سبی سے خبر آئی ہے کہ 1992ء میں ڈویژنل ہیڈ کوارٹر ہسپتال کی تعمیر نو اور توسیع پر کروڑوں روپے خرچ کیے گئے لیکن ابھی بھی ہسپتال میںآپریشن تھیٹر سمیت اکثرشعبے غیر فعال ہیں حالانکہ سبی کا از سر نو تعمیر شدہ اسپتال تمام سہولیات سے آراستہ ہے مگر اعلیٰ تربیت یافتہ انسانی وسائل سے محروم ہے ۔

یہ ایک خوش آئند عمل ہے کہ نواز شریف کی نااہلی اور سیاست سے اس کی تاحیات برطرفی کے بعد پاکستان میں جمہوریت ڈی ریل نہیں ہوئی۔ کسی بھی طبقہ ‘ گروہ یا ادارے کی طرف سے یہ کوشش نہیں کی گئی کہ جمہوریت کو ڈی ریل کیاجائے ۔

ایک حکومتی معاشی سروے کے مطابق بلوچستان کی کل آبادی کے 71فیصد افراد غریب ہیں اس سے قبل آزاد ماہرین معاشیات کا اندازہ تھا کہ غربت کی شرح اسی فیصد ہے مگر حکومتی سروے کے مطابق اس بات کی تصدیق ہوگئی کہ یہ شرح 71فیصد ہے ۔

توقع کے مطابق سابق وزیراعظم نواز شریف نے اپنے بھائی شہباز شریف کو وزیراعظم کے مستقل عہدے کے لئے نامزد کردیا ۔ اس کی منظوری اجلاس میں موجودہ پارلیمانی پارٹی کے اراکین اور صوبائی وزرائے اعلیٰ نے دی ۔

1983کی ایم آر ڈی تحریک کا پاکستان کی سیاست میں کلیدی کردار رہا ۔ اس نے سب سے پہلے فوجی جنتاکو جھنجھوڑ کر رکھ دیا اور فوجی آمر کو مجبور کیا کہ غیر سیاسی بنیادوں پر سیاسی انتخابات کرائے ۔

گزشتہ دہائی میں آر سی ڈی آئی وے کا کوئٹہ ‘ نوشکی سیکشن انتہائی خستہ حالت میں تھا ، اللہ اللہ کرکے اس کی حالت ٹھیک کر دی گئی اب گاڑی والوں اور مسافر بسوں کو کچھ زیادہ پریشانی کا سامنا نہیں پڑرہا ۔

وزیراعظم پاکستان میاں محمد نواز شریف کو سپریم کورٹ نے بد عنوانی کے الزامات پر تاحیات نا اہل قرار دیا ۔ اب وہ وزیراعظم کے عہدے پر رہنے کے اہل نہیں رہے ۔ سپریم کورٹ کے پانچ رکنی بنچ نے یہ متفقہ فیصلہ دیا کہ وزیراعظم عہدے کے اہل نہیں رہے ان کا مقدمہ اب احتساب عدالت کو روانہ کردیا گیا ہے ۔

سندھ کے صوبائی اسمبلی نے احتساب یا نیب کی منسوخی کا قانون دوبارہ منسوخ کردیا اور ایک بار قانونی اورجمہوری انداز میں سندھ کے عوامی نمائندوں نے نیب کو سندھ سے بے دخل کرنے کا قانون پاس کردیا۔

اخباری اطلاعات ہیں کہ وفاقی حکومت نے یہ فیصلہ کر لیا ہے کہ کچھی کینال کو بگٹی قبائلی علاقے تک محدود کیاجائے گا ۔ بلوچستان کابینہ کے ایک رکن جن کا تعلق نصیر آباد سے ہے ،نے یہ انکشاف کیا ہے کہ کچھی کینال کو بگٹی علاقے تک محدود کردیا گیا ہے ، اس کے بعد نہر کی تعمیرات روک دی جائیں گی۔

دہشت گردوں نے ایک بار پھر لاہور کو نشانہ بنایا جس میں نو پولیس اہلکاروں سمیت 28افراد جاں بحق ہوئے اور تقریباً چالیس کے لگ بھگ دوسرے افراد زخمی ہوئے ۔یہ دھماکہ خود کش تھا اور خودکش حملہ آور اطلاعات کے مطابقت موٹر سائیکل پر سوار تھا۔