پولیو کے خاتمے کے لیے عالمی سطح پر بھر پور کوششیں جاری ہیں اس کے لیے بڑے پیمانے پر فنڈز مختص کیے جاتے ہیں۔ پولیو کے خاتمے کی مہم پاکستان میں بھی تواتر سے جاری ہے تاکہ اس مرض سے ہمیشہ کے لیے جان چھڑائی جا سکے کیونکہ اس مرض سے بچے عمر بھر کی معذوری کا شکار ہوجاتے ہیں۔

ملک میں رمضان کی آمد کے ساتھ ہی وفاقی حکومت کی جانب سے یوٹیلٹی اسٹورز میں اشیاء سستی بیچنے کیلئے امدادی رقم مختص کی جاتی رہی ہے تاکہ ضرورت مند اور کم آمدنی والے افراد اس کا فائدہ اٹھائیں۔ یہ رقم ہر سال اورہر حکومت رکھتی آئی ہے اور اس کا فائدہ عوام الناس کو پہنچتا رہاہے۔

صوبائی حکومت نے صوبے سے غربت اور بیروزگاری کے خاتمے کے لئے مائیکروفائنانس پروگرام کے آغاز کا اعلان کیا ہے جس کا مقصدنوجوان طبقے کو اپنی صلاحیتیں معاشرے اور اپنے خاندان کے لئے بروئے کار لانے کے مواقع فراہم کرنا ہے۔

گزشتہ پینسٹھ سالوں سے سوئی اور پندرہ سالوں سے سیندک پروجیکٹ کی صورت میں بلوچستان کے وسائل کو لوٹا جارہا ہے۔ بلوچستان کے عوام کو ان سے کوئی فائدہ نہیں ہوا کیونکہ سیندک کے معاملے میں بلوچستا ن کو صرف ڈھائی فیصد کی رائلٹی پرٹرخا یا گیا۔سوئی گیس کی آمدنی میں سے بھی وفاق بلوچستان کے اربوں روپوں کا مقروض ہے ۔

عمران خان ایران کے دورہ پر ہیں انہوں نے ایرانی صدر سے ملاقات کی ، سرحدی معاملات اور امن وامان کے حوالے سے تفصیلی بات چیت کی گئی ، وزیراعظم عمران خان نے دونوں ملکوں کے خلاف اپنی سرزمین استعمال نہ کرنے پر بات کی اور ساتھ ہی دہشت گردی سے نمٹنے کیلئے ملکر کام کرنے پرزور دیا۔ 

وزیراعلیٰ بلوچستان جام کمال خان نے کوئٹہ سمیت بلوچستان بھر میں تجاوزات کے خلاف کارروائی کرنے کا سختی سے حکم دیا ہے جس کے نتائج کوئٹہ کے بعض علاقوں میں نظر بھی آرہے ہیں مگر اب بھی شہر کے اہم تجارتی مراکزاور اس طرف جانے والی شاہراہوں پر تجاوزات موجود ہیں جس کی وجہ سے ٹریفک گھنٹوں جام رہتا ہے اور پیدل چلنا بھی انتہائی محال ہے خاص کر خواتین کو خریداری کے دوران شدید مشکلات کا سامنا کرنا پڑتی ہے ۔ 

کوئٹہ: وفاقی وزیر ہاؤسنگ طارق بشیر چیمہ نے کہا ہے کہ بلوچستان وزیراعظم کے دل کے قریب ہے نیا پاکستان ہاؤسنگ اسکیم منصوبہ میں بلوچستان میں بلوچ بھائیوں کے مطالبہ کے مطابق گھر تعمیر کئے جائیں گے۔ کچلاک میں 980گھر 45 اپار ٹمنٹس تعمیر کئے جارہے ہیں منصوبہ کو توسیع دیکر 3 سے چار ہزار کے درمیان مزید اپارٹمنٹس تعمیر ہونگے جبکہ وحدت کالونی میں 29 ایکڑاراضی پر اپارٹمنٹس کئے تعمیرجائیں گے ،گوادر میں فشرز مین کالونی کے تحت ایک لاکھ 5 ہزار گھر تعمیر کئے جارہے ہیں۔ 

طالبان اور افغان نمائندوں کے درمیان قطر میں ہونے والے مذاکرات ایک بار پھر منسوخ کر دیئے گئے۔افغان میڈیا نے صدارتی حکام کے حوالے سے بتایا کہ قطری حکومت نے افغان نمائندوں کی فہرست کو مسترد کر کے نئی فہرست بھیجی ہے جس میں افغانستان کے تمام شعبوں کی نمائندگی نہ ہونے پر افغان حکومت نے فہرست مسترد کردی۔افغان حکام کے مطابق قطری حکومت کا اقدام قابل قبول نہیں، قطر 250 افغان نمائندوں کو آنے کی اجازت دے۔

وفاقی کابینہ میں حالیہ ردوبدل پر وزیر اعظم عمران خان نے اسے اپنی جیت سے منسوب کیا ہے کہ کوئی بھی کپتان جیت کیلئے ٹیم میں ضروری تبدیلیاں لاتا ہے۔لیکن کیا سوال یہ پیدا نہیں ہوتا کہ جب ٹیم تشکیل دیتے وقت انتہائی محتاط انداز میں کھلاڑیوں کا چناؤ عمل میں لایا جاتا ہے تو پھراتنی جلد دوبارہ پوری کی پوری ٹیم کو تبدیل کرنا کمزور قیادت کی نشاندہی نہیں کرتی۔ اور خاص کر ہمارے حالات کو دیکھا جائے کہ ملک کس قسم کے سخت چیلنجز کا مقابلہ کررہاہے ،ایک طرف معاشی ابتر صورتحال تو دوسری جانب بدامنی نے عوام کا جینا دوبھر کر رکھا ہے ۔ 

گزشتہ چند روز سے یہ خبر گردش میں تھی کہ وفاقی کابینہ میں ردوبدل کے حوالے سے سوچ وبچار کیاجارہا ہے مگر حکومت کی جانب سے ان اطلاعات کی تردیدآتی رہی ہے لیکن اب وزیر خزانہ اسد عمر کے مستعفی ہونے کی تصدیق ہوگئی ہے جس کے بعد کابینہ میں مزید ردوبدل ممکن ہے۔