پاکستان کے وزیر اعظم شاہد خاقان عباسی نے اعلیٰ عدالتوں کی طرف سے ارکان پارلیمان کو ’چور، ڈاکو اور مافیا‘ جیسے القابات سے نوازنے کے معاملے کو پارلیمان میں زیر بحث لانے کا کہا ہے۔

انسپکٹر جنرل پولیس بلوچستان معظم جاہ انصاری نے کہا ہے کہ دہشت گردی دور جدید کا سب سے بڑا مسئلہ ہے پاکستان میں مفاد پرست عناصر سادہ لوح افراد کو ورغلا کر اتحاد و یکجہتی کی فضاء کو پارا پارا کرنے کی سازشوں میں مصروف عمل ہیں ۔

وزیراعلیٰ بلوچستان میرعبدالقدوس بزنجو نے کہاہے کہ سیف سٹی پروجیکٹ میں تاخیر کے باعث دہشت گردی کے واقعات کی فوری تحقیقات میں مشکلات کاسامناہے۔ امن وامان کی صورتحال میں بہتری اورجرائم کی بیخ کنی کیلئے سیف سٹی پروجیکٹ پرجلدازجلد عمل درآمد ضروری ہے ۔

ایک اعلیٰ پاکستانی عہدیدار کا کہنا ہے کہ امریکا کی جانب سے چند ہفتوں قبل پیش کی جانے والی تحریک کے مطابق امریکا پاکستان کو عالمی دہشت گردوں سے متعلق مالیاتی ’’واچ لسٹ‘‘ میں شامل کرسکتا ہے جس کی نگرانی منی لانڈرنگ پر نظر رکھنے والا گروپ کرے گا۔

گزشتہ چندماہ کے دوران ملکی سیاست میں اہم تبدیلیاں رونما ہوئیں ، پہلے مسلم لیگ ن کے سربراہ میاں محمد نواز شریف نااہل قرار دیئے گئے پھر بلوچستان میں حکومتی تبدیلی آئی جہاں کے منتخب نمائندوں نے عدم اعتماد کی تحریک لائی۔

سینیٹ کی ذیلی کمیٹی برائے منصوبہ بندی و ترقیات اور اصلاحات کے کنوینرسینیٹر آغا شاہ زیب خان درانی کی زیرصدارت گزشتہ روز منعقد ہونے والے اجلاس میں گوادر میں صاف پانی کی فراہمی اورانکاڑہ ڈیم کی تکمیل نہ ہو نے کا ایجنڈا زیر بحث آیا۔

پاک فوج کے سربراہ جنرل قمر جاوید باجوہ نے کہا ہے کہ علاقائی امن اور استحکام کا راستہ افغانستان سے ہو کر گزرتا ہے ٗپاکستان نے اپنی سرزمین سے دہشت گردوں کے تمام ٹھکانے ختم کردیے ہیں ۔

وزیر اعلیٰ بلوچستان میر عبدالقدوس بزنجو کی زیر صدارت صوبائی کابینہ کا اجلاس پیر کے روز منعقد ہوا۔ اجلاس میں مختلف امور کا جائزہ لیتے ہوئے ان کی منظوری دی گئی۔

سفید کپڑوں میں ملبوس ایک شخص اپنے آفس میں بیٹھا سگریٹ کے کش پر کش لگاتے ہوئے، دھواں ہوامیں اڑاتے بارباراپنی شیروانی کو سیدھا کرتا‘کبھی پہرہ داری کیلئے کھڑے دو مسلح افراد سے سرگوشی کرتا‘ آفس میں موجود تین ٹیلیفون کی گھنٹیاں بجتی ہی جارہی ہیں۔

سینیٹ انتخابات سے قبل متحدہ قومی مومنٹ میں امیدواروں کی نامزدگی کے معاملے پر اختلافات برقرار ہیں۔ سربراہ متحدہ قومی موومنٹ فاروق ستار نے کہا ہے کہ رابطہ کمیٹی نے ان کی اجازت کے بغیر اجلاس منعقد کی ،میرے پہنچنے کا انتظار تک نہیں کیا گیا اور پریس کانفرنس کی گئی۔فاروق ستار نے دعویٰ کیا کہ مخالف گروپ کے ساتھ 12 ساتھی ہیں جبکہ میرے پاس 25 اراکین ہیں۔