منی وتن دوست بیت چو ساہ ءَ
منی وتن درپش دنت چو ماہ ءَ
منی وتن کاڑے ءِ گشان اِنت
منی وتن محرم ءِ نشان انت
منی وتن گُنگے ءِ زبان اِنت
منی وتن منزل ءَ روان اِنت
منی وتن منی جان ءَ مان اِنت
منی وتن فاضل ءِ بیان اِنت
منی وتن پہک ءَ مہروان اِنت
منی وتن کہ منی جہا ن انت
منی وتن دوست بیت چوساہ ءَ
منی وتن درپش دنت چو ماہ ءَ
منی وتن منی دیار اِنت
منی وتن اللہ ءِ میار اِنت
منی وتن ہرچی ءَ چکار اِنت
منی وتن پرچی ءَ شیزار اِنت
منی وتن استی ءِ توار اِنت
منی وتن مہکمیں تلار اِنت
منی وتن سبز ءُُ پل بہار اِنت
منی وتن پہ بداں سگار اِنت
منی وتن ترا چے پکار اِنت
منی وتن پمن مثل ءِ ہار اِنت
منی وتن دوست بیت چو ساہ ءَ
منی وتن درپش دنت چو ماہ ءَ
