کوئٹہ: عوامی نیشنل پاررٹی صوبائی کا بینہ پارلیمانی پارٹی ، مرکزی عہدیداران کوئٹہ ، پشین، قلعہ عبداللہ کے ضلعی صدر جنرل سیکرٹریز کا مشترکہ اجلاس ارباب ہاؤس میں زیر صدارت صوبائی صدر اصغر خان اچکزئی منعقد ہوا جس میں ملکی سیاسی صورتحال صوبے کے حالات اور تنظیمی امور سے متعلق تفصیل سے غور وخوص ہوا اجلاس میں خطے کے بدلتی ہوئی صورتحال میں ملکی سیاسی حالات پر گہری تشویش کا اظہار کر تے ہوئے کہا گیا کہ حکمرانوں اور پر وردہ قو توں کی غلط پالیسیوں کا نتیجہ عوام بھگت رہے ہیں ۔

خضدار : جمعیت علماء اسلام کے مرکزی سیکرٹری جنرل ڈپٹی چیئر مین سینٹ مولانا عبد الغفور حیدری ، جمعیت علماء اسلام پاکستان کے نائب امیر رکن قومی اسمبلی مولانا قمر الدین ، جمعیت علماء اسلام بلوچستان کے امیر مولانا فیض محمد نے کہا ہے کہ امریکہ کی جانب سے پاکستان کو گیڈڑ ببکیاں پاکستانی قوم کے لئے ناقابل برداشت ہیں جمعیت علماء اسلام امریکی صدر حالیہ بیان کی شدید مذمت کرتے ہوئے واضح کرتا ہے کہ پاکستان امریکہ کے ہر حربہ کی جواب دینے کی مکمل صلاحیت رکھتی ہے ۔

کوئٹہ : بلوچستان نیشنل پارٹی کے مرکزی بیان میں کہا گیا ہے کہ نادرا حکام کی اولین ذمہ داری ہونی چاہئے کہ وہ سیاسی اثرورسوخ کو خاطر میں نہ لاتے ہوئے جعلی سازی کے ذریعے افغان مہاجرین کو جاری شناختی کارڈز جو منسوخ ہیں انہیں بحال نہ کیا جائے لاکھوں کی تعداد میں جعلی شناختی کارڈز کا اجراء ہوا تھا پیسوں اور سیاسی بنیادوں پر غیر ملکیوں کو شناختی کارڈز کے اجراء کا عمل کسی بھی صورت درست نہیں۔

کوئٹہ: امریکی صدر ڈونلڈ ٹرمپ کے دھمکی آمیز بیان اور امریکہ کی نئی پاک افغان پالیسی کے خلاف بلوچستان بھر میں یوم احتجاج منایا گیا۔کوئٹہ،قلعہ عبداللہ،چمن،پشین، ہرنائی،ژوب، لورالائی، بارکھان، ڈیرہ بگٹی،کوہلو، سبی،مچھ ، نوشکی ،چاغی،نوکنڈی،تفتان،اوستہ محمد،گوادر،تربت،پنجگور سمیت دیگر شہروں میں مذہبی وسیاسی جماعتوں ، بلوچ پشتون قبائل، مزدور ،تاجر، اساتذہ اور طلباء انجمنوں اور سول سوسائٹی کی تنظیموں کی جانب سے ’’امریکا مردہ ‘‘ریلیوں،مظاہروں اور جلسوں کا انعقاد کیاگیا۔

کوئٹہ: پبلک اکاؤنٹس کمیٹی کے چیئرمین مجید خان اچکزئی نے کہا ہے کہ اٹھارہویں آئینی ترمیم کے تحت حقوق کے حصول کے لئے میکانزم کی تیاری کے لئے کمیٹی بنائی جائے ، تعلیم اور صحت کے محکمے صوبوں کے حوالے تو کئے گئے ہیں مگر ان کے اثاثے اور میکانزم کے بجائے صرف غیر ترقیاتی ہمارے حوالے کئے گئے ہیں ۔

کوئٹہ: بلوچستان کے سینئر صحافیوں نے بلوچستان کے شہید صحافیوں کوان کی خدمات اور قربانیوں پر زبردست خراج عقیدت پیش کرتے ہوئے کہا ہے کہ طویل قربانیوں اور شہادتوں کے باوجود بلوچستان میں سچ کا سفر جاری ہے۔

کوئٹہ: پاکستان مسلم لیگ(ن) کے مرکزی قائمقام صدر وسینیٹر سردار یعقوب خان ناصر نے کہا ہے کہ پارٹی اس وقت مشکل حالات سے گزر ہی ہے میاں محمد نوازشریف کو جن حالات میں وزارت عظمیٰ سے جن لو گوں کی ایماء پر ہٹا کر اور جو کچھ کیا جا رہا ہے اس سے ملک اور قوم کو نقصان پہنچ رہا ہے زرداری کے کیسز ختم کر کے انہیں صادق اورامین ظاہر کیا گیا ہے ۔

کوئٹہ: بلوچستان کے مختلف علاقوں میں سیکورٹی فورسز کی کارروائیاں فائرنگ کے تبادلے میں دو دہشت رد ہلاک4کیمپوں کو تباہ کردیا، 4ملزمان گرفتار، اسلحہ وگولہ بارود برآمد کر لیا گیا، سبی میں فائرنگ خاتون سمیت 2افراد زخمی ہوگئے، کیچ میں نامعلوم افراد نے تین افراد کو اغواء کر کے اپنے ساتھ لے گئے۔

کوئٹہ : پاکستان پیپلز پارٹی بلوچستان کے صدر حاجی علی مدد جتک نے کہا ہے کہ پاکستان پیپلز پارٹی کی مفاہمت پر مبنی پالیسی کی وجہ سے آج بلوچستان کے لوگ پارٹی میں شامل ہو کر پارلیمانی سیاست کا آغاز کر رہے ہیں بہت جلد پیپلز پارٹی دیگر لوگوں کو بھی پارلیمانی سیاست کی جانب لانے میں اپنا بھر پور کردارادا کرے گی ۔

کوئٹہ: جمعیت علماء اسلام کے صوبائی امیرمولانافیض محمد،مولاناانوارالدین،مولاناغلام قادرقاسمی،مولاناعبداللہ جتک،مولانانوراللہ،حاجی عبدالواحدصدیقی،حاجی بہرام خان ،حاجی محمدحسن شیرانی،حاجی عبدالباری اچکزئی اورمفتی غلام حیدرنے کہاہے کہ ملک کی سلامتی کے لیئے جے یو آئی ،مدارس کے علماء اور طلباء ہر قربانی دینے کے لیئے ہر وقت تیار ہیں ۔