ہیلی کاپٹر حادثے میں شہید ہونے والے دو افسران سمیت 6 اہلکاروں کی نمازجنازہ کوئٹہ میں ادا کردی گئی۔

کوئٹہ:ڈائریکٹر جنرل زرعی تحقیقاتی ادارہ بلوچستان انعام الحق نے کہا ہے کہ بلوچستان کی زمین زیتون کی کاشت کے لئے انتہائی موزوں ہیں حکومت بلوچستان وفاق اور اٹلی حکومت کے اشتراک سے صوبے میں 300 ملین روپے کے منصوبے پر تیزی سے کام کر رہی ہیں۔ اس منصوبے کے تکمیل سے صوبے کے کاشتکاروں کو تکنیکی مہارت، تیل نکالنے کے پلانٹس اور ملک کو زیتون کے تیل سے خود کفیل بنانے کی راہیں کھلیں گی۔

نوکنڈی: کوئٹہ تفتان شاہراہ پرگاڑی اورٹرالر میں ٹکر ہوئی ہے جس کے نتیجے میں رکن صوبائی اسمبلی حاجی زابد ریکی ڈرائیور  سمیت زخمی ہوگئے۔

کوئٹہ :بلوچستان ہائی کورٹ کے جسٹس جناب جسٹس محمدہاشم خان کاکڑاور جسٹس جناب جسٹس گل حسن ترین پر مشتمل ڈویژنل بینچ نے حکومت بلوچستان اور ہائیرایجوکیشن کمیشن کے ذمہ داران کو پیش ہونے کا حکم دیدیا۔یہ حکم ڈویژنل بینچ نے جامعہ بلوچستان میں جاری مالی بحران کے نتیجے میں جوائنٹ ایکشن کمیٹی کی جانب سے تنخواہوں اور پنشنز کی بروقت ادائیگی کیلئے شروع کردہ احتجاجی تحریک کے خلاف دائر درخواست کی سماعت پر دیا۔

کوئٹہ : سیلاب سے متاثرہ خاندانوں کو اب بھی امداد کی ضرور ت ہے۔ وفاقی و صوبائی حکومتیں متاثرین کی بحالی کے لئے تمام وسائل بروئے کار لارہی ہیں۔

کوئٹہ سرکلر روڈ سٹی نالہ میں پولیس کی جانب سے منشیات فروشوں کے خلاف آپریشن کیا گیا۔

کوئٹہ:وفاقی وزیر مملکت برائے توانائی (پاور ڈویژن) میر ہاشم نوتیزئی سے ریکوڈک کے کمیونٹی ریلیشنز منیجر علی دوست بلوچ نے اُن کے دفترمیں ملاقات کی۔ ملاقات میں مختلف امورپر تبادلہ خیال کیاگیا۔

کوئٹہ :سینئر صوبائی وزیر منصوبہ بندی و ترقیات حاجی نور محمد دمڑ کی زیر صدارت منگل کے روز ضلع زیارت PSDP-2022-23 کے حوالے سے اجلاس منعقد ہوا جس میں ضلع زیارت اور ہرنائی اضلاع میں ان گوئنگ اسمکیات،اور سیلاب سے متاثرہ امدادی سرگرمیوں پر متعلقہ حکام نے کیے جانے والے اقدامات،اور آئندہ لائحہ عمل پر بریفنگ دی۔

کوئٹہ شہر اور دیگر علاقوں میں گیس کی سپلائی تاحال معطل ہے جبکہ ایل پی جی من مانی قیمت پر فروخت ہونے لگی ہے۔

کوئٹہ: زیارت واقعے کے بعد گورنر ہاؤس کے سامنے ریڈ زون میں دھرنا دیئے بیٹھے بلوچ جبری لاپتہ افراد کے لواحقین نے میڈیا کو جاری کردہ اپنے مشترکہ بیان میں کہا کہ ہم پر امن جدوجہد اور طریقہِ احتجاج پہ یقین رکھتے ہیں، ہم پچھلے 35 دنوں سے بالکل پر امن طریقے سے یہاں احتجاج پہ بیٹھے ہیں جہاں آج تک کوئی تک شیشہ نہیں ٹوٹا ہے، ہم سالوں سے اپنے پیاروں کی جبری گمشدگی کے غم میں نڈھال انتہائی درد اور تکالیف میں زندگی گزار رہے ہیں، ہمیں تکلیف کا احساس نہیں بلکہ ہم تکلیف میں زندگی گزار رہے ہیں، ہم کسی دوسرے کی تکلیف کیسے چاہتے ہیں؟