کراچی /کوئٹہ: بلوچستان میں جام حکومت کے خلاف عدمِ اعتماد کی تحریک پر بلوچستان عوامی پارٹی کے ناراض ارکان سے رابطے جاری ہیں اس سلسلے میں گزشتہ روز صوبائی وزراء نے کراچی میں ناراض ارکان سے ٹیلی فون اور دیگر ذرائع سے رابطے کئے باخبر ذرائع نے بتایا کہ ان رابطوں میں ان ارکان نے اپنے کچھ تحفظات کا اظہار کرتے ہوئے کہا کہ اگر ان کو دور کردیا جائے تو وہ تحریک عدم اعتماد میں اپوزیشن(پی ڈی ایم)کا ساتھ نہیں دیں گے ذرائع نے بتایا کہ اسلام آباد سے بھی مقتدر حلقوں نے واضح کیا ہے کہ موجود سیٹ اپ کو کسی صورت میں ڈی ریل نہیں ہونے دیا جائے گا ۔
کوئٹہ: محکمہ داخلہ نے گرفتار 75 طلباء کیخلاف درج مقدمہ واپس لے لیا ہفتے کے روز دوسرے دن بھی کمشنر اور ڈپٹی کمشنر آفس کے سامنے طلباء نے ریڈزون سے گرفتار کئے گئے 75 طلباء کی گرفتاریوں ، پی ایم سی انٹری ٹیسٹ میں بے ضابطگیوںکیخلاف طلباء کا احتجاجی دھرنا رات گئے تک جاری رہا۔
کوئٹہ : ترجمان حکومت بلو چستان لیا قت شا ہوانی نے کہا ہے کہ پی ایم سی سٹوڈنٹس کے جائز مطالبات حل کرے میڈیکل سٹوڈنٹس کیخلاف درج ایف آئی آر واپس لے لی گئی ہے طلباء ہمارا مستقبل اور وقار ہیں انکی جگہ تھانہ نہیں بلکہ تعلیمی ادارے ہیں۔
نوشکی: طلبا کی پرامن احتجاج پر پولیس کی لاٹھی چارج سے ثابت ہوا کہ بلوچستان میں برائے نام جمہوریت جبکہ عملا مارشل لا نافذ ہیں بی ایس او پجار کے مرکزی چیرمین سمیت دیگر درجنوں طلبا کی گرفتاری کی جتنی بھی مذمت کیجاے کم ہیں واقعہ کے خلاف بلوچستان بھر میں حکومت کے خلاف احتجاجی مظاہرے ہونگے۔
کوئٹہ: وزیراعظم پاکستان عمران خان سے جمعہ کو وزیراعلیٰ بلوچستان جام کمال خان کی ون آن ون ملاقات ہوئی جس میں وزیراعظم پاکستان نے ان کو بھرپور حمایت کا یقین دلاتے ہوئے کہا کہ پی ٹی آئی اوربلوچستان عوامی پارٹی وفاق اور صوبے میں اتحادی ہیں اور یہ اتحاد برقرار رہے گاباخبر ذرائع نے بتایا کہ وزیر اعظم نے کہاکہ پی ٹی آئی کے تمام آرکان کو مکمل طور پر وزیراعلیٰ جام کمال خان کا ساتھ دیں گے اور ہم ان کی حکومت کسی صورت میں گرنے نہیں دینگے۔
کوئٹہ : پاک چین اقتصادی راہداری انتہائی اہمیت کا حامل منصوبہ ہے اور اسکے دوسرے مرحلے میں اقتصادی تعاون کے وسیع مواقع سے بھرپور فائدہ اٹھایا جانا چاہیےان خیالات کا اظہار سینیٹر ثمینہ ممتاز زہری نے اپنے ایک بیان میں کیا۔
کوئٹہ: میڈیکل کالجز میں داخلوں کے لئے ہونیوالے ٹیسٹ میں بد عنوانیوں کیخلاف طلبہ کا احتجاجی سلسلہ جاری ،گزشتہ روز ملک بھرکی طرح کوئٹہ میں بھی داخلہ ٹیسٹ کی متاثرین طلباء و دیگر طلبائو تنظیموں سمیت سول سوسائٹی کے افراد نے شہر میں ایک بڑی ریلی کا انعقا د کیا جو شہر کے اہم شاہرائوں پر گشت کے بعد ہاکی چوک پر دھرنا دے کر بیٹھ گئے ۔دھرنے میں طلباء کی بڑی تعداد نے شرکت کی جو رات گئے دھرنے پر بیٹھے رہے ۔
کوئٹہ: ینگ ڈاکٹرز ایسوسی ایشن بلوچستان کے ترجمان نے اپنے جاری کردہ ایک پریس ریلیز میں کہا ہے کہ محکمہ صحت مسائل کا ڈھیر بن گیا ہے، سیکرٹریز صحت کی نااہلی اور تبدیلی کی دعویدار جام حکومت کی عدم دلچسپی نے محکمہ صحت کو تباہی کے دہانے پر لا کھڑا کردیا ہے۔
کوئٹہ: وزیراعلیٰ بلوچستان جام کمال خان نے کہا ہے کہ ایسا ممکن نہیں کہ ہر کسی کو اس کی خواہش پر وزارت دی جائے ،ناراض ارکان میں اکثریت وزارتوں پر براجمان ہے ،مثبت کام کی مخالفت اپوزیشن کا وطیرہ ہے متحدہ اپوزیشن کی تحریک عدم اعتماد ناکام ہوگی ،جب اپوزیشن حلقوں میں ترقیاتی کام جاری ہے تو پھر بی اے پی کے ارکان کو کیسے نظرانداز کیاجاسکتاہے ،اپوزیشن ذاتی مفادات کے حصول کیلئے لوگوں کو گمرہ کرنے کی کوشش میں ہے۔
کوئٹہ: حکومت بلوچستان کے ترجمان لیاقت شاہوانی نے کہاہے کہ اپوزیشن سے جام کمال کی حکومت کو کوئی خطرہ نہیں ،پی ڈی ایم میں شامل جماعتوں نے شہ سرخیوں میں رہنے کیلئے تحریک عدم اعتماد کا شوشہ چھوڑا ہے۔
