حکومت کے ایک معمولی اقدام سے درجنوں بھوت اساتذہ اسکولوں میں نمور دار ہوئے اور اپنی حاضری لگانی شروع کردی نصیر آباد کے ڈپٹی کمشنر اور ایجو کیشن افسر نے ان غیر حاضر اساتذہ کی تنخواہیں موثر طریقے سے روک دیں اور تقریباً 14لاکھ روپے تنخواہوں کی مد میں اساتذہ کو جاری نہیں کیے۔

ایران کے عوام نے ایک بار پھر ایرانی صدر حسن روحانی کے حق میں فیصلہ دیا، انہوں نے59فیصد ووٹ لے کر قدامت پسند عالم ابراہیم رئیسی کو زبردست شکست سے دو چار کیا۔ ابراہیم رئیسی جو امام رضا کے روضہ کے منتظم ہیں کو صرف 38فیصد ووٹ ملے ۔ باقی دو امیدواروں کو چند لاکھ ووٹ ملے ۔

عالمی عدالت انصاف نے ریاست پاکستان کو حکم دیا ہے کہ وہ بھارتی جاسوس کو پھانسی دینے کی سزا معطل کر دے۔ حتمی فیصلہ بعد میں آئے گا تاہم یہ مختصر فیصلہ تھا، عدالت عالیہ کے تمام جج حضرات اس فیصلے پر متفق تھے اور کسی نے بھی اختلافی نوٹ نہیں لکھا ۔

کابل میں پاکستانی سفارتی اہلکاروں کو افغانستان کے جاسوسی ادارے این ڈی ایس نے اغوا کر لیا ، ان کو تین گھنٹوں تک حراست میں رکھا اور ہراساں کیا ۔

کوئٹہ میں ناجائز تجاوزات کے خلاف بھر پور کارروائی جاری ہے یہ کارروائی مقامی انتظامیہ عدالت عالیہ کے احکامات کے بعد کررہی ہے ۔ شہر کے تجارتی مراکز میں تقریباً تمام تجاوزات یا زیادہ تر تجاوزات ہٹا دئیے گئے ہیں۔

حال ہی میں کوئٹہ میں ایک آگاہی نشست ہوئی جس میں انسانی اسمگلنگ کے مسائل کو اجاگر کیا گیا۔ یورپی ممالک میں اس حوالے سے زیادہ تشویش پائی جاتی ہے کہ افریقہ اور ایشیاء سے کروڑوں لوگ یورپی ممالک کا رخ کر رہے ہیں تا کہ ان کو وہاں بہتر زندگی گزارنے کا موقع مل سکے ۔

یہ ایک افسوسناک حقیقت ہے کہ افغانستان اور پاکستان میں عوامی مشکلات سے زیادہ سیاست کو اہمیت دی جاتی ہے ۔ چمن بارڈر کی بندش کو دس دن سے زیادہ ہوگئے ہیں جس سے عوامی مشکلات میں اضافہ ہورہا ہے ۔

بلوچستان کی اکثریتی آبادی کی شکایات میں ر وز بروز اضافہ ہوتا جارہا ہے ، بعض لوگوں کو امتیازی سلوک کا نشانہ بنانے کی شکایت ہے۔ اکثریتی آبادی کہتی ہے کہ ان کے ساتھ امتیازی سلوک روا رکھا جارہاہے ۔

نوکنڈی بلوچستان کی سونا اگلنے والی سرزمین ہے جہاں پر رہنے والوں کودن میں صرف آٹھ گھنٹے بجلی دی جاتی ہے ،دن کے اوقات میں پانچ گھنٹے اور رات کو صرف تین گھنٹے ۔ یہ بجلی مقامی طورپر نصب جرنیٹر سے فراہم کی جاتی ہے۔ اسی طرح بلوچستان کے کئی دور دراز کے شہروں میں جنریٹرز نصب ہیں ۔

بلوچستان ہائی کورٹ کے ڈویژن بنچ نے وزیر داخلہ اور محکمہ داخلہ کے اس حکم کو کالعدم قرار دے دیا جس میں 200افراد کی قانونی بھرتی کو یک طرفہ طورپر منسوخ کردیا گیا تھا۔ یہ ملازمین محکمہ جیل خانہ جات میں قانونی ‘ آئینی اور جائز طورپر بھرتی ہوئے تھے۔