گوادر: گوادر،وزیر اعلیٰ بلوچستان میر عبدالقدس بزنجو کی خصوصی ہدایت پر صوبائی وزیر منصوبہ بندی و ترقیات میر ظہور احمد بلیدی گوادر کے پہنچ گئے۔ زرائع نے بتایا کہ صوبائی وزیر گوادر کو حق دو تحریک کے سربراہ مولانا ہدایت الرحمان سے ان کے مطالبات اور صوبائی حکومت کی جانب سے اب تک ان معاملات پر پیش رفت پر مذاکرات کریں گے۔

اسلام آباد:  وزیراعظم پاکستان عمران خان نے جنوبی بلوچستان پیکج کیلئے فنڈز کی فوری اجراء کے عزم کااظہار کرتے ہوئے کہاہے کہ جنوبی بلوچستان طرز پر شمالی بلوچستان پیکج کاجلد اعلان کیاجائے گا۔

کوئٹہ : وزیراعلی بلوچستان میرعبدالقدوس بزنجو نے کہا ہے کہ جام کمال سمیت سب کو ساتھ لیکرچلوں گا، چیئرمین سینیٹ کی تبدیلی ممکن نہیں اور نہ ہی لگتاہے کہ چیئرمین سینیٹ کو ہٹایاجاسکتاہے ، حکومتوں کا فوج سے مدد لینا کوئی نقصان دہ بات نہیں اور یہ صرف سکیورٹی خدشات کے باعث لیا جانے والا قدم ہے وہ ہماری افواج ہیں،وہ ہمیں امن و امان اور دیگر معاملات میں معاونت فراہم کرتے ہیں جب بھی افغانستان میں چیزیں تبدیل ہوتی ہیں تو اثرات بلوچستان میں بھی دیکھنے میں آتے ہیں صوبے میں نئے ترقیاتی منصوبوں سے صورت حال بہتر ہوگی، خاص طور پر وفاقی حکومت کے اعلان کردہ شمالی بلوچستان پراجیکٹ سے جس میں 601 ارب روپے کے 199 منصوبے ہوں گے۔

تربت: وزیراعلیٰ بلوچستان میر عبدالقدوس بزنجو کی زیر صدارت مکران کے سرحدی علاقوں میں تجارتی امور سے متعلق ا علیٰ سطحی جائیزہ اجلاس منعقد ہوا کمانڈر 12 کور لیفٹینٹ جنرل سرفراز علی صوبا ئی وزرا ئی سید احسان شاہ ظہور احمد بلیدی اکبر آسکانی لالہ رشید بلوچ اور ماہ جبین شیران چیف سیکریٹری بلوچستان مطہر نیاز رانا آ ئی جی پولیس جی او سی 44 ڈویژن آ ئی جی ایف سی ساؤتھ کمانڈر نیوی اور دیگر متعلقہ وفاقی و صوبا ئی حکام نے بھی اجلاس میں شرکت کی اجلاس میں سرحدی علاقوں کے عوام کے زریعہ معاش اور سہولت کے پیش نظر تیل اور اشیاء خوردوش کی ایران سے تجارت کے طریقہ کار کو حتمی شکل دے دی گئی۔

کوئٹہ:  وزیر اعلیٰ بلو چستان میر عبدا لقدوس بزنجو نے کہا ہے کہ کوئٹہ شہر مسائلستان بنا ہوا ہے شہر میں پانی، صفائی، ٹریفک ،گیس پریشر سمیت دیگر مسائل ہیں ،کوئٹہ کے لئے ماسٹر پلان تشکیل دیا جارہا ہے وزیراعظم سے صوبے میں گیس پریشر کامسئلہ اٹھائونگا امید ہے سردی کی شدت میں اضافے سے قبل گیس پریشر بہتر ہوگا، یہ بات انہوں نے کوئٹہ شہر کے علاقوں مشرقی بائی پاس ، شیخ زید ہسپتال ، سریاب روڈ سمیت دیگر علاقوں کا دورہ کرنے کے موقع پر صحافیوں سے گفتگو کرتے ہوئے کہی۔

کوئٹہ:  بلوچستان اسمبلی کے اجلاس میں کرنمنل لائز ایکٹ ترمیم آرڈیننس 2021پر اپوزیشن اراکین نے اعتراض کرتے ہوئے اسے خلاف قانون اور مارشل لاء کا قانون قرار دیا ہے جبکہ صوبائی وزیر تعلیم میر نصیب اللہ مری کا کہنا ہے کہ گورنر نے ایسا کوئی آرڈیننس جاری نہیں کیا ،بلوچستان اسمبلی کا اجلاس ہفتہ کو دو گھٹنے دس منٹ کی تاخیر سے قائم مقام اسپیکر سردار بابر موسیٰ خیل کی زیر صدارت شروع ہوا۔

کوئٹہ:  حکومت بلوچستان نے طلباء تنظیموں کے رہنماؤں سے مذاکرات کے بعد دولاپتہ طلباء کی بازیابی تک جامعہ بلوچستان کو بند کردیا،یہ اعلان بی اے پی کے ترجمان اور صوبائی وزیر مواصلات و تعمیرات سردار عبدالرحمن کھیتران نے جمعہ کو جامعہ بلوچستان میں طلباء تنظیموں کے رہنماؤں زبیر بلوچ و دیگر کے ہمراہ پریس کانفرنس کرتے ہوئے کیا۔

گوادر: صوبائی وزراء کا دوسرے دن بھی ” گوادر کو حق دو ” تحریک کے قائدین سے مذاکرات ہوئے۔ گوادر کو حق دو تحریک کے قائدین و ارکان نے مکران کوسٹل ہائی وے اور ایکسپریس وے پر دھرنا تین دنوں کیلئے موخر کردیا ۔ جبکہ دھرنا چوک پر دھرنا بدستور جاری رہے گا۔ تفصیلات کے مطابق صوبائی حکومت نے سرحدی امور سے ایف سی کی بے دخلی ضلعی انتظامیہ کے حوالگی سمیت دھرنے کے شرکاء کے چار مطالبات کو تسلیم کرکے ان کا نوٹیفکیشن جاری کردیا۔

کوئٹہ : طلباء تنظیموں کی جانب سے مشترکہ طور پر جاری کردہ اعلامیہ میں کہا گیا ہے کہ جامعہ بلوچستان کے دو لاپتہ طالبعلموں کی عدم بازیابی کے خلاف آج 24 نومبرکو بلوچستان کے تمام تعلیمی ادارے بند رہینگے۔

کوئٹہ : بلوچستان اسمبلی کا اجلاس ڈپٹی سپیکر سردار بابرخان موسی خیل کی زیر صدارت پیر کے روز دو گھنٹے بیس منٹ کی تاخیر سے شروع ہوا ۔ اجلاس میں سابق وزیراعلی و رکن بلوچستان اسمبلی نواب محمد اسلم رئیسانی نے بلوچستان یونیورسٹی کے لاپتہ طلبا سہیل بلوچ اور فصیح بلوچ کی عدم بازیابی کی جانب ایوان کی توجہ مبذول کراتے ہوئے کہا کہ بلوچستان اور کے پی کے سے لوگ اغوا ہیں انہیں جو بھی اغوا کررہا ہے مگر تاثر یہی ہے کہ انہیں ادارے اغوا کررہے ہیںمغویوں کو دس سال بعد چھوڑا جاتا ہے یا ان کی لاشیں ملتی ہیں انہوںنے کہا کہ میری قائد ایوان سے گزارش ہے کہ وہ اٹھ کر اس ایوان میں اغوا کاروں کی مذمت کریں تاکہ دنیا کو یہ پیغام جائے کہ بلوچستان اسمبلی اس قسم کے واقعات اور اغوا کاروں کی پرزور مذمت کرتی ہے اور ان واقعات کو نفرت کی نگاہ سے دیکھتے ہیں۔