لاہور: وفاقی وزیرریلوے شیخ رشید نے کہا ہے کہ آصف زرداری آئندہ ہفتے سے پلی بارگین کرتے ہوئے پیسے دینا شروع کردیں گے۔

کوئٹہ: گیس پریشرمیں کمی اوربجلی کی غیراعلانیہ لوڈشیڈنگ کیخلاف سریاب کے رہائیشیوں کا احتجاج ٹائرجلا کر عوامی پمپ کے قریب سریاب روڈکوٹریفک کیلئے بلاک کردیا مظاہرے میں سینکڑوں کی تعدادمیں بچے،خواتین اوربزرگ شہری شریک تھے۔

کوئٹہ: جامعہ بلوچستان شدید مالی بحران کا شکار بینکوں نے جامعہ بلوچستان کو قرض دینے سے انکار کردیا مالی بحران کے باعث یونیورسٹی کے ریٹائرڈ ملازمین ماہ اکتوبرکی پنشن بھی ادا نہیں کی جاسکی، یونیورسٹی کے بیشتراساتذہ اور ملازمین کو اکتوبر کی تنخواہیں بھی آدھی اداکی گئی ہیں۔

کوئٹہ: ذگرمینگل اور سناڑی قبائل کے دیرینہ تنازعہ کے حل کیلئے قائم کردہ جرگہ کا اجلاس جمعرات کو سراوا ن ہاؤس میں نوابزادہ حاجی میر لشکری رئیسانی کی صدارت میں ہوا۔

کوئٹہ: وزیراعلیٰ بلوچستان جام کمال خان نے وزیراعلیٰ معائنہ ٹیم کی سفارش پر وزیراعلیٰ اینکسی زیارت کے غیرمعیاری تعمیراتی کام اور فنڈز کی بے ضابطگی پر ذمہ دار حکام، ٹھیکدار اور کنسلٹنٹ کے خلاف فوری طور پر انضباطی کاروائی کرنے اور کیس اینٹی کرپشن کو بھجوانے کا حکم دیا ہے۔

کوئٹہ:  بلوچستان نیشنل پارٹی کے مرکزی ہیومن رائٹس سیکرٹری موسیٰ بلوچ مرکزی کمیٹی کے ممبر غلام نبی مری نے اپنے جاری کردہ مشترکہ بیان میں کوئٹہ شہر کے مختلف شاہراہوں پر ٹریفک پولیس اہلکاروں ایگل اسکواڈ کی جانب سے طلباء اور غریب شہریوں کوموٹر سائیکلز اور دیگر دستاویزات ڈرائیونگ لائسنس کے بہانے بلا جواز ہراساں کرنے اور انھیں طرح طرح کی ذہنی کیفیت سے دوچار کرنے کی ناروا سلوک کی مذمت کرتے ہوئے کہا کہ طلباء کو ایک ایسے وقت میں جب وہ مختلف کمپیوٹرز اور لینگویج سینٹر اور دیگر اکیڈمیز میں تعلیم کے حصول کیلئے جاتے ہیں انھیں روک کر دستاویزات کی چیکنگ کے بہانے سے ان کے قیمتی وقت ضیاع کیا جاتا ہے جس کے نتیجے میں طلباء پریشانی سے دوچار ہوتے ہیں۔

کوئٹہ : وفاقی حکومت کی جانب سے لاپتہ افراد کی بازیابی کیلئے قائم کمیشن نے کوئٹہ میں لا پتہ افراد کے کیسز کی سماعت کا چوتھا دن مکمل کرلیا،کمیشن میں 13لاپتہ افراد کے کیسز کی سماعت کی گئی دو لاپتہ افراد کے کیسز لاپتہ افراد کے زمرے میں نہ آنے کی بناپر خارج کردئیے گئے۔

کوئٹہ: کوئٹہ سمیت بلوچستان میں آٹے کی قیمتوں میں اضافہ ہو گیابیس کلو آٹے کا تھیلا 950 روپے تک پہنچ گیا ہے محکمہ خوراک کے حکام کا کہنا ہے کہ اس گندم کی خریداری نہ ہونے سے آٹے کی قیمتیں بڑھی ہیں۔

خضدار: سی پی ڈی آئی کی جانب سے ضلعی سطح پر بجٹ سازی کے عمل پر مشتمل سروے رپورٹ جاری کر دی گئی۔جس سے ضلعی سطح پر بجٹ شفافیت، رائج طریقہ کار، بجٹ کیلنڈر پر عمل اورعوامی شمولیت سے متعلق مسائل کی نشاندہی ہوتی ہے۔ رپورٹ کے مطابق کہ صوبہ بلوچستان میں مقامی حکومتوں کا موجودہ قانون 2010 میں نافذ ہوا لیکن ابھی تک نئے بجٹ رولز نہیں بنائے گئے۔

کوئٹہ : کوئٹہ سمیت بلوچستان کے مختلف علاقوں میں آندھی اوربارش سے سردی کی شدت میں اضافہ ہوگیا۔