وزیر اعظم پاکستان شاہد خاقان عباسی نے کہا ہے بھارت کی جانب سے بلااشتعال فائرنگ اور جنگ بندی کی خلاف ورزیاں اگر بند نہ ہوئیں تو اس کے خطرناک نتائج برآمد ہو سکتے ہیں۔

چیف جسٹس آف پاکستان میاں ثاقب نثار نے بلوچستان میں تعلیم، صحت اور پانی کے مسائل پر از خود نوٹس کیس کے دوران برہمی کا اظہار کرتے ہوئے ریمارکس دیئے کہ چار سال تک بلوچستان میں حکومت کرنے والے بتائیں کہ انہوں نے تعلیم، صحت اور پانی سمیت بنیادی انسانی حقوق کی فراہمی کیلئے کیا کیا۔

شام کے شہر دوما میں مبینہ طور پر زہریلی گیس کے حملے میں کم از کم 70 افراد کی ہلاکت پر امریکی صدر ڈونلڈ ٹرمپ کا کہنا ہے کہ اس حملے کی بھاری قیمت ادا کرنی ہو گی۔امریکی صدر نے ٹویٹ میں شام کے صدر بشار الاسد اور ان کے اتحادیوں روس اور ایران کو تنقید کا نشانہ بنایا ہے۔

کشمیر میں بھارتی جارحیت سے 20 نہتے کشمیری شہید جبکہ 200 زخمی ہو گئے، کشمیر میں حالات اب تک کشیدہ ہیں ۔ مختلف حصوں میں کرفیو نافذ کر دیا گیا ہے۔حکومت پاکستان کی جانب سے ٹوئٹر پر جاری ہونے والے بیان کے مطابق آزاد کشمیر کی حکومت نے ان ہلاکتوں کے خلاف یوم مذمت منانے کا اعلان کیا ہے۔آزاد کشمیرکے وزیراعظم نے کہا کہ بھارتی فوج اور خفیہ ادارے کشمیریوں کی نسل کشی کی پالیسی پر کام کر رہے ہیں۔

پاکستان پیپلزپارٹی کے کوچیئرمین آصف زرداری نے کہا ہے کہ نوازشریف کو بار بار بچایا لیکن انہوں نے ہماری پیٹھ میں چھرا گھونپا۔

وزیر اعظم شاہد خاقان عباسی، افغان صدر ڈاکٹر اشرف غنی کی دعوت پر جمعہ کو افغانستان کے دورے پر کابل پہنچے ۔ دونوں ممالک کے سربراہان کے درمیان وفود کی سطح پر بھی ملاقات ہوئی۔

وزیراعلیٰ بلوچستان میر عبدالقدوس بزنجو نے وی آئی پی موومنٹ کے دوران سڑکوں اور تعلیمی اداروں کی بندش کا سختی سے نوٹس لیتے ہوئے انتظامیہ اور سیکورٹی اداروں کو ہدایت کی کہ آئندہ وی آئی پی شخصیات کو سیکورٹی ضرور دیں لیکن پورا دن سڑکوں کو بند نہ رکھا جائے۔

گزشتہ روز کوئٹہ میں پیش آنے والے ناخوشگوار واقعات کے بعد وزیراعلیٰ کی زیر صدارت اعلیٰ سطحی اجلاس منعقد ہوا، اجلاس میں سیکیورٹی حکام نے بھی شرکت کی۔ اجلاس کے دوران فیصلہ کیا گیا کہ سیکیورٹی انتظامات کو مزید مؤثر بنانے کے لئے قانون نافذ کرنے والے اداروں کے درمیان انٹیلی جنس شیئرنگ کو مزید بہتر بنانے کے علاوہ افغانستان سے ملحقہ علاقوں میں آمدورفت پر بھی کڑی نظر رکھنے کی ضرورت ہے تاکہ وہاں سے آنے والے تخریب کاروں کو روکا جاسکے۔

گزشتہ شب وزیراعلیٰ بلوچستان نے ٹراما سینٹر کا اچانک دورہ کیااور ہسپتال میں گندگی، ڈاکٹروں اور اسٹاف کی عدم دستیابی اورمریضوں کی جانب سے ادویات نہ ملنے کی شکایات پر سخت برہمی کا اظہارکیا۔

بلوچستان حکومت نے امن وامان کی صورتحال کو بہتر بنانے سمیت ترقیاتی منصوبوں کو بروقت مکمل کرنے کے عزم کا اظہار کیا ہے۔