آ چہ نزیک تریں جاہ ءَ تہترین ءَ ایر اتک اے جاہ ءَ راہ یے ات کہ چہ ایورنسٗ ءِ تہا ءَ دراتک ،آ ہمے سرد ءُُ مجیں راہ ءَ گران بوت ءُُ سائیٹکس کور ءِ سرا آتکءُُ سر بوت آئی ءَ دیست کہ ساہگ کور ءِ کش ءَ پہ یکدار ءَ ودار انت کہ آہان آدیم ءَ بہ بر انت بلئے آئی ءَ ادا ہیروڈائیس دپ نہ کپت ۔آ زلورپیسر ءَ گوستگ ات ۔ لانچ پداآتک ءُُ دکہ ءَ لگ ات ءُُ ساہگ یک یک ءَ ایر کپت انت ءُُ چہ للک ءِ چیر ءَ پہلے کش اتئے ءُُ کرا دات ات ۔

لانچ ءِ سیاہ ءُُ بدشکلیں مرد ءَ آریپیس داشت وہدے آسر کپگ ءَ ات ۔ ’’ بوشت‘‘ آئی ءَ نہر دات’’ ایوک مرتگ چداں شت کن انت ‘ آریپیس ءَ وتی لائیر( ساز) زرت ءُُ جنگ بناکت آئی ءَ کور ءِ سوتے جت ۔ آئی ءَ یک یکداری سوتے جت ،انچیں کہ کور روچ ءَ بہ تچ ایت، زہگاں ہمے کور ءَ کاگد ءُُ دارءِ سرا لیبی یکدار شرکت ءُُ تاتک،بلئے وہدے پدا ہمے کسان سالیں چک مزن بوت انت۔

گڈا آہاں مزنیں یکدار تاتک ءُُ پیمیشاں سوار بوت انت پدا کجام دروشم ءَ آہاں گوں وتی محکمیں باسکاں کور ءَ یکدار تیلانک دات انت ، وہدے کہ بنی آدم ورنا بیت گڈا سہب ءَ مہلا آپ ءِ چونیں وشیں بویے! ءُُ پدا ہمے وہد ءَ چپو ءِ توار! آ ءُُ کیرون ہمے سوت ءَ گوشدارگ ءَ ات آئی ءِ گمان ہم آئی ءَ کسانی ءُُ ورنائی ءَ شت ۔ ہما وہد ءَ پیسر آ حادث ءَ زرت ات ءُُ اے سیاہیں کور ءِ سرا کار بستگ ات ۔

آ گوں ہمے یاتاں انچو گار بوت کہ آئی ءِ دست ءِ چپو چہ آئی ءِ دست ءَ لگشت ءُُ کپت آ ہمے یکیں جاگہ ءَ مک بوت ءُُ ارس آئی ءِ چماں شیپ گران بوت انت ۔۔۔ ءُُ آریپیس ءَ کپتگیں چپو چت ءُُ کور ءَ گران ءَ شت ۔ ساہگاں یکدار داں تہترین ءِ دروازگ ءِ دپ ءَ آورت ،آریپیس آہانی رند ءَ بوت ۔پدا آئی ءَ یک ترسناکیں توارے گوشاں کپت ۔ آئی ءَ یک مزنیں سے سرگی کچکے دیست کہ ہرچ سرگے چہ دومی گیشتر بشکل ترسناک تر ات آ آراپ ریچان ءُُ چانگان ات ۔

اے سرگی کچک سربیرس ات کہ اتکہ تہترین ءِ پانگپاہ ات ۔ آریپیس ءَ وتی ساز درکت ءُُ کچکءِ سوت جت ۔ اے تازی کچکءِ سوت ات شکاری ءِ سوت ات۔اے سوت ءَ تامے مان ات انچیں تامے کہ تازی کچکے نوکیں شکاری یے گندگ بمارات ءُُ بچانگ ات ہما تازیانی وڑ ءَ کہ ایوک ءَ یک زیبائیں سرگے پر انت اش۔ ہما کچکانی وڑا کہ روچ ء روشنائی ءَ جنگل ءِ ساہگانی تہا گرک ءُُ آسکانی شکار ءَ تچ انت ۔

کچک بائدیں چوشکاری ئیں تازی آزاد بہ بیت ننکہ چو اے سے سرگی ئیں کچک ءَ اے تہاریں دروازگ ءِ دپ ءَ بوشت انت ءُُ جن ءُُ پریانی سرا بچانک انت۔سربیرس وپت ،وتی ششیں چمے بند کت انت گوں وتی سے ئیں للکاں ہسگ ءَ لگ ات ءُُ واب کپت ءُُ دابءَ وتی ہما دورے دیست کہ وہدے آ یک انچائیں کچکے ات ۔ ہما دور کہ آ اسلی کچکے ات ءُُ گرگ ءُُ بندگ ءُُ پہ مرتگینانی بانگپائی ءَ درآرگ نہ بوتگ ات۔

آریپیس ءَ آئی ءَ سرا ہٹ جت ءُُ چہ دروازگ ءَ گوست۔آ چہ شمشانی ڈگارے ءَ گوزان بوت لیب کنان ءَ جنگل ءِ ساہگ ءُُ جن چہ گل ءَ چو شپ چر ءَ بال جنان بوت انت سیسی پس ءَ سنگ ءِ دکہ دئیگ بس کت۔ سنگ ہم کوہ ءِ سرا درنگ پہ سوت ءِ گوشدارگ ءَ ءُُ پدا جہل ءَ نہ کپت۔ تنا توس ءَ زیمر اش کت گڑا وتی سر ءِ چہ آپ ءَ کش ات زیمر ءَ آئی ءِ تن ہلاس کت مینوس لادانتیس ءُُ ایکس کہ مردگانی سے مزنیں جج ات انت آہاں وتی برزیں تحتانی سرا زیمر ءِ توار اش کت ءُُ اوں گوں وت کوہنیں روچانی واباں گوں درنگ بوت انت۔

کہ وہدے آ سریتے ءِ گلزمین ءِ سرا ورنائیں شہزادگ ات انت ۔ آہاں زمینی جنگ ، آپی جنگ ، اسپیتیں نریان ، زیبائیں ملگزار، ترپوکیں سگار ءُُ گوستگیں روچاں یات کت انت آ وتی تحتانی سرا سنگ ء سیا ہ بوت انت آہاں زیمر گوش داشت ،آہانی چم چہ ارساں پر بوت انت بلئے آہانی گوش پہ وئیلانی جیڑہاں گوشدارگ ءَ کر ات انت ۔
(Heros, Gods and Monsters of the Greek Myths)