بلوچستان ءِ بنجاہی شہر ءِ کوئٹہءِ اے دگہ جیڑگاں ہوار یک دگہ جیڑہ یے ہمے آپ لائنّانیگ اِنت کہ بہہ شر کنگ نہ بنت۔ اے دگہ دنیا ءَ مدام ملکانی مستریں شہرانی نیمگ ءَ گشیتر دلکوش دئیگ بیت اے واحدیں ملک اِنت کہ کہ ایشی ءِ صوبہ ءِ بنجاہی شہر ہر پیمیں آسراتیاں چہ زبہر ءُُ بے بہر اِنت۔
کوئٹہ سارتیں دمگے اداں سال ءِ بنداتی سے ایں ماہاں ہور ءُُ برپ باری بیت۔ہمے ہور ءُُ برپ باری ءِ سارتی ءُُ بے گیسی ءَ چہ گیشتر مردماناں روڑ ءُُ دگانی اوشتاگیں گٹری آپاں پریشان کتگ۔ ہرجاہ برو سرجمیں روچ ءَ آپ اوشتوگ اِنت۔
اگاں چہ اے بلائیں کارے نہ اِنت اگاں آپ لائن یک برے جوانی ءَ صاف کنگ ءُُ روڑانی لمب ءَ آپ شون جوڑ کنگ بہ بیت داں ہچبر آپ روڑانی نیام ءَ نہ اوشت ایت بلئے اے کار ءَ کجام مات ءِ زہگ بہ کنت۔
زر ءُُ ما پہ ہمے کاراں واجہ کار پہ وتی بینکاں ایر کنگ ءَ پہ چہ بنجاہی حکومت ءَ لوٹ کن اَنت اگاں ہمے زرانی چارکے اوں اے کار ءَ حرچ بہ بیت داں ہچبر کوئٹہ ءِ روڑانی سرا آپ اوشتوک نہ بیت۔ پہ راہ گیریں مردماں کہ راہ ڈن ءُُ درے ءَ پہ لوگءِ ارد ءُُ سامانے ءَ روانت راہ ءِ اوشتاتگیں آپ کہ گاڑی ءِ تہ ءِ مردم پہ بے خماری پرائی تِنز دنت آبیچارگیں درائیں گد ءُُ پچ چہ گٹر ءِ آپ ءَ گر ک بنت۔
ہمے گٹری آپاں وت ہمے گاڑی ءُُ سائیکل کہ ترند گامی ءُُ بے کماری ءَ گوزینت ہمیشانی شودگ ءَ روچے باریں چنت سد کلدار حراب کن اَنت۔ درائیں دنیا ءَ وہدے ہور ءُُ باران بیت داں مردم گاڑیاں پہ سئیل ءُُ سواد درکائینت ءُُ روڑ ڈرائیونگ ءِ تام چشٰی ءَ کن اَنت بلئے کوئٹہ ءَ مردم چہ ڈن ءِ دراہگ ءَ بیزاری اِنت۔
درست ہمے اوشتاتگیں گٹری آپانی ترس ءَ کہ آواناں وتی گاڑی پہ گٹری آپاں دل نہ بنت۔ اے پرچہ انچائیں نہ اَنت کہ ایوک ءَ چہ گاڑی ءُُ سائیکلانی ٹائیراں کائینت بلکیں باز براں ہور کہ ترند بیت داں ہمے راہ ءِ سر ءِ اوشتاتگیں آپ گاڑی ءِ تہا ہم کیت اِنت۔
راہ گیریں مردماں چونائی ءَ سرکار ءَ فٹ پاتھ شر نہ کرتگ ہما کہ پرشتگیں فٹ پاتھے است انت آ ہوری موسماں وَ زاہر نہ بیت بزاں پہ راہ گیراں اے وَ دگہ بلائیں جنجالے پہ ڈن ءُُ درے ءَ روگ ءَ آ سک باز پریشان بنت۔
اے نہ اِنت نہ اے کار بوت نہ کنت یاکہ ایشی ءِ حرچے بلائیں، اے کار بوت کنت ءُُ ارزانین انت ہم بلئے گپ پدا کیت انت کہ ایمانداری ءِ کہ اے ملک ءَ ایشی ءِ چہ ازل کمی اِنت۔