یک قومے دیمروئی چون کت کنت؟ اے جست ءِ پسو سکیں ارزان ءُُ وش پہم اِنت بلئے کس ایشی ءِ پسو ءَ دئیگ نہ لوٹیت۔

اگاں ایشی ءِ پسو دیئگ بہ بیت داں آئی ءِ جند ءِ جاہ ءُُ مکام ءِ سراباریں چے وڑیں اثرے کپت کنت پمشکا آ ایشی ءِ پسو ءَ ہچبر دپ ءَ نیاریت ءُُ نیکہ دومی مردم ءَ را ایشی ءِ پسو ءِ دئیگ ءَ کَل ایت۔اے جست ءِ پسو انت کہ حقداریں مردم ءَ را حقی ایں جاہ ءِ دارگ ءَ قومے دیمروئی کت کنت ۔حقدار ءِ معنا ایش انت کہ ہما مردم کہ کرزیت بائد ہما ئی ءَ را جاہ دئیگ بہ بیت ءُُ ہما کہ نالائق اَنت آ ایرجنگ ءُُ پشت ءَ دارگ بہ بنت ۔بلئے بیاکہ اے ملک ءَ ہمے گپ ءِ الٹ انت انور مسعود ءِ یک جوانیں شعرے ہمے جاور ءِ پداں یات پیداک اِنت آ گیشت کہ

صرف محنت کیا ہے انورؔ ؔ ؔ ؔ ؔ ؔ ؔ ؔ ؔ ؔ ؔ ؔ ؔ ؔ ؔ ؔ ؔ ؔ ؔ ؔ ؔ ؔ ؔ ؔ ؔ ؔ کامیابی کے لئے 
کوئی اوپر سے بھی ٹیلیفون ہونا چاہیئے

ایوکیں زانت ءُُ زانگ اے ملک ءَ کار نہ دنت دانکہ سفارشے گون مہ بیت ۔اے ملک ءِ دیمروئی نہ کنگ ءِ یک مستریں سوبے نا بلکیں اصل سوب ہمیش اِنت۔یک نودربرے درائیں سال ءَ وان ایت محنت کنت بلئے چکاس ءِ روچاں آئی ءِ جاہ ءَ یک انچیں نودربرے ءَ اول نمبر ءَ آرگ بیت کہ آ وتی چکاس ءِ الف ءُُ ب ءَ ہم نزانت ۔
بازیں جاہاں ،اگدہانی سرا انچیں مردم نادینگ بوتگ کہ آ وتی جند ءِ نام ءِ نبشتہ کنگ نزانت۔لہتیں انچیں اوں پوسٹ انت کہ مردم آئی ءِ تنخواہ ءَ وَ ماہ پہ ماہ گرگ ءَ انت بلئے ڈیوٹی ءِ باری ءَ یک رندے اوں وتی جاہ ءِ دیم ءَ درائی نہ کنت ۔ نادراہ جاہاں انچیں درمان بہا بوہگ اَت کہ آئی ءِ ورگ ءُُ نہ ورگ ءِ معنا یک انگت دراہ کنگ ءِ جاہ ءَ ہمے درمان گیشتر نادراہ کن اَنت ۔

ڈاکٹر ءِ جاہ ءُُ مقام زند بکشوک ءَ کم نہ اِنت بلئے ڈاکٹراں اوں وتی ڈگری نقل پاس کتگ ءُُ گپتگ یاکہ زر داتگ ءُُ ہما ڈگری پہ بہا زرتگ ءُُ نشتگ ءُُ مردمانی دوزاہ ءَ روان دئیگ ءِ کار ءَ مشگل اَنت۔ مئے وزیر ءُُ سروزیر درستانی اگاں دمبل لیٹنگ مہ بیت داں درست مادگ اَنت ءُُ انچیں سنٹیں مادگ کہ آئی گورا ہچی ءِ در آہگ ءِ گمان کنگ گنوکی یے شما ر بیت ۔
بلکیں چوش بگش کہ درائیں وزیر ءُُ گزیر یک وہدے دز ءُُ ڈنگ بوتگ اَنت ، انڈین تامراں بچار ات کہ آوانی سرویز چتوریں دُز ءُُ ڈنگ بوتگ اَنت مئے چاگر دآوانی راستیں درور اَنت۔اے جاوراں، انگت ءَ راج دیمروئی ءِ گپ ءَ بہ جنت۔۔۔۔۔

منا دنیایے گشیت دیوانگ
تو گنوک ئے کہ منا سار گشئے

’’گپ ءَ حق ءِ بجن لٹ ءَ پہ برات بوار ‘‘ ایوکیں بتل اَنت اصل ءَ چوش انت کہ’’ گپ ءَ دروگ ءِ بہ کن ءُُ لٹ ءَ برات ءَ بجن‘‘مئے چاگر دءِ جاورال ہمیش اِنت ۔دانکہ حقداریں مردم اگدہانی سرا آرگ مہ بنت اے ملک ہچبر دیمروئی کت نہ کنت ءُُ حقدار ءَ را وتی حق چون ءُُ چتور رست کنت؟ ایشی ءِ ہم ارزنیں پسو ئے کسانی ءَ ہما کسہ وَ درستاں وانتگ کہ یک دارے ہرکس پہ ارزانی ءَ پروشت کنت بلئے دارانی بگلے کس پروشت نہ کنت ۔

ءُُ یک لنککے ایوک ءُُ تہنا ہچ کت نہ کنت بلئے اگاں پنچیں لنکک یکجا بہ بنت داں یک مشتے جوڑ بیت ءُُ اے مشتے نہ حق ءِ دیم ءَ بئیت انت داں درائیں کار وت برابر بنت ۔
پمشکا چاگرد ءِ ہما درائیں نیزگار ءُُ وازمندگیں مردم اگاں یکجاہ بہ بنت ،تہنا گپ مہ کن اَنت بلکیں عملی دروشم ءَ دیم ءَ بیاانت ءُُ ہمے کار ءَ مئیل بہ کن اَنت داں راج الم دیمروئی کت کنت ءُُ جاور مٹ بوت کن اَنت ۔