افغانستان میں پُرامن ماحول پیدا کرنے کیلئے طالبان اور امریکہ کے درمیان مذاکرات کا طویل دور چل رہا تھا اس دوران 9 بیٹھک لگے مگر افغانستان میں طالبان کے حملے کے بعد اچانک امریکی صدر نے مذاکرات ختم کرنے کا فیصلہ کیا۔

بلوچستان ملک کا واحد وہ بدقسمت صوبہ ہے جس نے اپنی کھوکھ سے پیدا ہونے والے وسائل کودونوں ہاتھوں سے لوٹتے ہوئے دیکھا ہے مگر اپنے لوگوں کوکبھی اس کا فائدہ پہنچتے نہیں دیکھا البتہ یہ ضرور ہے کہ اس پر چیخ وپکار صوبائی ایوان سے لیکر مرکز کے دونوں بڑے ایوانوں میں سنائی دیتا ہے مگر یہ جوش خطابت وقتی طور پر بلوچستان کے عوام کو تسلی دینے کیلئے ہوتی ہے اور نتیجہ یہی نکلتا ہے کہ پھر سے بلوچستان کے وسائل کو کس طرح کس کمپنی کے حوالے کرکے بھرپور لوٹا جائے۔

چیف آف آرمی سٹاف جنرل قمر جاوید باجوہ نے کہا ہے کہ پاکستان پائیدار امن و استحکام کی جانب گامزن ہے، مستقبل کے چیلنجز کا مقابلہ کر نے کے لئے معاشرے کے تمام طبقات کو مشترکہ جدوجہد کرنی ہوگی، نوجوانوں کو انفرادی و اجتماعی فوقیت کے حصول کے لئے قومی یکجہتی کے ساتھ صحیح سمت پر کام کرتے رہنا ہوگا۔

مقبوضہ کشمیر میں بھارتی جارحیت جاری ہے کئی دن گزرگئے کشمیر مکمل طور پر بند ہے،کشمیریوں پر بھارتی فورسز خطرناک ہتھیار استعمال کرنے سمیت گرفتاریاں بھی کررہی ہیں کشمیر میں مکمل خوف کی فضاء قائم کی گئی ہے میڈیا کو بھی اصل حقائق سے دور رکھنے کیلئے اجازت نہیں دی جارہی تاکہ کشمیر کی صورتحال دنیا کے سامنے آسکے البتہ دنیا کے بیشتر ممالک نے کشمیر کی موجودہ صورتحال پر شدید تشویش کا اظہار کرتے ہوئے بھارتی رویہ کی مذمت کی ہے۔

عرصہ دراز سے ملک کے اندر ایک مسئلہ تواتر سے چلتا آرہا ہے جو کہ صوبوں کی انتظامی تقسیم سے متعلق ہے اور یہ آواز ہر وقت کراچی سے ہی بلند ہوتی آئی ہے۔ پہلے کراچی کی دیواروں پر مہاجر صوبہ کا نام درج ہوتا تھا موجودہ ایم کیوایم یا ماضی کی قیادت اس کی ہر سطح پر نہ صرف حمایت کرتی رہی ہے بلکہ ان کی پالیسی کا حصہ رہی ہے مگرپیپلزپارٹی سمیت سندھ کی قوم پرست جماعتوں نے اس کی شدید مخالفت کی ہے اور اسے سندھ کو تقسیم کرنے کی سازش قرار دیا ہے۔

سوشل میڈیا پرکچھ دنوں سے وزیراعلیٰ پنجاب عثمان بزدار کو ہٹانے کی خبریں چل رہی تھیں جنہیں محض افواہ ہی سمجھا جارہا تھا مگر اب روایتی میڈیا پر بھی یہ بحث چھڑ چکی ہے جبکہ حکمران جماعت پی ٹی آئی اس کی تردید کرتی آرہی ہے کہ وزیراعلیٰ پنجاب کی تبدیلی کے متعلق خبریں محض افواہ ہیں ان میں کوئی صداقت نہیں۔ بہرحال ملکی سیاسی تاریخ ہمارے سامنے ہے کہ سیاسی تبدیلی میں منٹ بھی نہیں لگتا۔

ملک میں صحت کے بنیادی مراکز میں سہولیات سے متعلق غریب عوام بخوبی آگاہ ہیں کہ کس طرح سے روزانہ انہیں سرکاری اسپتالوں میں علاج ومعالجے کے دوران ذہنی کوفت کا سامنا کرناپڑتا ہے، اسپتالوں میں چھوٹے سے لیکر بڑے ٹیسٹ تکبیشتر باہر کے لیبوں سے کرائے جاتے ہیں کیونکہ سرکاری اسپتالوں میں یہ سہولیات موجود نہیں۔ اگر بلوچستان کی بات کی جائے تو عوام الناس کو ہمیشہ اس بات کی شکایت رہتی ہے۔

بلوچستان حکومت نے انوکھا کارنامہ کرتے ہوئے ضلع کیچ سے تعلق رکھنے والے 114 اساتذہ کو فارغ کردیا۔ حیرت انگیز بات یہ ہے کہ جن اساتذہ کو ملازمت سے فارغ کیا گیا ہے ان میں فوت شدہ اور ریٹائرڈ ملازمین بھی شامل ہیں،شعبہ تعلیم کے اعلیٰ افسران کی جانب سے بھوت اساتذہ کے خلاف کارروائی کاسلسلہ جاری ہے یہ خوش آئند بات ہے کہ جو بھی اساتذہ تعلیمی اداروں میں اپنے فرائض سرانجام نہیں دیتے اورسرکاری خزانہ پر بوجھ بنے بیٹھے ہیں۔

ملک بھرمیں یوم دفاع و شہداء ”کشمیر بنے گا پاکستان”کے نعرہ کے ساتھ منایا گیا۔شہداء کو خراج عقیدت پیش کرنے کیلئے جنرل ہیڈکوارٹرز (جی ایچ کیو) میں منعقد یوم دفاع کی مرکزی تقریب سے خطاب کرتے ہوئے پاک فوج کے سربراہ جنرل قمرجاوید باجوہ نے کہا ہے کہ پاکستان کی بنیادوں میں شہیدوں کا لہو شامل ہے۔

بلوچستان میں صنعتی زونز کے قیام سے معاشی انقلاب برپا ہوگا جس سے یہاں کے سرمایہ کار بھرپور طریقے سے فائدہ اٹھا سکیں گے۔ماضی میں امن و امان کی خراب صورتحال کے باعث یہاں کے بیشتر سرمایہ کار اپنا سرمایہ بیرونی ممالک میں لگانے پر مجبور ہوئے مگر اب بلوچستان سمیت ملک میں امن وامان کی صورتحال بہتر ہوئی ہے جو سرمایہ داروں کیلئے سازگار ماحول فراہم کرتاہے اب وہ سرمایہ دار بھی اپنے ملک کو زیادہ ترجیح دیتے ہوئے اپنا پیسہ ملک میں لگائینگے جس سے نہ صرف ملکی خزانہ کو فائدہ پہنچے گا بلکہ عام لوگوں کو بھی معاشی فوائد حاصل ہونگے۔