کو ئٹہ /اسلام آباد:  تحریک تحفظ آئین پاکستان کے سربراہ وپشتونخواملی عوامی پارٹی کے چیئرمین اور رکن قومی اسمبلی محمود خان اچکزئی نے پارلیمنٹ ہائوس کے باہر میڈیا سے بات چیت کرتے ہوئے کہا کہ پاکستان ،افغانستان اور چین کے وزراء خارجہ نے بیجنگ کے اجلاس میں مل بیٹھ کر یہ فیصلہ کیا ہے کہ ایک دوسرے کی خودمختیاری کا خیال رکھا جائے گایہ ہماری سیاست کی مثبت تبدیلی ہے کہ پاکستان بھی اس پر متفق ہے کہ یہ خطہ دوسرے قوتوں کی جنگ کا مرکز نہ بنے ۔

ڈی جی آئی ایس پی آر نے کہا کہ بلوچی ہمارے بھائی اور دل کا ٹکڑا ہیں، کراچی میں کوئٹہ سے زیادہ بلوچ رہتے ہیں، یہ بلوچستان کو پاکستان سے جدا نہیں کر سکتے، فتنہ الہندوستان بلوچستان کی ترقی کے خلاف ہیں، رستہ دشوار اورطویل ہو سکتاہے، فتح حق کی ہوتی ہے۔

ماہ رنگ بلوچ اور بلوچ یکجہتی کمیٹی کے حوالے سے پوچھے گئے ایک سوال کے جواب میں پاکستانی فوج کے ترجمان نے کہا کہ ’بی وائی سی (بلوچ یکجہتی کمیٹی) جو مسنگ پرسن کی تصاویر کو لے کر پھرتے ہیں جب ہم دہشت گردوں کا ڈی این اے کرتے ہیں تو آدھے سے زیادہ ان میں مسنگ پرسن نکلتے ہیں۔‘

کراچی: بے نظیر بھٹو شہید یونیورسٹی لیاری کے سابق وائس چانسلر پروفیسر اختر بلوچ مختصر علالت کے بعد کراچی کے آغا خان اسپتال میں انتقال کرگئے۔ اہل خانہ کے مطابق ان کے جنازے کا اعلان بعد میں کیا جائے گا۔ پروفیسر اختر بلوچ ایک ممتاز ماہر تعلیم اور محقق تھے۔ انہوں نے تدریس کے شعبے… Read more »

پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) لیفٹیننٹ جنرل احمد شریف چوہدری نے کہا ہے کہ پاکستان کی مسلح افواج نے بھارتی فوج کو ایسا سبق سکھایا ہے جو وہ کبھی نہیں بھولیں گے، بھارتی حملے کا مقابلہ کرنے کے لیے جو عسکری منصوبے اپنائے گئے ہیں وہ کئی دہائیوں تک زیر مطالعہ رہیں گے، بھارت سندھ طاس معاہدہ جاری نہیں رکھتا تو کشمیر کی آزادی پر تمام 6 دریا پاکستان کے ہوں گے۔

جمعرات کو جاری سینیٹ اجلاس کے دوران سینیٹر فیصل واوڈا نے ملک کی سلامتی اور دفاعی صلاحیت کو مضبوط بنانے کیلئے دفاعی بجٹ میں دو سے تین گنا اضافے کی پرزور تجویز دی ہے۔ انہوں نے کہا کہ ہمیں اپنا پیٹ کاٹ کر دفاعی بجٹ کو بڑھانا پڑے گا، ہمیں ترقیاتی منصوبوں کی بجائے اب… Read more »

پاک فوج کے شعبہ تعلقات عامہ (آئی ایس پی آر) کی جانب سے جاری بیان میں کہا گیا ہے کہ خضدار میں اسکول بس پر حملے میں 3 بچوں سمیت 5 افراد شہید اور متعدد بچے زخمی ہوئے۔

وفاقی وزیرداخلہ محسن نقوی نے خضدار میں زیرو پوائنٹ پر اسکول بس پر حملے کی مذمت کرتے ہوئے کہا ہے کہ دھماکا دشمن کی ملک میں عدم استحکام پیدا کرنےکی گھناؤنی سازش ہے۔

بھارت نے منگل کے روز کہا ہے کہ وہ پاکستان کے ساتھ واہگہ-اٹاری سرحد پر روزانہ ہونے والی پرچم کشائی کی تقریب دوبارہ شروع کرے گا۔ یہ تقریب رواں ماہ کے اوائل میں دونوں ممالک کے درمیان کئی دہائیوں کے بعد پیدا ہونے والے شدید تناؤ کے باعث وقتی طور پر معطل کر دی گئی تھی۔

پاکستان رینجرز (سندھ) اور سندھ پولیس نے انٹیلی جنس معلومات کی بنیاد پر کراچی کے علاقے لیاری سے کالعدم بلوچ ملیٹنٹ تنظیم سے تعلق رکھنے والے ملزم درویش عرف ساگر کو گرفتار کر لیا ہے۔ ملزم کے قبضے سے اسلحہ، ایمونیشن اور دستی بم بھی برآمد ہوئے ہیں۔ درویش عرف ساگر محلہ سرگواد لیاری کراچی کا رہائشی ہے۔