بلیدہ کرکٹ بورڈ کی ڈی سی کیچ سے ملاقات،سپورٹس کمپلکس کی تعمیر اور سپورٹس فنڈز کی فراہمی کی یقین دہانی

| وقتِ اشاعت :  


تربت:بلیدہ کرکٹ بورڈ نے ضلعی انتظامیہ سے اسپورٹس کمپلیکس کی تعمیر کرنے اور کھلاڑیوں کی حوصلہ افزائی کی تعاون کی اپیلکی۔جس پر ڈپٹی کمشنر کیچ محمد الیاس کبزئی نے سپورٹس کمپلکس کی تعمیر اور سپورٹس کے فنڈز کی فراہمی کی ہر ممکن تعاون کی یقین دہانی کرادی۔ گذشتہ روز چیئرمین ظریف رند کی قیادت میں ڈپٹی کمشنر کیچ محمد الیاس کبزئی سے ملاقات کی جن میں بلیدہ کرکٹ ٹیموں کے کپتان و نمائندگان شریک بھی تھے انہوں نے ڈپٹی کمشنر کو بلیدہ کے نوجوانوں کو درپیش مسائل سے آگاہ کیا اور بلیدہ کو دہائیوں سے محروم رکھنے پر اپنے تحفظات کا اظہار کیا۔


پاکستان سپر لیگ کے بعد کشمیر پریمیئر لیگ کا آغاز

| وقتِ اشاعت :  


اسلام آباد: پی سی بی کے تعاون سے پاکستان سپر لیگ (پی ایس ایل) کے بعد کشمیر پریمیئر لیگ (کے پی ایل) کا آغاز کردیا گیا۔

پاکستان کرکٹ بورڈ کے تعاون سے کشمیر پریمیئر لیگ کا آغاز کردیا گیا جس کی لانچنگ تقریب اسلام آباد میں ہوئی۔ تقریب میں صدر آزاد کشمیر مسعود خان اور چیئرمین کشمیر کمیٹی شہریار آفریدی نے شرکت کی جب کہ تقریب میں کی پی ایل کے لوگو ٹائٹل ’’کھیلو آزادی سے‘‘ کی تقریب رونمائی بھی ہوئی۔

کے پی ایل میں 6 ٹیمیں حصہ لیں گی جن میں مظفر آباد ٹائیگرز، میر پور رائلز، کوٹلی پینتھرز، راولاکوٹ ہاکس، باغ اسٹیلیئنز اوورسیز وارئیرز شامل ہیں، لیگ کا آغاز یکم اپریل سے ہوگا۔
تقریب سے خطاب کرتے ہوئے آزاد کشمیر کے صدر مسعود خان کا کہنا تھا کہ کشمیری عوام کرکٹ کی دیوانی ہے اور اس ایونٹ سے بھرپور ٹیلنٹ سامنے آئے گا، کشمیری پاکستان کے لوگوں اور کرکٹ سے محبت کرتے ہیں۔ انہوں نے کشمیر کاز کو سپورٹ اور اس ٹورنامنٹ کیلیے چیئرمین کشمیر کمیٹی کا شکریہ ادا کیا۔

چیئرمین کشمیر کمیٹی شہریار آفری کا کہنا تھا اس کے پی ایل کو بھرپور سپورٹ کریں گے اور یہ لیگ بھی پاکستان سپر لیگ کی طرح کامیاب ہوگی۔

کشمیر پریمیئر لیگ کے برینڈ ایمبیسڈر اور معروف کرکٹر شاہد آفریدی نے کہا پاکستان سپر لیگ کی طرح اس ایونٹ کیلیے بھی خوش ہوں اور کے پی ایل کے ذریعے پوری دنیا میں کشمیر کا اچھا امیج جائے گا۔ اظہر محمود نے بھی ایونٹ کیلیے نیک خواہشات کا اظہار کیا۔