خضدار: خضدار میں معدنیات نکالنے والی بولان مائننگ انٹر پرائزز کی معدنیات نکالنے میں ایک اور پیش رفت ،’’ لیڈ اینڈ زنک ‘‘کی صورت میں انتہائی قیمتی معدنیات ذخائر دریافت ، کروڑ وں روپے آمدنی کے امکانات، چالیس سالوں سے بیرائٹ نکالنے کے بعد’’ لیڈ اینڈ زنک‘‘معدنیات کا ذخائر برآمد ہونا اہم پیش رفت ہے قرار ، تفصیلات کے مطابق خضدار میں بولان انٹر پرائزز گزشتہ 1976سے بیرائٹ معدنیات نکال رہی ہے ۔ تاہم اب اسی سائٹ پہاڑی پر ’ لیڈاینڈزنک‘‘معدنیات کے ذخائر دریافت ہوگئے ہیں ۔بتایاجارہاہے کہ یہ نئی قسم کی معدنیات انتہائی قیمتی اور بڑے چٹانوں کی صورت میں خضدار کے علاقہ فیروز آباد میں واقع ہے ۔
کا بل: افغانستان میں متعین ایران کے سفیر محمد رضا بہرامی نے دعویٰ کیا ہے کہ ان کے ملک کے شدت پسند تنظیم تحریک طالبان افغانستان کے ساتھ مربوط روابط موجود ہیں۔ ایرانی سفیر نے یہ اعتراف ایک ایسے وقت میں کیا ہے جب حال ہی میں افغان سینٹ اور کئی سینیر حکومتی عہدیداروں نے الزام عاید کیا تھا کہ افغانستان میں دہشت گردی کی کارروائیوں کے لیے ایران طالبان جنگجوؤں کو فوجی اور لاجسٹک سپورٹ مہیا کررہا ہے۔
کوئٹہ : بلوچستان کے آنکاڑہ کور ڈیم میں پانی کی سطح انتہائی کم ہونے کے ساحلی شہر گوادر میں پانی کی قلت کا خدشہ پیدا ہوگیا۔صوبائی عہدیداروں کے مطابق انہیں گوادر انتظامیہ کی جانب سے پانی کی قلت کے بارے میں شکایات موصول ہوئی ہیں آنکاڑہ کور ڈیم میں پانی کی سطح انتہائی کم ہونے کی وجہ بارشیں نہ ہونا ہے، بارش کے پانی کو ڈیم میں جمع کرکے گوادر، پسنی اور جیونی کے ملحقہ علاقوں میں پانی کی ضروریات پوری کی جاتی ہیں۔ضلعی عہدیداروں کے مطابق آنکاڑہ کور ڈیم میں موجود پانی صرف 2 ہفتوں تک شہر کی ضرورت پوری کرسکتا ہے،
کوئٹہ : ضلع آوران میں نامعلوم افراد کی فائرنگ سے کونسلر سمیت دو افراد جاں بحق ۔ تفصیلات کیمطابق اتوار کے روز ضلع آوران کے علاقے مانجھی بازار میں نامعلوم افراد نے فائرنگ کردی جس سے کونسلر مولابخش اور دکاندار محمد بخش موقع پر جاں بحق ہوگئے ملزمان موقع سے فرار ہونے میں کامیاب ہوگئے لیویز نے موقع پر پہنچ کر لاشیں قبضے میں لیکر ہسپتال پہنچا دی
کوئٹہ : گڈانی میں جہاز توڑنے کا کام دوبارہ شروع ، حفاظتی انتظامات پر مزدور رہنماؤں کا عدم اطمینان کا اظہار ،،،کو ئٹہ سے میں،،بلوچستان کے ضلع لسبیلہ میں پرانے سمندر ی جہاز وں کو توڑنے والے 22 کمپنیوں نے عدالت سے دفعہ 144 کے خلاف حکم امتناعی حاصل کرنے کے بعد ا پنا کام دوبارہ شروع کردیا ہے ڈپٹی کمشنر ضلع لسبیلہ سید ذوالفقار شاہ کے بقول سمندر میں اس وقت 17 جہاز لنگر انداز ہیں ، اور متعلقہ حکام نے وہاں کام کر نے والے مزدوروں کے لئے حفاظتی انتظامات یقینی بنانے کے بعد کام شروع کرنے کی اجازت دے دی ہے:
پشاور: خیبر پختونخوا حکومت نے قطری شہزادے کو تلور کے شکار کی اجازت دینے سے انکار کر دیا ہے جب کہ پاکستان تحریک انصاف کے چئیرمین عمران خان کا کہنا ہے کہ نایاب پرندے کا شکار غیر قانونی ہے۔
لندن: سابق وزیر خارجہ حنا ربانی کھر نے انکشاف کیا ہے کہ پیپلزپارٹی کے دور حکومت میں افغانستان اور پاکستان کے درمیان تعلقات کی کوششوں کو موجودہ حکومت آگے بڑھانے میں ناکام رہی اور موجودہ حکومت نے پڑوسی برادر ملک کے ساتھ تعلقات بہتر بنانے کا بہترین موقع گنوا دیا ہے۔
