کوئٹہ: بلوچستان کی بیورو کریسی میں اہم عہدوں پر تعینات افسران کا تبادلہ کردیاگیا۔ محکمہ سروسز اینڈ جنرل ایڈمنسٹریشن کے اعلامیہ کے مطابق سیکریٹری خزانہ بلوچستان اکبر حسین درانی کو عہدے سے ہٹا کر محکمہ ایس اینڈ جی اے ڈی رپورٹ کرنے کی ہدایت کی گئی ہے۔ ان کی جگہ تعیناتی کے منتظر بلوچستان سول سروسز کے گریڈ اکیس کے آفیسر حیدر علی کو سیکریٹری خزانہ بلوچستان تعینات کردیاگیا۔

کوئٹہ: کوئٹہ کے علاقے سریاب میں نامعلوم افراد کی فائرنگ سے دو افراد زخمی ہوگئے ۔

نوشکی : بی این پی کے ضلعی صدر نذیر بلوچ نے اپنے جاری کردہ بیان میں کہا ہے کہ بی این پی بلوچستان میں رہنے والی تمام اقوام و مذاہب سے تعلق رکھنے والے بلوچستانیوں کی پارٹی ہے۔ جو ایک قومی اور عوامی قوم پرست پارٹی ہونے کی حیثیت سے بلوچستان میں بسنے والے تمام لوگوں کی ترجمانی کرتی ہے۔

لاہور: وزیر قانون پنجاب رانا ثنا اللہ کا کہنا ہے کہ پی ٹی آئی چیرمین عمران خان سپریم کورٹ سے (ن) لیگ کا مقابلہ کروارہے ہیں۔

پشاور: جی ٹی روڈ پرترناب فارم کے قریب درخت گاڑی پرگرنے سے 2 افراد جاں بحق ہوگئے۔

حیدر آباد: سینیٹ کے ڈپٹی چیئرمین اور جے یو آئی (ف) کے رہنما مولانا عبدالغفورحیدری نے کہا ہے کہ دینی جماعتیں اگلا الیکشن مشترکہ پلیٹ فارم سے لڑسکتی ہیں۔

نیویارک: اقوام متحدہ نے کہا ہے کہ میانمار کی حکمراں جماعت کی رہنما آنگ سان سوچی کے پاس روہنگیا مسلمانوں کیخلاف فوجی آپریشن روکنے کا آخری موقع ہے۔

کراچی — مچھروں کے کاٹنے سے پھیلنے والے مرض ’چکن گنیا‘ کی ابتدا پچھلے سال کراچی سے ہوئی تھی، لیکن اب پورا صوبہ سندھ اس کی لپیٹ میں آگیا ہے۔صوبے بھر میں اب تک 4 ہزار 1 سو 38 کیس منظر عام پر آچکے ہیں۔

راولپنڈی: تھانہ رتہ امرال پولیس نے ڈی ایس پی، ایس ایچ او اور سب انسپکٹر کیخلاف شہری کے گھر میں چوری کا مقدمہ کرلیا ہے۔

کراچی: سندھ ہائیکورٹ نے عائشہ باوانی کالج کو سیل کرنے کا فیصلہ معطل کرتے ہوئے کالج فوری طور پر کھولنے کاحکم دے دیا۔