بلوچستان ءُُ بلوچ ءِ دیما گرانیں ءُُ مشکلیں وہدے اتکگ ۔اے ووٹ کہ بوہگءَ انت اے ووٹ ءِ پرچی ہر بلوچ ءِ وجود انت آئی ءِ احساس انت ،آئی شعور انت کہ آ کہ آ وتی اختیار ءَ ہمے ووٹ ءِ پرچی ءِ ذریعہ ءَ وتی رہمنائے ءَ را اے اختیار ءَ دنت آ بلوچ ءِ دیمپانی ءَ بہ کنت ۔بلوچ ءِ عزت ءِ بلوچ ءِ ننگ ءِ آ پہ بلوچ ءَ کوہیں بلے بہ بیت ۔

آ بہ بہروت اسمبلی ءَ بلوچ ءِ لنگڑی ،واری بلوچ ءِ نیزگاری ءِ گپ ءَ بہ جنت ۔ آ بہ وت حاکماں ءُُ وازدراں بہ گوشیت کہ بلوچ لنگڑ انت ،بلوچ بزگ انت تو بلوچ ءِ سرزمین پلتگ آئی ءِ زبان پلتگ ،تو بلوچ ءِ حق پلتگ انت بلوچ ءِ مڈی پلتگ بلئے تو بلوچ ءَ را چہ بلوچ ءِ مڈی ءَ بے بہر بہ کن۔تو وتی اختیار ء۔ دیئے وتی نمائندہ ءَ کہ آ بہ روت انت ۔

ءُُ بہ گوشیت کہ واجہ تو گشئے کہ من گوادر ءَ پنجاہ لکھ چینی، سندھی ،ءُُ پنجابی کاراں ءُُ روزگار دیاں گڈا واجہ دہ ءُُ دوازدہ لکھ کہ بلوچ انت ءُُ بے روزگار انت وانندہین ءُُ بے وانندہ بے روزگار انت آہانی شور چے انت ؟ تو پرچا آہان ءَ روزگار نہ دئے؟ تو گوشے کہ من اے پرچی ءَ اے ووٹ ءَ وتی ضمیر ءَ ءُُ اے وتی اختیار ہمائی ءَ دئے کہ آ روت بہ گشیت کہ واجہ تو بلوچ ءَ جنے آئی کم چہ کم میار ءُُ گناہ ءَ وَ بگوش گوں۔تو وتی ووٹ ءَ ہمائی ءَ دئے کہ تئی حق ءِ پلہ مرزی ءَ بہ کن تئی مڈی ءَ چہ ترا بے بہر کنگ ءَ میل ایت بلوچ ءِ بزگی ءَ بزانت۔

تو گشئے کہ منی نمائندہ روت ءُُ بہ گوشیت کہ بلوچ ءَ بے عزت مہ کن ات بلوچ،بلوچے باعزت انت،آئی مہ بر،مہ گر،بے عزت مہ کن ،مہ کش ءُُ چگل مہ دئے۔واجہان شما ہمے گوشتگ کہ ما گوں بلوچستان نیشنل پارٹی ءَ سروکاں ہمراہ داری کنیں ،آئی ءِ لیڈر ءُُ ورکر گپے خلاف انت۔

من ہم اے پارٹی ءِ لیڈاں ءُُ کسے منی ورکر انت ما کسے ءَ را ورکر کہ گوشیں بزان کہ ماآئی ءَ را بے عزت کت شما منی ہمراہ ات مئے پارٹی ءِ ہمراہ ات ءُُ اے ہمراہ داری 25تاریخ ءَ مہ کٹیت بلکیں اے بلوچی ہمراہ داری یے بہ بیت،شر ءُُ گندگ ءِ ہمراہداری یے بہ بیت ،کسے اگاں پہ مالٹے شانیت تو وتی دستاں چیر بہ دئیت،کسے تراتیلانکے دنت من ترا بہ داراں ءُُ کپگ میلاں ہمراہ داری ایش انت ۔

میشا مئے پارٹی ورکر جوڑ نہ کنت مئے پارٹی ہمراہ جوڑ کنت ءُُ اے ہمراہ داری دائمی بہ بیت۔ووٹانی خرید ءُُ فروخت ءِ گپ بوت اے پرچی بائدیں پہ خرید ءُُ فروخت ءَ گرانیں قیمتے بیاریت۔ اے تئی وجود انت اگان کسے تئی وجود ءَ خرید کنگ لوٹیت گڑا آتئی شعور ءَ خرید کنگ لوٹ ایت ،من سرپد نہ باں کہ بلوچ خرید ءُُ فروخت ءَ بہر نہ بیت اگاں بوتین گڑا بلوچ ءَ لٹ نہ وارتگ ات ۔ بلوچ نہ گوشنت کہ بگا ءُُ سلامت بگا ءُُ موت بلوچاں گشتگ کہ مرگ ءَ مڑائے گون کنگ لوٹیت۔

منی دل مہ من ایت کہ بلوچ پہ زر ءُُ مال ءَ وتارا یا ضمیر ءَ بہا کت کنت اگاں کنت گڑا آ اے دیوان ءِ مردماں چہ نہ انت۔واجہیں براتاں ،بلوچستان نیشنل پارٹی، بلوچانی جماعتے ءُُ مئے دل ءَ ہمیش انت کہ اگاں شما مئے امیدواران گچین کت وتی اختیار دات گڈا ما بلوچ ءِ خریدءُُ فروخت ءِ اے براہیں کارں بہ بن ءَ بند کناں ۔من نہ گشاں کہ مئے پارٹی ادا شہد ءُُ شیرے جو پچ کنت،بلئے کوشش کنت کہ کسے گوما ناانصافی مہ بیت۔

بلوچ رد ءُُ گچین مہ بیت ووٹاں اگاں بیست ہزار ووٹ کپت ءُُ منی پارٹی ءِ امیت وار ءَ ہفت ہزار ووٹ گپت ءُُ کامیاب بیت کسے ءَ دو ہزار ،کسے ءَ سے ہزار کسے ءَ پنچ ہزار بازیں امیت وار انت ءُُ بی این پی ءَ ہفت ءُ ہشت ہزار ووٹ گپت ءُُ کامیا ب بوت من ہمے ہفتیں ہزارانی نمائندہ انت مئے واستا اے قابل قبول نہ انت مئے نمائندہ درائیں حلقہے نمائند ہ انت کسے ووٹ دنت کہ نہ دنت۔چو نہ بیت کہ من۔بگوشاں کہ گل محمد ءَ من ءَ ووٹ دات ءُُ درمحمد ءَ ووٹ نہ داتگ من آئی ءِ گپاں گوش نہ داراں اے پہ بلوچ ءَ بے عزتی یے ۔منی پارٹی کہ کامیاب بوت چہ ما کس رد ءُُ گچین نہ کناں ۔اگاں مارا اختیار ءُُ قوت بوت پہ مثال اگاں ما سد مردم روزگار کت کت آ مئے ناکوزتک نہ بنت۔

درائیں بلوچ مئے ناکوزتک انت۔ ہروہد ءَ کا ما رد ءُُ گچین کت مئے سرا میار ءَ بہ لڈ ات ۔ہروہد ءَ ما بلوچ ءِ خرید ءُُ فروخت ءَ گون بوتاں مارا ملامت بہ کن ات ما چا مردماں نیاں کہ 25تاریخ ءَ پد گار بنت ءُُ پنچ سال ءَ پد کاینت ما شمئے ہمراہ انت مئے لوگ ءُُ جاگہ ہمیدا انت مرگءُُ زند درستاں ما ءُُ شما یکجا انت ۔

بلوچستان نیشنل پارٹی الیکشن ءَ روگ ءَ انت بلئے اے آسانیں جوکمے نہ انت ما ءُُ شما وتی کوپگاں زرتگ ۔اے گرانیں بارے مئے بدواہ تہنا آ مردم نیاں کہ مئے مقابلہ ءَ اوشتاتگ انت ووٹ و ہرکسی حق انت ،مردم ہرکس ءَ گچین بہ کنت اے اوں آئی حق انت مئے مقابلہ گوں ہما مخلوق ءَ انت کہ ہمے ووٹ ءَ اوشتاتگیں مردمانی کوپگ انت آ طاقتوریں مخلوق ءِ مردمانی گوما مئے مقابلہ انت ،بلئے اگاں شما بلوٹ ات کہ شمئے امیت وار شمئے مرضی ءِ بہ بنت۔

گڑا چشیں مردمے نیست کہ اے گچین کاری ءِ رزلٹ ءَ بدل کت بہ کنت ۔ مئے پارٹی ءِ مردماں شمئے شر زان ایت پجہ اش کاریت اگاں شمئے ووٹ ءِ لاحق انت ووٹ اش بہ دئیت ،شمئے رہمنائی ءِ لاحق انت آہاں وتی رہمنا بہ کن انت اگاں شما دیست کہ اے مردم چہ گوستگیں لیڈاں گندگ تر انت ایشاں وتی ووٹ ءَ مہ دئیت ، بلئے اگاں شمئے ووٹ دات گڑا ہمراہ داری ءَ یلہ مہ دئیت اے ہمراہ داری ءَ را گوں 25ءِ ووٹ ءَ ہچ تعلقے نیست انت بائد انت۔

مئے سفر بلوچ ءِ عزت ،بہبودی،مال ءُُ مڈیانی پہازگ اگاں ما ہمراہ داری مہ کنیں گڑاں انچو ما لنگڑیں مئے آوکیں نسل لنگڑ بیت انچو کہ ما لٹ ورگ ءَ انت مئے آیندے نسل اوں لٹ وارت آ ہم ہمے زلم ءُُ جبر ءِ آماچ بیت۔

اے دیوان ءَ نندوکیں مردماں گیشتر ورنا انت بلئے گیشتر ءَ وتی عمرے بہرے گوازینتگ شست ءُُ ہفتاد سال گوازینتگ بلئے ہما ورنا ءُُ ہما بچ ءُُ جنک کہ کسان انت شما آہانی واستا چے گندانت آیا آیاں روزگار رسیت ، آ شپاں وش وابی کت کن انت؟ آ پہ وتی برات ءُُ گہار یا مات ءُُ پت ءَ پہ کوپگے بوت کن ات؟ مال ءُُ مڈی انت بلئے حاکمے تو نہ اِت، من گوں شما دست بندی کناں خہ وتی راہشونی ءُُ اختیار ءَ کہ دئیت آئی ءَ یلہ دئیگی نہ انت پنچ سال ءَ پد نہ بلکیں دائم ءَ آئی ءِ پد ءُُ رند ءَ بہ کن اِت۔

شما دسیت کہ شمئے نمائندہ شمے عزت ءَ پامال کنگ ءَ دلمانگ انت ، روزگار دئیگ ءَ نہ انت ،جان سلامتی دئیگءَ انت ہمے دمان ءَ آئی ءِ گورجیگ ءَ بہ گرات ءُُ بہ گشیت کہ تو مارا دھوکہ داتگ ،تو مئے نمائند نہ اِت۔من شمئے باز منت واراں یک رندے پدا دست بندی ہمیش انت کہ مئے ءُُ شمئے ہمراہ داری گوں ووٹ ءُُ الیکشناں مہ کٹیت ءُُ اے ہمراہ داری شریں ہمراہ داری ءِ بہ بیت مڑاہ داری ءِ بہ بیت بلوچی ءِ بہ بیت بردباری ءِ بہ بیت عزت ءُُ احترام ءِ بہ بیت۔