کوئٹہ: بی ایس او آزاد کی جانب سے بلوچستان بھر میں پمفلٹ بعنوان ’’بلوچ قومی تحریک، ریاستی عزائم اور ہماری زمہ داریاں‘‘ تقسیم کی گئی۔ جس میں بلوچ عوام کو مخاطب کرکے بی ایس او آزاد نے کہا کہ بلوچ عوام 27مارچ1948سے لیکر تاحال اپنی آزادی کے لئے جدوجہد کررہی ہے۔آزادی کی اس جدوجہد میں اب تک ہزاروں نوجوان و بزرگ اپنی جانیں قربان کر چکے ہیں، ہزاروں زخمی ہو کر معزور ہو چکے ہیں جبکہ لاتعداد بلوچ فرزندان اپنی فطری حق آزادی کے لئے جدوجہد کرنے کے جُرم میں ریاستی عقوبت خانوں میں غیر انسانی تشدد برداشت کررہے ہیں۔لیکن آزادی کی جدوجہد چونکہ اپنی جڑیں بلوچ عوام میں پیوست کرچکی ہے، اس لئے تمام تر ریاستی جبر و تشدد و غیر انسانی اعمال کے باوجود بلوچستان بھر میں آزادی کی تحریک روز بہ روز فعال و متحرک ہو کر دشمن ریاست کے لئے حواس باختگی و پریشانی کا باعث بن رہا ہے۔آزادی کی تحریک میں سرداروں و نوابوں کے بجائے عام بلوچ عوام کی شرکت سے قابض حکمرانوں کے لئے بلوچستان میں اپنا غیر قانونی وجود مشکل سے مشکل ہوتا جارہا ہے

گوادر:حلقہ پی بی 50کیچ lll کے ضمنی انتخابات میں نتائج اس دفعہ پھر آسمان سے نازل کئے جارہے ہیں جعلی ووٹوں اور نوٹوں کے ذریعے تبدیل کئے گئے ،جو بیلٹ پیپر گھروں سے ٹھپہ لگا کر لائے گئے وہ قابل قبول نہیں، نیشنل پارٹی کے عوامی مینڈیٹ کو نادیدہ قوتوں نے بندوق اور پیسوں کے زور سے چھیننے کی کوشش کی جا رہی ہے ،نیشنل پارٹی کے احتجاجی خواتین پر فائرنگ کر کے امن چاہنے والوں نے بدامنی پیدا کی۔حلقہ پی بی50کیچ lll میں نیشنل پارٹی کی عوامی مینڈیٹ کو بچانے کیلئے جو بھی قربانی دینی پڑی اس سے دریغ نہیں کرینگے،نیشنل پارٹی کو دیوار سے لگانے کی نتائج بھیانک ہونگے

کوئٹہ: وادی کوئٹہ سمیت بلوچستان کے مختلف علاقوں میں آج سے بارش اور شمالی علاقوں کے پہاڑوں پر برفباری کا امکان ہے۔ محکمہ موسمیات کے مطابق وادی کوئٹہ سمیت بلوچستان کے مختلف علاقوں ژوب،زیارت،خانوزئی،قلعہ سیف اللہ سمیت دیگر علاقوں میں آج سے بارش ہونے کا امکان ہے جبکہ اتوار اور پیر کو شمالی بلوچستان کے پہاڑوں

کوئٹہ : بلو چستان کے 30اضلاع میں تین روزہ پو لیو مہم 11جنو ری سے 14جنو ری تک چلا ئی جا ئے گی جس میں 24لا کھ 72ہزار616بچوں کو پو لیو سے بچا ؤ کی ویکسین پلا ئی جا ئے گی اس مقصد کے لئے 6ہزار6سو 3ٹیمیں تشکیل دی جا چکی ہیں جبکہ سیکورٹی کے بھی تما م تر انتظا ما ت مکمل کر لئے گئے ہیں ۔ ایمر جنسی آپریشن سنٹر کے صو با ئی کوآرڈینئٹرڈاکٹر سید سیف الرحمٰن کے مطا بق بلو چستان کے تیس اضلا ع میں 5سال سے کم عمر کے بچوں کو پولیو سے بچا ؤ کی ویکسین پلا نے کے لئے 11جنو ری سے 14جنو ری تک تین روزہ انسداد پو لیو مہم چلا ئی جا ئے گی جس کے دوران 24لا کھ 72ہزار616بچوں کو پو لیو کے قطرے پلا ئے جا ئیں گے اس سلسلے میں کل 6ہزار6سو 3ٹیمیں تشکیل دی جا چکی ہیں جن میں سے ٹرا نزٹ ٹیمیں 321ہیں مذکو رہ ٹرانزٹ ٹیموں میں 46 مستقل ٹیمیں بھی شامل ہیں جبکہ اس کے علاوہ ٹوٹل فکسڈ ٹیموں کی تعداد 796 ہے

کوئٹہ: بلوچستان نیشنل پارٹی کے مرکزی بیان میں کہا گیا ہے کہ گزشتہ برس سارونہ میں بارشوں اور سیلابی ریلوں سے جو جانی و مالی نقصان ہوا تھا اس وقت کی صوبائی حکومت کے ارباب و اختیار نے مالی امداد کا اعلان کیا تھا لیکن اب جب پی ڈی ایم اے کی جانب سے صرف قلیل رقم 50ہزار روپے متاثرین کو دی جا رہی ہے یہ دراصل سارونہ کے غیور بلوچ عوام کے ساتھ مذاق کے مترادف اور احساسات و جذبات سے کھیلنا ہے بیان میں کہا گیا ہے کہ گزشتہ برس بڑی تعداد میں مالی و جانی نقصانات ہوئے تھے اس وقت کے حکومت نے بیانات اور اعلانات کئے اور اب رقم اتنی کم رکھی ہے کہ جو متاثرین کے ساتھ مذاق ہے قدرتی آفت کے حقیقی متاثرین کو مکمل طور پر نظرانداز کیا جا رہا ہے

کوئٹہ : بلوچستان ہائی کورٹ کے جسٹس جناب جسٹس محمد کامران ملاخیل پر مشتمل بینچ نے محکمہ داخلہ اور ضلعی سلیکشن کمیٹی قلات کو ضلع قلات میں3 سو 41 لیویز کانسٹیبلز کی تعیناتی سے روک دیا ۔ یہ حکم عدالت عالیہ نے ضلع قلات کے محمد رحیم سمیت 30 سے زائد امیدواروں کی آئینی درخواست کی سماعت کے موقع پر دیا ۔ درخواست گزار محمد رحیم اور دیگر کی جانب سے باز محمد کاکڑ ایڈووکیٹ نے آئینی درخواست جمع کی ۔ درخواست گزاران نے موقف اختیار کیا ہے کہ ضلع قلات میں لیویز کانسٹیبلز پی بی ایس 5 کی 3 سو 41 خالی آسامیوں بارے ڈپٹی کمشنر کی جانب سے جنوری 2015ء میں اشتہار بذریعہ اخبارات مشتہر کیا گیا تھا جس میں اہل امیدواران سے درخواستیں طلب کی گئی تھیں۔ مذکورہ اشتہار کے بعد ضلع قلات کے ہزاروں امیدواروں نے درخواستیں جمع کیں اور بعد ازاں ڈپٹی کمشنر کی سربراہی میں ٹیسٹ وانٹرویوز میں حصہ لیا لیکن ان ٹیسٹ و انٹرویوز کے نتائج کا اعلان نہیں کیا گیا بعد ازاں دوبارہ ایک اور اشتہار کے ذریعے مذکورہ آسامیاں مشتہر کی گئیں اور ساتھ ہی اشتہار میں وضاحت کی گئی کہ پہلے درخواست دہندگان کو دوبارہ درخواستیں جمع کرنے کی ضرورت نہیں بعد ازاں ایک مرتبہ پھر ہزاروں امیدواروں نے ٹیسٹ وانٹرویوز میں حصہ لیا

کوئٹہ : بلوچستان میں تعلیمی بہتری کے لئے ایجوکیشن نیٹ ورک بلوچستان کے نام سے نئی تنظیم کا اعلان کردیا گیا ۔ جمعرات کے روز کوئٹہ پریس کلب میں پریس کانفرنس کرتے ہوئے زاہد مینگل ، ہاشم مری ، سمیع زرکون ودیگر نے کہنا تھا کہ اس دور جدید میں بھی بلوچستان کے اکثر علاقوں کے بچے تعلیم سے محروم ہیں جبکہ انہیں سکولوں میں سہولیات بھی میسر نہیں ۔ انہوں نے کہا کہ معیار تعلیم کو بہتر بنانے کے لئے نصاب تعلیم کو جدید تقاضوں سے ہم آہنگ کرکے تعلیمی بجٹ میں خاطر خواہ اضافہ کرنا ہوگا۔ ان کا کہنا تھاکہ تنظیم کامقصد سول سوسائٹی کی شراکت سے تعلیمی مسائل اور ضروریات کے لئے آواز بلند کرکے شہری شراکت داری کو اس سلسلے میں ممکن بنانا ہے

کوئٹہ: بی ایس او آزاد شال زون کی آرگنائزنگ باڈی کا اجلاس زیرصدارت زونل جونیئر جوائنٹ سکریٹری منعقد ہوا ،اجلاس کے مہمان خاص مرکزی کمیٹی کے ممبر دین جان بلوچ جبکہ اعزازی مہمان مرکزی کمیٹی کے ممبرفدا بلوچ تھے۔اجلاس میں ،مرکزی سرکیولر،سابقہ زونل رپورٹ ،تنظیمی امور، تنقیدی نشست ، سوال جواب ، عالمی علاقائی سیاسی صورتحال اور آئندہ لائحہ عمل کے ایجنڈے زیر بحث رہے ۔اجلاس کی شروعات شہدائے بلوچستان کی یاد میں دو منٹ کی خاموشی سے ہوئی۔ اجلاس سے بی ایس او آزاد کے رہنماؤں نے خطاب کرتے ہوئے کہا کہ ریاستی ادارے تحریک سے نوجوانوں کی وابستگی ختم کرنے کیلئے مختلف حربوں کا سہارا لے رہی ہیں لیکن بلوچ نوجوان ریاستی سازشوں سے باخبر ہو کر قومی تحریک کا باقاعدہ حصہ بن کر ریاستی سازشوں کا ڈٹ کر مقابلہ کررہے ہیں۔

نوشکی : بلوچستان کے علاقے نوشکی میں قبائلی شخصیت کے گھر پر دستی بم حملہ کوئی جانی نقصان نہیں ہوا اطلاعات کے مطابق نوشکی کے علاقے کلی قاضی آباد میں حاجی غلام قادر کے گھر پر دستی بم حملہ کوئی جانی نقصان نہیں ہوا تاہم علاقے میں خوف و ہراس پھیل گیا۔

کوئٹہ: بلوچ نیشنل فرنٹ کے مرکزی ترجمان نے آج بلوچستان بھر میں ہونے والے شٹرڈاؤن ہڑتال، پہیہ جام اور حلقہ پی بی 50کے الیکشنز سے مکمل عوامی بائیکاٹ کو بلوچ عوام کی پاکستان سے لاتعلقی قرار دیتے ہوئے کہا کہ جس طرح بلوچ عوام نے گزشتہ انتخابات کا بائیکاٹ کیا تھا، اسی تسلسل کو برقرار رکھتے ہوئے بلوچ عوام نے آج ہونے والے ضمنی انتخابات کا مکمل طور پر بائیکاٹ کیا۔ انہوں نے کہا کہ بلوچستان میں ہونے والے آپریشنز اور نام نہاد ضمنی انتخابات کے خلاف آج گوادر،پسنی، جیونی، اوڑماڑہ، مند، تمپ، تربت،ڈنڈار، گیشکور، آواران، مشکے، جھاؤ، پنجگور،ناگ، بسیمہ، واشک، خاران، سوراب، قلات، مستونگ ، کوئٹہ، حب چوکی سمیت بلوچستان بھر میں مکمل شٹر ڈاؤن و پہیہ جام ہڑتال رہا۔ جس کی وجہ سے تمام چھوٹے و بڑے کاروباری مراکز بند رہے۔ جبکہ پہیہ جام کی وجہ سے سڑکوں پر ٹریفک بھی ناپید رہی۔ بی این ایف کے ترجمان نے کہا کہ ریاست کی دھمکیوں اور مسلسل آپریشنز کے باوجود بلوچ عوام کی جانب سے ہڑتال کی کامیابی اور الیکشنز کا بائیکاٹ حکمرانوں کے لئے ایک واضح پیغام ہے کہ بلوچ اپنے جغرافیہ و تاریخ کا مالک خود بننے کے لئے قربانیاں دے رہے ہیں۔