آج کل ملک دوبارہ احتجاج کے گرفت میں ہے ۔ ایک بڑا احتجاجی جلسہ لاہور کے مال پر کای گیا جس سے طاہر القادری کے علاوہ آصف علی زرداری اور عمران خان نے بھی خطاب کیا اور نوازشڑیف اورمسلم لیگ ن کی حکومت کو نشانہ بنایا ان تینوں رہنماؤں نے اعلان کیا کہ وہ تخت لاہور کی حکومت کو الٹ دیں گے اور شریف برادران کو سیاست سے بے دخل کردیں گے ۔

مرکزی وزیر دانیا ل عزیز نے واشگاف الفاظ میں اعلان کیا ہے کہ ان کی حکومت ہر قیمت پرآئندہ انتخابات سے پہلے پی آئی اے کو نیلام کرے گی ۔پورا ملک اس فیصلہ کی مخالف ہے۔

اسرائیلی وزیراعظم کا دورہ بھارت اختتام کے قریب ہے ، وہ چھ روزہ طویل دورے پر آئے ہیں ۔ اس سے قبل بھارتی وزیراعظم نے اسرائیل کا دورہ کیا تھا، یہ اسرائیلی وزیراعظم کا جوابی دورہ ہے ۔

گزشتہ ہفتے کے دوران نواب ثناء اللہ زہری کی حکومت کا اس وقت خاتمہ ہوا جب وزیراعلیٰ اپنے عہدے سے مستعفیٰ ہوگئے کیونکہ ان کے خلاف ان کی اپنی پارٹی اور بعض اتحادی اراکین اسمبلی نے بغاوت کی اور ان کے خلاف تحریک عدم اعتماد پیش کیا۔ جوں جوں دن گزر تے گئے ان کے مخالفین میں اضافہ ہوتا گیا۔

نواب ثناء اللہ زہری کے مستعفی ہونے کے بعد بلوچستان اسمبلی نے ایک نیا قائد ایوان منتخب کرلیا۔ نئے قائد پاکستان مسلم لیگ قائداعظم سے تعلق رکھتے ہیں اس طرح سے اب بلوچستان کی حکومت نواز شریف اور اس کی پارٹی کی نہیں رہی۔

مسلم لیگ ن کے منحرف ارکان اورمسلم لیگ (ق) نے 65رکنی ایوان میں5ارکان رکھنے والی مسلم لیگ (ق) کے عبدالقدوس بزنجو کو وزیراعلیٰ بلوچستان کیلئے نامزد کردیا۔

پنجاب کے شہر قصور میں کمسن زینب کو اغوا کے بعد زیادتی کا نشانہ بنا کر قتل کردیا گیا۔اس لرزہ خیز واردات کے بعد پورا شہر سراپا احتجاج بن گیا، مظاہرین کو منتشر کرنے کے لیے پولیس کی فائرنگ سے 2 افراد جاں بحق ہوگئے۔

بلوچستان کے مستعفی ہونے والے وزیراعلیٰ و مسلم لیگ(ن) بلوچستان کے صدر و چیف آف جھالاوان نواب ثناء اللہ خان زہری نے کہاہے کہ زبردستی اقتدار سے چمٹے رہنامیرا شیوہ نہیں، مجھے طاقت اور اقتدار اسمبلی نے دی ہے، مجھے محسوس ہورہاہے کہ کافی تعداد میں اسمبلی کے اراکین میری قیادت سے مطمئن نہیں ہیں اس لئے میں ان پر زبردستی مسلط نہیں ہونا چاہتا ،اقتدار آنی جانی چیز ہے ۔

ایران سکیورٹی کونسل کے سیکریٹری علی شمخانی نے کہا ہے کہ کسی ملک کو پاک ایران تعلقات میں خلل ڈالنے کی اجازت نہیں دیں گے۔

وزیر اعظم شاہد خان عباسی نے امریکہ کی جانب سے سکیورٹی تعاون کی مد میں پاکستان کی دو ارب ڈالر تک امداد روکنے کی رپورٹس پر حیرانگی کا اظہار کرتے ہوئے کہاہے کہ امریکہ نے سول اور ملٹری امداد کے نام پر اب تک جو رقم دی وہ نہ ہونے کے برابر تھی ٗامریکی صدر کے الزامات گمراہ کن ہیں ٗ دہشت گردی کے خلاف دنیا کی جنگ اپنے وسائل سے لڑ رہے ہیں ٗ اس پر عالمی برادری کو ہمیں سراہنا چاہیے۔