کوئٹہ: وزیراعلیٰ بلوچستان نواب ثناء اللہ خان زہری نے سابق وزیراعظم محمد نواز شریف کی اسلام آباد سے لاہور ریلی کا خیر مقدم کرتے ہوئے ریلی کے آغاز پر سابق وزیراعظم محمد نواز شریف اور ریلی کے شرکاء کیلئے نیک خواہشات کا اظہار کیا ہے اپنے ایک بیان میں وزیراعلیٰ نے کہا ہے کہ سابق وزیراعظم محمد نواز شریف عوام کے دلوں میں بستے ہیں اور ریلی کا پرجوش آغاز اس کا ثبوت ہے ۔

کوئٹہ: پاکستان پیپلز پارٹی بلوچستان کے رہنماوں نے کہا ہے کہ چیئرمین بلاول بھٹو زرداری کی قیادت میں پاکستان پیپلزپارٹی ‘‘روٹی، کپڑا اور مکان’’ کے منشور کو عملی جامہ پہنائے گی ،طاقت کا سرچشمہ عوام ہیں انشاء اللہ 2018ء کے انتخابات میں پیپلز پارٹی بلوچستان سمیت ملک بھر سے بھاری اکثریت سے کامیابی حاصل کریگی ۔

کوئٹہ : بلوچستان نیشنل پارٹی کے سر براہ سردار اخترجان مینگل نے کہا ہے کہ اقتدار کا نہیں اختیارات کا بھو کا ہوں اقتدار کے بھوکوں کا لائن زرغون روڈ پر لگے ہوئے ہیں اختیارات کے بغیر ملک نہیں چل سکتا ہے اور نہ ہی خوشحالی آئے گی ۔

کوئٹہ: عوامی نیشنل پارٹی بلوچستان کے صدر اصغر خان اچکزئی نے کہا ہے کہ پاناما لیکس کا فیصلہ اتنے کم وقت میں آسکتا ہے تو سانحہ8 اگست کے فیصلے میں کیوں اتنا وقت لیا جا رہا ہے ایک سال گزرنے کے باوجود حقائق قوم کے سامنے نہیں لائے گئے اور نہ ہی ذمہ داروں کو سزا ملی ہے ۔

کوئٹہ: معروف قانون دان اور سپریم کورٹ بارایسوسی ایشن کی سابقہ صدر عاصمہ جہانگیر نے کہا ہے کہ پانامہ کیس سے متعلق سپریم کورٹ کے فیصلے کے بعدذہنوں میں کئی سوالات نے جنم لیا ہے کیا کسی وزیراعظم کو تاحیات نا اہل کرنے کی آئین اجازت دیتا ہے ۔

کوئٹہ: شہداء آٹھ اگست کی پہلی برسی کے موقع پر کوئٹہ سمیت اندرون بلوچستان شٹر ڈاؤن ہڑتال کے موقع پر تمام کاروباری مراکز بند رہے ، صوبے بھر میں سیاسی جماعتوں کی جانب سے تعزیتی ریفرنس کاانعقاد کیاگیا ۔

کوئٹہ: وزیر اعلیٰ بلوچستان نواب ثناء اللہ خان زہری نے کہاہے کہ سانحہ8اگست2016ء کازخم آج بھی ہمارے دلوں میں تازہ ہے بزدل دہشت گردوں نے ہمارے پڑھے لکھے طبقے کو نشانہ بناکر ہمار ے دل پر کاری وار کیاتھا تاہم اللہ تعالیٰ کے فضل سے ہماری سیکیورٹی فورسز نے سانحہ کے ذمہ دارعناصر اُن کے سہولت کاروں اورماسٹرمائنڈ کو کیفرکردارتک پہنچادیاہے ۔

خضدار: جمعیت علماء اسلام پاکستان کے نائب امیر رکن قومی اسمبلی مولانا قمر الدین ، جمعیت علماء اسلام بلوچستان کے امیر شیخ الحدیث مولانا فیض محمد نے کہا ہے کہ ملک میں عدم استحکام پیدا کرکے سی پیک سمیت ترقیاتی عمل کو بریک لگانے کی کوشش امریکہ بھارت سمیت ان تمام قوتوں کی سازش ہے جو پاکستان کے بنیادی دشمن ہیں جو لوگ پاکستان میں ملک دشمن ایجنڈے پر کام کررہے ہیں قوم ان کے عزائم سے واقف ہے ۔

کوئٹہ : عوا می نیشنل پا رٹی کے رہنما ؤں نے کہا ہے کہ جب تک قاضی فا ئز عیسیٰ کمیشن رپورٹ پر من و عن عمل در آمد نہیں کرا یا جا تا تب تک سا نحہ 8اگست میں شہید کئے جا نے والے وکلا ء کے ورثا ء کو مطمئن نہیں کیا جا سکتا ،پشتون قوم دہشت گر د نہیں بلکہ دہشت کا شکا ر ہے۔

کوئٹہ : بلوچستان اور پنجاب کے سینئر وکلاء رہنماؤں نے کہا ہے کہ سانحہ8 اگست کے وکلاء کے مشن کو ہر صورت پائیہ تکمیل تک پہنچائیں گے کیونکہ شہداء کی وجہ سے پیدا ہونیوالا خلا مدتوں پورا نہیں ہو سکتا۔