گچین لبزانک بلوچی زبان ءِ نامداریں ندکار بالاچ حمید نورؔ ءِ نبشتہ کتگیں کتاب انت ۔اے کتاب ءَ ۴۲۹ تاکدیم نبشتہ اَنت ءُُ اے کتاب ۲۰۱۷ ءَ چہ نیوکالج پبلیکیشنز ءِ نیمگ ءَ چاپ بوتگ ۔ ایشی ءِ نامدات آئی ءَ بلوچی زبان ءِ شاہ زانت ءُُ کواس سید ہاشمی ءِ نام کتگ ۔ اے کتاب پہ ہما بلوچانی واست ءَ المی انت کہ آ بلوچی لبزانک ءَ شری ءَ سرپد نہ انت اے کتاب ءِ نہاد ۲۵۰ انت۔
اگاں کسے اے کتاب ءَ بواینت آ اے ہچبر دل ءَ اے گپ ءَ نیار ایت کہ آئی زر مپت شتاں اے کتاب ءَ بازین چیز گندگ ءَ کاینت کہ لس بلوچ ایشاں سرپد نہ انت ۔
چوشکہ اے کتاب ءَ بندات زبان زانتی ،زبان ءِ بندات ءُُ دیمروئی ، زبان ءِ گیشوار رہبند ءُُ اے دگہ درائیں بنگپ کہ زبان ءُُ زبانزانتی ءِ بابت ءَ اَنت ہوار اَنت گوں دروراں ایشانی بابت ءَ نبشتہ بوتگ ءُُ بالا چ حمید ءَ انچیں وڑے ءَ نبشتہ کتگ انت کہ لس مردمے ہم آئی ءَ سرپد بہ بیت نبشتہ کار ءِ جہد ہمے بوتگ کہ آسان ءَ چہ آسان بہ بیت چیاکہ اے کتابءِ یک جوانی یے ایش انت کہ اے کتاب پی سی ایس ءُُ سی ایس ایس ءِ چکاس ءَ کہ دلمانگ ا۔
نت آہاں اے کتاب ۹۰ درسد کار دنت ۔ہما مردم کہ بلوچی ءِ چکاس ءَ دئیگ لوٹیت آہانی واست ءَ ہم اے کتاب حد ءَ زیات المی انت ۔اے کتاب ءَ بلوچی لبزانک ءِ درائیں تک ءُُ پہناتانی بابت ءَ ہوار کنگ ءِ جہد بوتگ اے کتاب ءِ دومی بہر شاعری اِنت کہ جوانین رنگے ءَ نبشتہ کنگ بوتگ ادا گیدی تہراں ابید بلوچی کلاسیکل شاعری ءُُ کلاسیکل شاعری ءِ شاعرانی زند ءُُ ازم ءِ بابت ءَ سرجم ءُُ شریں وڑے ءَ ذکر بوتگ ۔
اے کتاب ءَ نہ ایوک ءَ کلاسیکل شاعری بلکیں بلوچی شاعری ءِ دومی دور ءُُ نوکیں دور ءِ بابت ءَ ہم جوانیں رنگے ءَ دئیگ بوتگ،۔بلوچی نوکیں شاعراں چہ واجہ آزات جمالدینی ءَ بگر داں منیر مومن ءَ درا درائیں ڈلگیں شاعرانی زند ءُُ شعرانی بابت ءَ جوانی ءَ دئیگ بوتگ ۔ دیمتری بہرگاں بلوچی دستانانی آ تری مہری بہ بیت یاکہ جنگی دوئیں نامداریں داستان دئیگ بوتگ اَنت ۔
اِدا حانی شے مرید ءِ مہری داستان ءَ بگر چاکر ءُُ گہرام ءِ جنگ ءِ داستان ہم دئیگ بوتگ اَنت ۔واجہ بالا چ ءَ ردانک ءُُ بلوچی ردانک ءِ درائیں تہر آ کہنیں ردانک ءُُ آئیءِ گچین تہر چوکہ الیگری ،فیبل،پیرابل ءُُ ایشانی کسہ ہوار کتگ انت ۔
بلوچی شرگداری ءِ بابت ءَ ہم آئی ءَ جوانیں رنگے ءَ داتگ ءُُ گڈ سرا آئی ءَ یک انچیں نبشتہ کارے ءِ نام دیم ءَ آورتگ آئی ءِ زند ءِ سرجمیں کارانی گوں دروراں داتگ اَنت اے کتاب ءِ نبشتہ کنگ ءَ باریں نبشتہ کار ءَ را چنچوجنجال دیم ءَ اتکگ ءُُ آئی ءَ برداشت کتگ اَنت ۔
پہ ہما ندکاراں کہ آ بلوچی نبشتہ کنگ ءُُ بلوچی لبزانک ءِ بابت ءَ سرپدی لوٹ اَنت پمشکا ہما مردم کہ وتی لبزانک ءَ جوانی ءَ وانگ ءُُ سرپد بوہگ ءَ لوٹیت آئی ءَ یکبرے اے کتاب وانگی اِنت۔