پاکستان پیپلزپارٹی نے نگران وزیراعظم کے لیے دو نام دے دیے۔

اسلام آباد: وزیراعظم نے کہا ہے کہ چیئرمین پی ٹی آئی کو دی گئی سزا پر قطعاً کوئی خوشی نہیں۔

قومی اسمبلی کے الوداعی اجلاس کے دوران خطاب کرتے ہوئے وزیر دفاع خواجہ آصف نے کہا ہے کہ 9 مئی واقعہ نے تاریخ کو داغدار کیا۔ ایسے شخص کا چہرہ سامنے آیا جو اپنے مفاد کیلئے کچھ بھی کرسکتا ہے۔

اسپیکر راجہ پرویز اشرف کی زیر صدارت اجلاس میں خواجہ آصف کا کہنا تھا کہ 33 سال سے متواتر ایوان میں ہوں، پہلے مارشل لا پارلیمنٹ پر شب خون مارتے تھے، مارشل لا کا ہتھیار پچھلے 25 سال سے استعمال نہیں ہوا۔

انکا کہنا تھا کہ نواز شریف اور بےنظیر بھٹو نے اس کا راستہ بند کردیا۔

انہوں نے کہا کہ 9 مئی کے واقعہ نے تاریخ کو داغدار کیا۔ ایک ایسے شخص کا چہرہ سامنے آیا جو اپنے مفاد کےلیے کچھ بھی کرسکتا ہے۔

اپنی بات جاری رکھتے ہوئے خواجہ آصف کا کہنا تھا کہ ایک شخص اپنے اقتدار کےلیے ہمارے ایئربیس پر بھی حملہ کرسکتا ہے۔

انہوں نے کہا کہ کل ایک شخص اپنے وکلا کو کہہ رہا تھا کہ مجھے جیل سے نکالو۔ ایسے کیس میں پکڑا گیا ہے کہ شرم کا مقام ہے کہ تحفے بیچ دیے۔

انہوں نے پارلیمنٹ کی سیکیورٹی پر توجہ دلاتے ہوئے کہا کہ پارلیمینٹ کی سیکیورٹی کہیں نظر نہیں آرہی۔ کسی دن کوئی جیکٹ والا پھٹ سکتا ہے۔

انہوں نے اراکین اسمبلی کے رہن سہن پر بھی تنقید کی اور کہا کہ اب میں دیکھتا ہوں کہ دکھاوا بھی بہت آگیا ہے۔ ایسے کام کرنے چاہئیں کہ اس ایوان اور اس کے ارکان کا تقدس بڑھے۔

خواجہ آصف کا کہنا تھا کہ نومبر تک تو اس اسمبلی کا پتہ ہی نہیں تھا یہ رہ رہی ہے یا ٹوٹ رہی ہے؟ پھر معاملات سنبھلے، تو 9 مئی کا افسوسناک واقعہ ہوا۔

انہوں نے کہا کہ ملک کے خودکفیل ہونے کے تمام تر ذرائع اس ملک میں ہیں، اور اس میں عدلیہ کا سب سے بڑا کردار ہے۔

انہوں نے مزید کہا کہ اگر عدلیہ سیاسی کردار تھوڑی دیر کے لیے معطل کرکے عدالتی کردار پر زور دے، ایسی صورت میں ان کے پاس 2670 ارب روپے کے ایف بی آر کے کیسز زیر التوا ہیں، اگر ان میں سے 50 فیصد بھی ریکور ہوجائیں تو آپکے پاس 6 سے 7 ارب ڈالر آسکتے ہیں، لیکن کسی کی اس پر کوئی توجہ نہیں۔

انکا کہنا تھا کہ ایک کمپنی نے 21 ارب اور ایک کمپنی نے 70 ارب روپے پر اسٹے لیا ہوا ہے۔

وزیر دفاع نے کہا کہ دہشتگردی کی جنگ آج بھی جاری ہے، اس جنگ کے دوران آپ نے اپنی افواج پر حملہ کیا۔

انکا کہنا تھا کہ گواہ ہوں کہ نومبر میں چینج آف کمانڈ کو متنازع بنانے کی کوشش کی گئی۔

خواجہ آصف نے کہا کہ اس الیکشن اور آنے والی اسمبلی میں سب سے بڑا ایشو معیشت کا ہوگا۔ عدلیہ نے اربوں روپوں کے اسٹے آرڈرز دیے ہیں۔

انکا کہنا تھا کہ عدلیہ نے تین چار کیسز میں 2 ڈھائی ارب ڈالرز کے اسٹے دے رکھے ہیں۔

انہوں نے آخر میں کہا کہ دعا گو ہوں کہ اگلے الیکشن میں سب وآپس آئیں۔

کوئٹہ: جمعیت علماء اسلام بلوچستان کے صوبائی امیر ووفاقی وزیر ہاؤسنگ اینڈ ورکس مولانا عبدالواسع نے کہا ہے کہ وفاقی حکومت 9اگست کے بعد اپنی مدت پوری کرنے کے بعد ختم ہو جائے گی۔

کوئٹہ : رہبر جمعیت مولانا محمد خان شیرانی نے کہاہے کہ میں جے یو آئی پاکستان کی جانب تمام سیاسی جماعتوں اور قوم کے بہی خواہ شخصیات کو مشترکہ مشاورتی پلیٹ فارم تشکیل دینے کی دعوت دیتا ہوں سیاست کا مطلب آپس کا تضاد اور دوریاں نہیں بلکہ ہرقسم کے حالات میں خیرخواہی اور ہمدردی کی نیت سے اپنی اپنی دانست کے مطابق قوم کی صحیح رہنمائی کا فریضہ سرانجام دینا ہے۔

کراچی کے علاقے لیاری چاکیواڑہ بہار کالونی میں فائرنگ کے نتیجے میں رینجرز اہلکار شہید ہوگیا۔

افغانستان کے حکمران طالبان کے سپریم لیڈر ہیبت اللہ اخونزادہ نے پاکستان سمیت سرحد پار حملوں کو اسلام کے تحت حرام قرار دیدیا ۔

چیئرمین پاکستان تحریک انصاف (پی ٹی آئی) عمران خان کی اٹک جیل سے اڈیالہ جیل منتقلی کے لیے اسلام آباد ہائیکورٹ میں درخواست دائر کر دی گئی۔

اکستان پیپلز پارٹی کے سینئر رہنما میاں رضا ربانی نے کہا ہے کہ ایسے محسوس ہورہا ہے 90 روز میں ہونے والے انتخابات شاید ملتوی ہوجائیں، آئینی مدت سے انتخابات آگے جانا غیر آئینی ہوگا۔

وزیر ریلوے خواجہ سعد رفیق نے خدشہ ظاہر کیا ہے کہ ہزارہ ایکسپریس کو پیش آنے والا حادثہ کوئی تخریب کاری بھی ہو سکتی ہے۔ لاہور میں میڈیا سے گفتگو کرتے ہوئے خواجہ سعد رفیق کا کہنا تھا ہزارہ ایکسپریس حادثے میں 15 افراد کے جاں بحق ہونے کی تصدیق ہوئی ہے۔ سعد رفیق کا… Read more »