یک روچے پیل درکپتگ ات جنگل ءَ پہ چرگے ءَ آئی ءَ وارت ءُُ چرت تہ دیست کہ پسے پیداکیں۔ چو نئے بی بی تو چے چارگ ءَ ات پیل ءَ جست کت۔بز ءَ پسو دات من ورگ ءُُ چرگے ءِ شوہاز دراتکگاں۔پدا پیل ءَ گشت تئی و میتگ ءِ کر ءَ کشاں ورگ ءَ شریں کاہ مچیں ءُُ تئی سنگدانک ہم کسان انت منی حیال ءَ ترا پہ چرگ ءَ چش دور ءُُ دراج آیگ ءِ ہچ زلورت نہ انت۔ بز ءَ درائینت من پمشکہ چہ بازار ءَ دور ءُُ دراج اد ءَ اتکگاں کہ بازار ءِ چپ ءُُ چاگرد ءَ ہچ شریں کاہ ترا دز نہ کپیت۔ اے درہ من وارتگاں توزانے چہ تو من گیشتر وراں اٰٗ ءَ وتی پلہ ءَ برز کنان ءَ گش۔
ورناہے چار راہ ءِ سر ءَ نشتگ ءُُ پنڈگ ءَ ات۔مزن پشتیں ورنا کہ گژن ءَ چنگ ترینتگ اَت،ءُُ پادرو(فٹ پاتھ) ءِ سر ءَ ہمک روآ کنوکیں مردم ءِ دیم ءَ دست ءَ شہاراں اَت۔گون دلپدردی ءُُ بژن سوالیگ ات وتی بدبحتی ءُُ بے تالہی ءِ جاور ءَ پدر کناں ات ءُُ چہ گژن ءِ جنجالاں وتی پاہاراں درشان کنان اَت۔ شپ ءِ وتی بیرک کل کت ورنا ءِ لنٹ ہشک بوت انت ءُُ آئی ءِ زبان ٹپی بوت۔
اے وڑیں حال ہمروچ حالتاکاں شنگ بنت کہ کار ءُُ روزگار ءَ مردماں دارگ ءِ وہد ءَ ناروائی کنگ بوتگ۔روزگار ءِ دروسیلہانی سرا وزیر ءُُ مزن مزنیں آفسر نشتگ انت کہ آ نزور ءُُ ناتوانیں مردماں داں جوانیں روزگاراں سر بوہگ ءَ نیل انت اے کارانی تہا ہندی سردار ءُُ نواب ءُُ میر ءُُ متبرانی ہم مزنیں دستے ہوار کہ آہانی سیادی گوں ہمے راجکاری گلاں انت کہ ہمے وزیر ءُُ گزیر ءُُ واکدار آفیسرانی دست ءَ انت۔
بلوچی لبزانک ءِ پڑ باز پراہءُُ شاہگان انت ایشیءِ تہا ہمک پڑ ا دور بکنے گڑا انچوش سما بیت گشئے سرجمی ءَ انگت آوڑیں سائنسی رنگ ءَ پٹ ءُُ پول نہ بوتگ ءُُ دیم ءَ نہ اتکگ۔
شپ ءِ باریں کجام پاس ءَ من کوہی میتگ ءَ سر بوت انت۔بلئے اے میتگ ءِ تہا ھچ مردم نیست ات دل ءَ اتک کہ کوکار بکناں۔من گُٹ ءِ پُر ءَ گوانگ جت۔ کسے است اِنت؟؟؟بلئے کس ءَ منی گوانگ ءِ پسو نہ دات،من پدا توار ترند تر کت۔
یک رندے یک کڈک ءُُ یک مگسکے ہور لوگ ءَ جہمنند بوتاں ءُُ آہاں وتی بیر(Beer) ہور ہسیکی پوست ءِ تہا لہڑداتاں۔یک روچے کڈک ہمے لہڑیں بیران کپت ءُُ ستک ءُُ مرت۔گڈا مگسک ءَ دپ پچ لگوشت ءُُ پہ کوکار ءُُ گریوگ لوگ سرا زرت۔تہتگاں (دروازگ) جست کت مگسک تو چیا چش کوکار ءُُ زاری ءَ ئے“؟ ”ہمے واستہ کہ کڈک ءَ وتا سوتک ءُُ نشت“۔پدا تہتگاں نارگ ءُُ نزورگ بندات کت گڈا کنڈ ءَ کپتگیں روپگ ءَ پرس ات تو چیا نارگ ءُُ نرودگ ءَ ئے؟“
وھدے مارا جی جنزانی تہا زالبولانی کرد ءَ بچاریں گڈا زالبولانی مزنیں بہرے است انت چی ءَ کہ راجی جنزانی توکا بہر زورگ ایوک مردینانی ذمہ واری نہ انت بلکیں ایشیءِ توکا زالبولانی سرا اوں بازیں ذمہ واری بنت ءُُ دنیا ءِ بازیں راجی جنزانی توکا زالبولانی مزنیں کردے گندگ ءَ کیت۔
21 فروری ءَ ماتی زبانانی میان اُستمانی روچ ءَ دُریں دنیا ءِ کُنڈ کُنڈ ءَ برجم دارگ بیت، مئے جُہد پہ زبان ءَ ہمے بہ بیت ما وتی وانگجاہ ءُُ مراگشاں وتی جند ءِ زبان ءَ تران بہ کنیں بلے مئے بد بختی اِیش اِنت زبان وت ءَ اَست پجار وت ءَ اَست بلے اَپسوز ءُُ بژن ءِ گپ اِنت کارمرز کنگ ءِ جا گہءَ ما وت ءَ اَنچو بے سماکُتگ گْشئے زاناں ما بے زبانیں گُنگدامیں۔
من وتی لُنٹ چہ پاکیں آسءَ شُشت اَنت داں کہ مہرءِ بابتءَ تران بکناں‘بلئے ہردیں من وتی لُنٹ پچ کت اَنت گرامن ہچ گپّ جت نہ کت۔وہدے من چہ مہرءَ ناشناس بوتاں گرا لبزمنی دپءِ تہا گواتءِ موج جوڑ بوت اَنتءُُ ہما سوت کہ منی سینگءِ تہا بے تاہیر اَتنت……ہاموشیءِ تہا زیرآپ بوتنت۔ چریشیءَ پیسراگاں شما چہ من مہرءِ راہ ءُُ رُپکانی بابتءَ جست کتیں گرا من شمارا سِتکءِ گوما پسّہ داتگ اَت۔بلئے نوں وہدے کہ مہرءَ منءَ وتی دامنءِ تہاچیرداتگ‘ من شمے کِرا اتکگاں داں کہ چہ شمامہرءِ راہءُُ رپکانی بابتءَ جست بگراں۔ چہ شما کسے است کہ منی جستءِ پسّہءَ دات بہ کنت؟
بیست ءُُ یک فروری ءِ روچ ءَ را میان استمانی زبانانی روچ قرار دئیگ بوتگ ءُُ اے روچ ءَ سرجمیں دنیا ءَ زبانانی روچ دارگ بیت۔اے روچ دارگ ءِ بُن ءُُ بہہ چے بوتگ ءُُ مرچی پہ چے واستہ کارمرز بوہگ اِنت اے بابت ءَ تران اگاں کنگ بہ بیت داں گپ دور روت پمشیا تچکی ءَ ہما گپ ءَ کایاں کہ میان استمانی روچ ءَ گوں بلوچی زبان ءَ چے پیم گوازینگ بیت۔اے روچ ءَ درائیں مردمانی گپ ہما پیشی سال ئیگ اَنت کہ آئی ءَ گوستگیں سال ءَ گوشتگ اَنت دگہ نوکیں گپ کنگ نہ بیت بزاں وتی جندئے زبان وانگ ءَ کارمرزکنگی اِنت وتی زبان ءِ ردوم ءُُ دیمروئی ءَ کار کنگی اِنت جندئے زبان ءَ گپ کنگی اِنت ءُُ اے درگت ءَ حکومت ءُُ ادارگانی کرد پکار اِنت کہ بائد اِنت اے دوئیں مردم بلوچی زبان ءَ ماں اسکول ءَ وانینگ بہ بیت بلئے اے درائیں گپاں چہ یکے ءِ سرا اوں عمل کنگ نہ بیت بلکیں ہما مردم کہ اے گپان اِنت آ وت بیچارگ اردو ءَ گپ کنگءَ اِنت۔
