کراچی: قوم پرست وترقی پسند دانشور75 سالہ رحیم بخش آزادشدید علالت کے بعد انتقال کرگئے جن کی تدفین آبائی علاقے کراچی کے قبرستان موروڑمیں کی گئی، رحیم بخش آزاد مختلف کتابوں کے مترجم، جرائد کے ایڈیٹرز رہ چکے ہیں جبکہ سیاسی حوالے سے بھی ان کی بے شمار خدمات ہیں۔

خضدار :  خضدار،رمضان المبارک میں بھی مہنگائی کا جن بوتل میں بند نہیں ہو سکا،چکن،مٹن،بیف،دالیں اور سبزیوں کی قیمتوں کو پر لگ گئی،روزداروں کے چیخیں نکل گئی،یوٹیلیٹی اسٹورزمیں سامان نا پید،کاروائی کرنے والا کوئی نہیں،اتوار سستا بازار کا تسلسل بھی برقرار نہیں رکھا جا سکا۔

خالق آباد: خالق آباد کے ایریا قومی شاہراہ پر ٹریفک حادثے کے نتیجے میں میاں بیوی سمیت 3 افراد جاں بحق۔

کوئٹہ : بلوچ اسٹوڈنٹس ایکشن کمیٹی کے مرکزی ترجمان نے اپنے ایک جاری کردہ بیان میں زرعی کالج کوئٹہ کی جانب سے کمپرینسیو ٹیسٹ لینے پر اپنے تشویش کا اظہار کرتے ہوئے کہا کہ کمپرینسیو ٹیسٹ پاکستان بھر کے تعلیمی اداروں میں بیچلرز کے طالب علموں سے نہیں لیا جاتا۔

کوئٹہ:  ڈائریکٹر جنرل بلوچستان فوڈ اتھارٹی میجر جنرل (ر) بشیر احمد کی ہدایت پر بی ایف اے کی فوڈ سیفٹی کی معائنہ ٹیم نے منگل کے روز ڈائریکٹر آپریشنز ندا کاظمی کی سر براہی میں کوئٹہ شہر میں قائم آئسکریم بنانے والی مختلف فیکٹریوں کا معائنہ کیا اور وہاں آئسکریم کی پروڈکشن کے معیار اور صفائی کے انتظامات کا جائزہ لیا۔

گھوٹکی: وفاقی وزیر انسداد منشیات سردار علی محمد مہر دل کا دورہ پڑنے سے انتقال کرگئے۔

قلات: ڈپٹی کمشنر قلات شیہک بلوچ کی سربراہی میں کیسکو حکام اور زمینداروں کامشترکہ میٹنگ،مسائل پر تفصیلی گفتگو،تفصیلات کے مطابق ڈپٹی کمشنر شیہک بلوچ کی سربراہی میں کیسکو حکام اور زمینداروں کی مشترکہ میٹنگ منعقدہوئی اس موقع پر ایس ایس پی دوستین دشتی و دیگر بھی موجودتھے۔

کوئٹہ:  بلوچستان کے ضلع مستونگ میں سرچ آپریشن کے دوران گزشتہ روز دہشتگردوں کے ٹھکانے سے پکڑا گیا اسلحہ و گولہ بارود میڈیا کے سامنے پیش کردیا، کارروائی میں نو دہشتگرد بھی ہلاک ہوئے تھے۔

کوئٹہ: کوئٹہ الیکٹرک سپلائی کمپنی(کیسکو)پشین سرکل کے خانوزئی سب ڈویژن کی جانب سے گزشتہ روز نادہندگان اوربجلی چوروں کے خلاف کاروائی کے دوران برقی کنکشنز منقطع کرنے کے علاوہ غیرقانونی ٹرانسفارمرزاُتارے گئے جس پرپچاس افرادسے زائد مشتعل نادہندگان اور بجلی چوروں نے خانوزئی سب ڈویژن کے دفترپر حملہ کیااور انہوں نے ایس ڈی او خانوزئی سب ڈویژن قاضی امان اللہ اوردیگراسٹاف کو زدوکوب کیااور دفترمیں توڑ پھوڑ کرتے ہوئے ایس ڈی او اور کیسکوعملہ کو سنگین نتائج کی دھمکیاں بھی دیں۔

کوئٹہ : بے روزگار ایگریکلچر ایم ایس سی ڈگری ہولڈرز عثمان آصف، صدام حسین، اشرف کاکڑو دیگر نے کہا ہے کہ ایگریکلچر ریسرچ آفیسر کی خالی آسامیوں پر بی ایس سی امیدواروں کو درخواستیں جمع کرانے کی اجازت دینا ایم ایس سی ڈگری ہولڈرز کساتھ نا انصافی ہے۔