Posts By: شونگال

نیشنل پارٹی ءِ کماش ڈاکٹر عبدالمالک بلوچ ءَ وتی یک گشتانکے ءَ گشتگ ات کہ بلوچ راج ءِ مستریں دشمن ہیپاٹائیٹس انت۔ ڈاکٹر عبدالمالک ءِ نیت بلوچ راج ءُُ آئی ءِ رہشوناں آگہہ ءُُ شیوار کنگ انت،کہ اے دوئیں نادراہی اگاں گر ءُُ دار کنگ مہ بنت گڈا بلوچ راج ءَ را مزنیں نکس ءُُ تاوانے دئینت۔ اے دگہ بنگپے کہ واجہ ڈاکٹر عبدالمالک بلوچ ءَ وتی سروزیری ءِ وہد ءُُ پاس ءَ اے نادرھانی گر ءُُ دار ءِ حاتر ءَ چے گامگیج زرتگ؟

اے وہد ءَ ریاست دنیا ءَ ماتے ءِ رنگ ءَ زانگ ءُُ پجارگ بیت بلکیں اگاں بگشے کہ ریاست یااستان چہ ماتے ءَ دیم ءَ ترانت گڑا زبان کزا نہ بیت پرچکہ استان ءِ واک ءُُ توان چہ ماتے ءِ دست رس ءَ گیش انت۔ اے وہد ءَ دنیا ءَ نوکیں استان ءِ لیکہ ہمیش انت کہ آ وتی جاہ منندانی گورسی ءَ بکنت بلئے ہما استان ءُُ ملکاں کہ بلوچ جاہ منندانت اے درائیں ریاست ءُُ استانانی درور چہ مات ءِ بدل ءَ ماتوئے ئیگ انت۔

بلوچستان دنیا ءِ لہتیں انچیں ملکاں شمار بیت کہ آئی مادنانی کچ ءُُ کیاس چہ یکے ءَ گیش اِنت۔ دنیا ءَ بازیں ملکے است کہ اوداں یک ءُُ حدائی مادن است بلئے آانچو ازگارءُُ آبات اَنت کہ آوانی گپ نہ بیت۔بلوچستان ءَ بازیں مادنانی استی ءَ پد ہم اے ملک ءِ جاور روچ پہ روچ حراب بوہان اَنت۔یک مستریں وئیلے کہ نوک بلوچستان ءَ مان کپتگ آ ورناہانی بے روزگاری اِنت۔

ملک ءَ عمران خان ءِ حکومت ءِ آہگ ءَ گوں مہلوک ءِ گمان ہمیش ات کہ نوں مسلم لیگ ءُُ پی پی پی ءِ وارثی ءِ واک ءُُ اکتیار ہلاس بنت ءُُ ملک ءَ روزگار ءِ گیشی بیت ءُُ وشحالی کیت۔ عمران خان ءِ مستریں اوگام ہمیش ات کہ ملک ءَ گرانی ہلاس کنگ ءُُ نواز شریف ءُ ُ آئی ءِ کہول ءُُ زرداری ءُُ آئی ءِ کہول ءَ کہ ہرچ زرے چہ ملک ءَ پُل اتگ ءُُ برتگ آ دراہ پچ گرگ ءُُ آرگ بنت۔ آئی ءِ دومی اوگام ایش ات کہ ملک ءَ کرپشن ہلاس کنگ بیت۔

زی جمعہ ءِ روچ ءَ پدا قلات ءَ یک دگہ سڑکی ویلے ءَ سے مردم بیران بوت کوئٹہ کراچی یا مکران کراچی پاکستان ءِ ہما دگ ءُُ سڑک انت کہ ادا ماہ یے بازیں مردمے ایوک ءَ سڑکانی ویلاں بیران بیت۔ بلوچستان ءَ بازیں زانتکاریں مردمانی گشگ ایش انت کہ پاکستان ءَ ہنچو ناشری ءَ بیران نہ بوتگ کہ ہنچو ماں بلوچستان ءَ دگانی ویلاں بوتگ انت۔ اے حساب ءَ بلوچستان ءَ سالے سداں مردم ہمے ویلاں بیران بیت اشانی مستریں سوب بلوچستان سڑکانی نہ بوہگ ءُُ حرابیں جاور حال انت۔

پاکستان ءِ مزن وزیر واجہ عمران خان ءَ گوستگیں دہ ماہ اِنت کہ گشگان اِنت کہ ملک ءَ بدلی کیت اِنت،ملک وتی پاداں اوشیت،ملک چہ کسءَ وام ءُُ شام نہ کنت، ملک وتی جند ءِ مردمانی کوپگاں مزن مردی کنت،ملک ءَ غریبی گار بیت، ملک ءَ ایمانداریں مردم کاینت ءُُ مردمانی واہگ پیلو بنت،ملک ءَ ہروڑیں آسراتی کیت اِنت،ءُُ ملک کسی چمدار نہ بیت۔اے درائیں گپاں چہ انگت ءَ یک گپے اوں مزن وزیر ءِ راست نہ بوتگ بلکیں اے درائیں گپانی چپ ملک ءَ گندگ بنت۔

بلوچستان زمین ءِ پراہ ءُُ پہناتی ءَ پاکستان ءِ مستریں دمگ انت ہمے حساب ءَ پاکستانءِ تیابی دمگ ہم بلوچستان ءِ حد ءُُ سیمسران انت بلئے اگاں پاکستان ءِ 71 سال ءِ دپتر چارگ ءُُ ٹپاسگ بہ بیت گڈا ہچبر بلوچستان ءَ پاکستان ءِ 44 درسد زمینی ہند ءِ واہند بوہگ ءُُ تیاب دپی در ءِ نپ ءُُ سیت نہ رستگ انت ۔

زبان ءُُ لبزانک ہما وہد ءَ دیمروئی کنا ں کہ آہانی پشت ءَ کار کنوکیں ادارگ مالی ءُُ انتظامی رنگ ءَ مہر ءُُ محکم بہ بنت اگاں ادارگ نزور بہ بنت گڈا آ پہ زبان ءُُ لبزناک ءِ دیمروئی ءَ وتی آ کرد ءَ دیمءَ آورت نہ کن انت کہ آئی ءِ زبان ءُُ لبزانک محتاج انت ۔ اے وہد ءَ دنیا ءِ بازیں ادارگ پہ وتی زبان ءُُ لبزانک ءِ دیم ءَ برگ ءَ کار ءَ انت اگاں کہ درائیں ادارگانی پشت ءَ فرد ءُُ نپر بنت بلئے اگاں نپر ءُُ فرد ادارگاں پشت ءَ بہ کن انت گڑا نپر ءُُ فرد دیمروئی کن انت۔

حدائی داتگیں داداں چہ یکے بنی آدم ءِ زند ءُُ زمان اِنت پمشکا ایشیءِ ہرحساب ءَ رکینگ الم اِنت ۔انوں لہتیں روچ بیت کہ کیچءِ بازیں دمگاں ڈینگی ءِ نادراہی کپتگ ۔ءُُ ایشی ءِ سوب ءَ انوں داں سے سد ءُُ پنجا مردم متاثر بوتگ ءُُ چار مردم بیران بوتگ ۔

گوستگیں روچاں پاکستان ءِ مزن وزیر واجہ عمران خان پہ یک روچی تر ءُُ تابے ءَ بلوچستان ءِ بنجاہی شہر کوئٹہ ءَ اتکگ ات۔ہمے تروتاب ءِ گڈی جاہ گوادر ءَ اَت ۔مزن وزیرءَ بازیں جاہانی چار ءُُ بچار کرتگ اَت ءُُ بلوچستان ءِ سروزیر جام کمال ءَ را مبارکی دات کہ تو بلوچستان ءِ بنجاہی شہرءَ را پہ وڑے داشتگ۔