع لسبیلہ سے تعلق رکھنے والے کالعدم تنظیموں کے 23 فراری ہتھیار ڈال کر قومی دھارے میں شامل ہو گئے۔ ہتھیا ر ڈالنے والے فراری کہتے ہیں کہ ماضی میں جو ہوا وہ غلط تھا ۔اب پاکستان کی ترقی کیلئے کام کریں گے۔کالعدم تنظیم بلوچ لبریشن آرمی اور بلوچ یونائیٹڈ آرمی سے تعلق رکھنے والے تئیس فراریوں نے اپنے ہتھیار کوئٹہ میں مری قبیلے کے سربراہ صوبائی وزیر نواب جنگیز مری کے حوالے کئے۔ پریس کانفرنس کرتے ہوئے فراریوں کے گروپ لیڈر میر جان مری نے بتایا کہ وہ دس سال تک نام نہاد آزادی کی جنگ سے وابستہ رہے۔ یہ جنگ دھوکے اور فریب کے سوا کچھ نہیں اس لئے علیحدگی اختیار کرکے باعزت پاکستانی ا ور پرامن بلوچ کی حیثیت سے زندگی گزارنے کا فیصلہ کیا ہے۔