ما مرچی چاریں کہ مہلوک وتی زبان ءَ مارگ ءَ انت ءُُ آئی سر ءَ کار کنگ ءَ انت۔ اردو لغت بورڑ والاہاں انونگیں وہد ءَ پہ املاءِ پہ ر استی ءِ ہاترءَ یک کتاب ءِ ٹہینتگ ”صحیح تلفظ، درست املا“ ءِ نام ءَ آہاں اے چیز ماراتگءُُ کتابءِ سرتاک ءَ ہمے لیکہءِ پلہ مرزی کتگ کہ روتاک ءُُ ٹیلیویژن ءِ زیاتی ءِ چہ زبان باز دیم ءَ روگ ءَ آں بلے آہانی گشگ ہمیش انت۔
کہ زبان ہمنکس کہ دیم ءَ شتگ ءُُ روتاک ءُُ ٹیلیویژن ءَ زبان ءِ نکس تاوان ہم رسینتگ آ گش انت کہ املا ءِ تہا بازیں ردی استاں او چنچوک ما دیم ءَ روگ ءَ انت مئے زبان ءِ پیچ و تاب ورانیں بتچک بوھگ ءَ نہ انت۔ کسانیں کتاب ءَ کہ ایشی قیمت سے سد کلداریں بلے وھد ءِ ضلورتیں کہ ہر کس پہ گرگ ءَ ھدوناکیں۔ پہ اردو ءِ دیم روئی ءَ اے بلاھیں کارے۔
کہ مردم ھیل گراں ءُُ زبان ءَ سرپد بیاں۔ پدا ادارگ ہم جوڑ بوتگاں ءُُ ادارگانی تہا مردم پہ زبان ءِ ھاترءَ کارکنگ انت۔ اے ادارگاناں شریں وڑ ءَ فنڈنگ ہم بیت۔گوستگیں ماہ ءَ ما اسلام آبادء نیشنل بک فاؤنڈیشن ءِ نیمگ ءَ کتابانی میلہ ءِ برجم دارگ بوتگ ات۔ اے میلہ ءِ تہا یک سیشن ءِ پہ یک نوکیں اردو ءِ سافٹ ویئر ءِ ھاترءِ ایر کنگ بوتگ ات۔
سافٹ ویئر ءِ نام ”حرف کار“ انت۔ اے سافٹ ویئر اردو املا ءُُ ایندگہ ردی آنی کشگ ءِ وسیلہ جوڑ بیت۔ ایشی چہ زبان ءِ کار آسان بیت۔ پرچہ مرچیگیں دورءَ دست ءِ کار ھلاس بوت۔ کار نوں کمپیوٹر ءِ حوالہ انت۔ ہر مردم ءِ کہ نبشتہ کارے آ وتی کمپوزر وت انت۔ اگاں اے سافٹ ویئر مارکیٹ ءَ بیت گڈاں پراہاں انگتاں ارزانی بیت۔
کہ وتی ردی آں وت کش ات کت کن انت۔ انچوش کہ ان پیج ءَ چہ یونی کوڑ ءَ کنگ یک بلاھیں کارءِ بوتگ ہمے درگت ءَ پہ زبان ءِ دیمرئی ء َ کارءِ پہ گشادی ءِ ھاترءَ اے سافٹ ویئر ہم بلاھیں معنا ئے داریت۔۔ ظاہریں اے وڑیں کار یک ادارگ ءِ کت کنت۔
ادارگانی تہا ہما مردم کار کت کنت کہ آئی کرءَ شریں آئیڈیا بہ بیت۔ ٹیم ورک بہ بیت ءُُ آئی تہا کارءِ جذبگ بہ بیت ایں گڈاں کار نہ اوشتت بلکن ءَ دیم ءَ روت۔ پد ءَ ایشاں وتی زبان ءِ سر ءَ آن لائن ہم کار کت ءُُ ر کنگ ایں۔
ما انچوش چارانت کہ آن لائن ڈکشنری ہم جوڑ کنگ بوتگ آں کہ اردو لغت بورڑ ءَ یک آن لائن ڈکشنری ءِ ٹہینتگ ءُُ اردو وانوکانی کار ہم آسان کت ءَ مہلوک اگاں یک لبزے ءِ معنا ءَ نزانت گڈاں آ آن لائن ہما ڈکشنری ءَ چہ مز چست کت کنت۔
روتاک بہ بنت یا کہ ابان ءِ دیمروی ءِ ھاترءَ گامگیج کنان انت۔ چہ ایشیءَ ایوک ءَ آہانی کار دیم ءَ نہ شتگ بلکن ءَ آہاں دری زبانانی مردم وتی نیمگ ءَ آورتگاں۔ مہلوک مرچی ہماہانی زبان ءَ نبشتہ کنگ ءَ اِنت۔ہمے ہاترا آ اردو ءَ رابطہ ءِ زبان جوڑ کنگءَ سوبمند بوتگ اَنت۔(جاری اِنت)